ذئاب_الجبل الحلقه 16 تأليف محمد عبادي
نومه كانه له زمن منمشي وهي بتهز فيه ويقوم علوان مڤزوع....
نعمه...
اسم الله عليك ياخوى مالك..
جرالك ايه تاني....
علوان....
لااااه مفيش...مفيش يانعمه...
بوق ميه حياة ابوكي.....
وتجيب نعمه الميه وتديها لعلوان ويشرب....
علوان...
مفيش اخبار عن دبور يا نعمه....
نعمه....
لاه....مفيش...
ما تقوم انت تغير خلقاتك وتفوت عليه....
الناس يقولو ايه....
علوان....
هاااا افوت عليه....
والباب يخبط.....
تطلع نعمه وتنزل وتفتح الباب....
العربي يدخل.....
نعمه...وواه العربي....
العربي....
مالك يا نعمه.... شوفتي عفريت ولا ايه...
نعمه....
عفريت....تف من بوقك يا عربي ايه الحديت اللي عتقوله ده....
وعلوان يسمع صوت العربي وهو فوق....ويقوم ويقف علي الباب ويتسنط علي كلامهم....
امال مالك اتخلعتي اول ما شوفتيني اكده....
قوصره عاد....انا جاي عشان اجهز الموطرح اللي هيقعد فيه دبور....
نعمه...
عتقول ايه دبور....
ويسمع علوان ويتفزع....
ووووه دبور....ليكون فاق وقاله علي حاجه....
اوعاكي يا نعمه تقوليله اني اهنه...
ويبص حواليه كانه عاوز يهرب....
العربي....
ايوة دبور فاق بس بعيد عنيكي جاله شلل كامل لا بيتحرك ولا حتي عينطق....
ورجعت الابتسامه الخبيثه علي وشه والدنيا ضحكتله من تاني....
نعمه...
عيني عليك يادبووور...
عيني عليك يا واد عمي...
العربي...
وعلوان وينه يا نعمه...
ليه معاودشي...
نعمه....هااا علوان...
وفي اللحظه دى يطلع علوان وينزل علي السلم ويشوفه العربي وهو نازل....
اهه....مش تقولي ان علوان اهنه يا نعمه...فيه ايه...دساه منينا ولا ايه....
يرد علوان....
وتدسني ليه عاد....
عامل عمله ولا عمله....
اني اللي قايلها متقوليش لحد اني اهنه....
العربي....
وكوت فين يا علوان المده دى كلاتها ومهمل واد عمك دبور....
علوان....
وانت مالك انت كوت فين ولا مكوتش...
انتي ولي امري ولا ولي امري عاد...
لاه....بس من يوم اللي حصل لدبور وانت ولا حس ولاخبر....
علوان...
عربي...كفاياك املاوعه وقولي
دبور...كيفه دلقيت....
العربي...
اهو عندك المستشفي....
روح طل عليه بنفسيك....
سلامو عليكو.....
ويمشي.....
........................
المشهد...اسكندريه.....
نورا رايحه جايه وامها وابوها قاعدين وهي عمال تفرك في ايديها.....
ما تهدى يانورا...وترتينا...
اقعدى يابنتي...
تقعد نورا....
انا قلقانه....قلقانه يابابا....
مفيش حتي تليفون واحد من ساعة ما نزل.....
الحج حسين....
يابنتي اكيد هو مشغول بابن عمه في المستشفي وحالته خطره...
اكيد لما يفضي هيتصل...
اطمني....البدري مش صغير....
نورا....
ربنا يستر يابابا ربنا يستر...
والتليفون يرن....
تجري نورا علي التلفون....
نورا.....
الو.....البدري.....
برضو كده يابدري....
تقلقنا عليك كل ده.....
مش قولت هتتصل اول ما توصل...
البدري....
معلهش....معلهش يا حبيبتي اتشغلت بس في دبور ودماغي مش فيا ونسيت اتصل....
معلهش...
انا بيت ليله في فندق اهنه قريب من المستشفي
كلها ليله كمان ولا ليلتين ومعاود لاسكندريه....
اطمني....اطمني يانورا....
نورا....
الحمد لله...
طيب راجع امته.....
البدرى....
الليله...اطمن بس علي دبور وتني راجع علطول....
سلميلي علي الحج والحجه....
سلام....سلام يا نورا.....
نورا تقفل السماعه....
الحج....
ها اطمنتي يا ستي....
نورا....
الحمد لله يابابا اطمنت....
.................................
الكاتب محمد عبادي
.................................
المشهد....المستشفي....بعد يومين...
البدرى في مكتب الدكتور وبيطلب من انه ممكن ياخد دبور معاه وكان رد الدكتور....
اعذرني مقدرشي اسلمو ليك....
اهل المړيض اللي ماضيين باسمهم هم بس اللي ليهم الحق يستلموه....
اعذرني...دى قوانين....
البدري....
طيب يا دكتور....
وتدخل الممرضه علي الدكتور....
الممرضه....
اهل المړيض وصلو يا دكتور وعاوزين يستلموه.....
ويقوم الدكتور ويستاذن البدري....
يطلع الدكتور بره المكتب....
العربي ماسك الكرسي المتحرك ومعاه علوان....
الدكتور....
خلاص...هتستلموة....
العربي...ايوة يا دكتور هنستلمو..
ويطلع البدري.....
يشوفو علوان ويتفاجئ...
ويبص للعربي....
علوان....
به...البدري....
عيعمل ايه الجدع ده اهنه....
مش خلاص هملنا....لا له صالح بينا ولا لينا
