ذئاب_الجبل...عودة البدري الحلقه_12 تأليف:محمد عبادي
انت في الصفحة 1 من 3 صفحات
ذئاب_الجبل...عودة البدري الحلقه_12
تأليفمحمد عبادي
..............
تذكير بنهاية الحلق السابقه
دبور ماسك العصا وداخل علي الطريق القديمه زى السبع ويقف في المكان اللي قاله عليه علوان...
شويه وتظهر عربيه جايه من بعيد..
ويقف دبور ورا شجره....
وتوصل العربيه...
وينزل حد من العربيه...
واحده لابسه لبس حورمه ومغطيه وشها وتمشي العربيه علطول...
دبور بنبرة حزن...
موهجه..
وتبص ناحيته واول ما تنزل الشال من علي وشها يفتح دبور عنيه من المفاجأه....
لملوم....
ويروح مطلع سکين من ورا ضهره ويغرز السکين في قلب دبور
ويطلعها ويغرزها تلات مرات....
ودبور يمسك في رقبة لملوم....
وهو بيقع علي الارض ينزل علي ركبيه وبيبص في وش لملوم....
عملتها يا علوان.....
عملتها يا واد عمي.....
مشهد 1.....علوان....
علوان قاعد في الدار رايح جاي مش علي بعضه وقلقان....
نعمه نازله من علي السلم وتشوفه رايح جاي....
نعمه....
مالك ياعلوان عتروح وتاجي اكده في الدار....في ايه يا علوان....
علوان....يقف....
مفيش...مفيش يانعمه...اطلعي نامي انتي....
وانت مش هتنام يا علوان...الوقت اتاخر صاحي ليه لحد دلوقيت....
علوان...
يانعمه قولتلك اطلعي نامي انتي وملكيش صالح بيا عاااد....اطلعي...
نعمه....
طيب......طيب ياعلوان....علي كيفك اني طالعه اهه....
وتطلع نعمه وشويه علوان يسمع صوت بره وبيخبط علي الباب خبط خفيف...
يبص علوان لفوق ويجري علي الباب ويطلع بره....
لملوم...تم المراد يا علوان...
علوان...
ايه اللي جابك اهني يا واكل ناسك
مش قولتلك اني هعدي عليك
انت عايز تودينا في داهيه
...
لملوم...
ماني هطلع الجبل اليومين دول..
الحكومه عتقلب الدنيا بعد النهار ما يطلع....
علوان....
يخربيييتك عاد...ليه انت متاوتش الجته بعد ما خلصت عليه...
لملوم...
لسه هشيله سمعت صوت بيقرب علي خدت بعضي بسرعه...
وقولت يافكيك....
علوان...
خبر اسود عليك عاد....
لملوم...
عقولك ايه ياعلوان...لافيني علي بقية حسابي
اللي طلبته عملتهولك...
علوان يبص حواليه....
ويطلع من جيبه فلوس ويديهاله...
لملوم يبتسم ويبص في الفلوس...
علوان...
انت لسه عتبص للفلوس دسهم بسرعه ويلا من اهنه لحسن حد يلمحك...وتبقي ليلتنا سوده...
طيب....طيب ياعلوان...
وان عوزتني في حاجه...انت عارف موطرحي...
علوان...
لاه...معاوزشي...
ووشك ده مش عاوز اشوفه تاني...
يلا الله لا يسيئك عاد
...يلا يالملوم...
لملوم...طيب يا علوان...
فوتك ابعافيه ياكبير هواره...
ويمشي لملوم....
يدخل علوان الدار ويقفل الباب ويحط ضهره علي الباب ويقول....
يابووووووووى...
كابووووس وانزاح ياعلوان....
عيني عليك يادبور...
عيني عليك يا واد عمي...
مشهد 2....اسكندريه...
البدري بينزل من العربيه قدام بيت حاتم ويدخل من البوابه ويضرب الجرس....
حاتم وورده قاعدين ويقوم حاتم يفتح الباب ويقابل البدري علي الباب....
حاتم...
بدري بيه...اتفضل...اتفضل منتظرينك...
البدري يدخل...
سلامو عليكم....
ترد ورده وحاتم...
وعليكم السلام ورحمة الله وبركاته.
حاتم...
طب انا هدخل اعملكم انا الشاي...
البدري...
ميصحش كده يا دكتور حاتم...
عتعمل الشاي بنفسيك...
حاتم...يبتسم...
انا متعود علي كده اتفضل اقعد بس وثواني وراجع....
البدري يقعد وورد تقعد عالكرسي قصاده...
البدري...
كيفك يا ورده...انشالله زينه...
ورده...
الحمد لله يابدري...الحمدلله ياخوى..
البدري...
خير يا ورده مالك
حاتم قالي انك كوتي عاوزاني في موضوع....
موضوع ايه ده...
وردة...
خير...خير يا بدري....
البدري...
اتكلمي......اتكلمي يا ورده...
اني سامعك....
ورده...
الموضوع بخصوص علوان يا بدري...
البدري...
علوان...وانتي صالحك ايه بعلوان يا ورده...
ورده...
اني شاكه ان علوان هو اللي ورا هروب مهجه وكمان هو اللي ورا قتل ياسين...
البدري...يبحلق...
عتقولي ايييه يا وااارده....
انتي واعيه للحديت اللي عيطلع من خاشمك...
ورده...
من فتره واني في
