روية نور وايوب بقلم روان خالد كامله جميع الفصول وحصريه وجديده

بضيق.
معرفش تعالى نشوفها هي اصلا هادية من ساعة ما جت.
قاموا سوا بعد ما يونس استأذن منهم وشكر زين يونس ألف مرة قبل تقوم مجزرة بين الاتنين اللي قاعدين قصاده فكرت رغد بمكر.
هادية من الصبح يا خبر النهاردة بفلوس بكرة يبقى ببلاش ورايا يابت يانور نشوف هنعمل إيه بكرة.
قطع زين كلامهم.
ايوا ورتبوا اموركم كده وقولولي هتعملوا إيه.
بصلها أيوب بأستفهام ف من الواضح إن نور بتشارك الجميع افكارها واماكنها وهو الوحيد اللي بيعرف فجأة لوهله شعر بالضيق من الفكرة وقرر يتجاهل صوته الداخلي ف أنه يتساءل عن سبب طريقتها من ساعة ما وصلوا هنا!
أنا عايز نور في شغل.
كان أيوب اللي اتكلم بلا تفكير لما لقاها قايمه مع رغد وبعدها من المؤكد إنها هتختفي لحد بكرة ومش هيتجمع بيها..
بصت نور ل زين ورغد بحيرة فهم معناهم زين وغمزلها وقام مع رغد متحججا بشغله هو كمان بالرغم إنه خلص ولكن حب يسيبلهم فرصة يتكلموا سوا.
خير يا أيوب اظن الشغل خلص النهاردة!
تجاهل كلامها وۏلع سيجارته ونفث دخانه بهدوء زيه زي الليل وكانت دي الحقيقة اللي الكل عارفها أيوب شخصيته تتشابه ب الليل هادي ولكن متقلب..
سمعيني.
بصتله بأستفهام ف كمل لما لقى تعقيدة حاجبها.
سمعيني حاجة تهدي الدوشة اللي في دماغي.
عضت شفتها ب حيرة من أفعاله ف هو تارة يتعصب عليها واخرى يبقى عايز يسمع صوتها لقت التعب ظاهر عليه ف قررت تريح باله ب كلمات شبه موقفها معاه..
بدأت تدندن بخفة
أهواك وأتمنى لو أنساك
وأنسى روحي وياك
وان ضاعت يبقى فداك لو تنساني..
خدت نفسها ببطئ وايوب رجع راسه يسندها وعينيه مفارقتش السماء كملت نور الكوبليه الباقي..
أنساك وأتاريني بنسى جفاك
وأشتاق لعذابي معاك
وألقى دموعي فاكراك أرجع تاني.
بصلها اخيرا بعد آخر كلمة لقاها سرحانة بعيد عنه كأنها بټصارع الكلمات وده اللي شغل باله للحظات إيه ممكن يشغل بالها للدرجة دندنت الباقي من الكلمة على شكل لحن
تعالي اقعدي جنبي.
في جهه اخرى في القصر.
كان زين ورغد ماسكين منظار وبيتخانقوا مين اللي يمسكه الأول اتكلما رغد بحنق.
ابعد بقى خلينا نشوف جو العشق الممنوع ده أخرته إيه.
رفض بطفولة مش لايقة على هيبته.
لأ يعني لأ أنا صاحب فكرة المنظار.
شمرت ايديها بوهمية واتكلمت بوعيد.
بقى كده
هز راسه بتأكيد.
وابو كده كمان.
مسكته من شعره فجأة وهو حاول يبعدها إلا انها مصممة تاخد منه المنظار ودخل على صوتهم يونس ب استفهام واټصدم لما لقى رغد مكلبشة شعر زين في ايديها.
يا فرحة امكم بيكم بتعملوا إيه يا معاتيه
بعد عنها زين اخيرا واداها المنظار.
امسكي يخربيت اللي يدخل معاك في حاجة بعد كده كل حاجة هعملها لوحدي كتك القرف.
بصتله بقرف ومسكت المنظار بفرحة وهي بتبص على نور اللي قامت من مكانها وقعدت جنب أيوب قرب يونس يشوف اللي بيتفرجوا عليه وانفرجت اساريره واتحمس ياخد من رغد المنظار إلا إن نظراتها المھددة ليه خليته يتراجع..
دوري بقى.
اديته المنظار وبقى هما التلاتة واقفين بيتفرجوا عليهم من فوق بشكل سري بقى كل واحد فيهم يرمي كلمه والتاني يضحك عليها لحد ما دخلت غادة بأستفهام من ضحكهم هي مش لسه سايباهم في الجنينة متجمعين ليه هنا.
في إيه
بصتلها رغد بقرف.
إذا حضرت الشياطين غابت الملائكة.
مديتهاش رد فعل ولكزها زين قربت منهم تفهم في إيه لحد ما ضيقت عيونها ب ڠضب لاحظه زين اللي ابتسم بسخرية كانت هتتحرك إلا إن اشارة زين ل رغد فهمت معناها كويس ومسكتها بالعافية.
على فين يا شابة ده السهرة لسه هتبدء.
بصتلها غادة بحنق وكانت بتحاول بكل الطرق تتملص من ايديها إلا إن رغد كانت الاقوى والأذكى ف انها متبوظش اللحظة دي..
تحت في الجنينة.
قربت نور من أيوب وقعدت جنبه بأستفهام من موقفه اللي متغير الصبح كان متعصب ودلوقتي عايزها جنبه ب أي منطق!
اتكلم بهدوء بعثر كيانها من جديد بعد ما كانت مقررة تقسى عليه.
في لقاك الدنيا تجيني معاك.
لعنت قلبها ألف مرة لضعفه وإنه مال تاني ليه 
مسكينة متعرفش إن مهما كان موقفها إيه من أيوب
كان هيبقى ده هو هو رد فعلها ايوب اللي صبرت عليه كتير..
ولسه لحد دلوقتي صابرة رغم إن العلامات كلها ضددها.
مش قادرة تخسره بس في نفس الوقت مش هتقدر تخسر نفسها أيوب ل غيرها وهي ل نفسها..
اشمعنا أنا اللي اختارتيني يانور
سأل بحيرة ونظره متعلق بعيونها كان هادي النظرات بس قلبها بدء يعلن عن سرعته في تسابق الزمن ويخرج من مكانه خصوصا بنظراته دي اطرافها اتجمدت من الموقف كمل وزاد عليها ب كلامه..
6
اشمعنا أنا اللي اختارتيني يا نور..
خد نفس أكبر وكمل تحت صمت نور واندهاشها
ل طريقته في الكلام معاها.
اشمعنا اختارتيني أكون الوحيد اللي بتعامليه زي الغريب.
زي الغريب
أي غريب ده اللي بيملك حاجة محدش قادر يوصلها
معاه قلبها وهي تحت مراقبته دايما عارف خطواتها مفيش حاجة
بتحصل إلا وبيكون فيها ويقول غريب
ليه بتقول كده
تساءلت بأندهاش وحيرة ف من الصعب إن أيوب يسأل حاجة زي كده وغريب من أي اتجاه زاد الفضول وبان