المجذوب الجزء الثاني الحلقة الاولي بقلم عادل عبدالله حصريه وجديده

ده مش حلم انا شفته بجد.
حنان لا يا حبيبتي ده حلم انتي كنتي بتحلمي. اقرأي سورة الفاتحة ونامي وان شاء الله مش هتحلمي باحلام وحشة تاني.
تجلس حنان بجوار بناتها حتي يستغرقوا في نوم عميق ثم تتركهم وتذهب الي حجرتها لتنام.
وفي الصباح
تصحو الاسرة وتجلس علي مائدة الافطار.
روان بابي وانا نايمة بالليل كوكي صحاني من النوم وكان بيبصلي وبيضحك.
نبيل يضحك كوكي كان صحاكي من النوم وكان بيبصلك وبيضحك!!!!! 
يا حبيبتي كوكي ده دبدوب لعبة ازاي هيعمل كده انت بس كنتي نايمة وبتحلمي.
روان لا يا بابي مكنتش بحلم .كنت صاحية.
نبيل لا يا حبيبتي كنتي بتحلمي.
الواحد وهو نايم اللي بيشوفه بيتهيئله انه حقيقة بس بيكون حلم.
حنان تنظر لروان بقلق بينما ريم تضحك وتقول لأختها يا روني ده كان حلم طيب اشمعني انتي شفتيه بيعمل كده وانا لا.
تكمل الاسرة تناول الافطار وهم يضحكون ثم يترك نبيل اسرته وينزل لمقابلة وسيط لشراء مقر لشركته الجديدة الذي يخطط لأنشائها.
نبيل يذهب ليشاهد المكان الذي رشحه له الوسيط.
نبيل يعجب جدا بالمكان والموقع ولكنه باهظ الثمن .
نبيل يقرر البدء بشراء وتجهيز شركته وتأجيل بناء وتشطيب فيلته علي الارض الذي اشتراها بعد عودته من السفر.
نبيل يذهب الي منزله في نهاية اليوم .ويجلس مع اسرته لتناول العشاء .
نبيل لحنان النهارده انا شفت مكان ممتاز عشان نعمل فيه شركتنا .ياريت تيجي معايا بكره عشان تشوفيه .
حنان اوك يا حبيبي.
نبيل هو غالي شوية بس لما تشوفيه هتنبهري. ولو عجبك واخدناه يبقي هنبتدي بعمل الشركة ونأجل شوية بناء الفيلا لبعد ما نخلص.
حنان اللي تشوفه .بكره هروح معاك واللي فيه الخير يقدمه ربنا.
روان مامي تعالي نامي جنبي انا خاېفه انام.
حنان ليه يا قلبي.
روان عشان كوكي .
حنان
 مټخافيش يا قلبي .انا هاجي انام جنبك.
ينظر نبيل لحنان ويضحك الموضوع ده هييجي علي دماغي انا.
تضحك حنان وتدخل مع البنات حجرتهم وننام بجوار روان حتي تنام روان.
يتبع