رواية جبروت الفصل الرابع عشر بقلم اسماء أبو شادي حصريه وجديده

رواية جبروت الفصل الرابع عشر بقلم اسماء أبو شادي حصريه وجديده 
ترقد بالفراش لا تهتم لأي شئ.. لا تبالي لحديثه الذي يحاول أن يخفف به عنها.. ولا تبالي لحديث صفية الشامت ولا لحديث والدة زوجها المؤنب.. وكأنها اعتزلت الحياة ولا تريد العودة الا إذا كان كل ما مرت به هو مجرد كابوس نظر إليها پألم فهو أصبح لا يقوى على إطالة النظر إليها وحتى لا يقدر على مشاركتها الغرفة بسبب شعوره بالذنب تجاهها وأيضا لمبيت الممرضة معها حتى تهتم بها وبأدويتها فهي أصبحت تتغذى على المحلول فقط
بدر بخفوت لسه مش عايزة تردي عليا يا ليله أنا بټعذب عشانك يا قلبي.

لم ترد عليه حتى ولو بنظرة وكأنه ليس موجود أو هي من ليست موجودة هي في عالم وحدها
بدر أنا بمۏت لما بشوفك كدة أوعدك هعوضك عن كل حاجة بس بلاش الحالة اللي انتي فيها دي ارجعي ليله حبيبتي ارجعي قمري يا قمري.
قاطع حديثه دقات منتظمة على باب الغرفة فسمح بالدخول وقد علم انها الممرضة
الممرضة يا استاذ بدر أنا بلغت الدكتور بأخر التطورات بحالة مدام ليله وللأسف لو استمرت على الحالة دي هننقلها المستشفى وتكون تحت اشراف أخصائية نفسية والرعاية هناك هتكون افضل.
بدر أنا اقدر اوفر ليها الرعاية اللي تحتاجها هنا في بيتها موضوع المستشفى ده تنسوه خالص والاخصائية النفسية كمان تيجي هنا.
الممرضة باستسلام تحت أمر حضرتك هبلغ الدكتور بكلامك وأن شاء الله المدام تقوم بالسلامة.
بدر ياااارب أنا هغيب ساعتين بالكتير لو حصل اي حاجة بلغيني.
الممرضة حاضر.
بعد خروج بدر اقتربت الممرضة من ليله بعطف وشفقة
الممرضة ربنا يشفيكي يارب أنا عرفت من خالتي رواشة الظروف والمشاكل اللي هنا وكمان بسمع الست صفية والحجة أم بدر لما بييجوا يتكلموا معاكي بس انتي لازم تشدي حيلك وتقفي على رجلك الظروف اللي بتمري بيها دي محتجاكي شديدة أحسن يستضعفوكي وتعيشي تعبانة طول حياتك.
وعندما لم ترد عليها جذبت انتباهها بشئ آخر 
انتي عارفة انهم النهاردة هيعملوا قاعدة عرب وكبار البلد هيتجمعوا عشانك واهلك كلهم هيحضروا
ألتفتت ليله إليها بلهفة ونطقت ببطء با با هييجي
الممرضة بفرحة اخيرا سمعت صوتك.
ليله بدموع أرجوكي ردي عليا بابا هييجي هنا
الممرضة أيوة هييجي خالتي رواشة قالتلي أنه قالب الدنيا على عيلة الشرقاوي كلهم عشانك.
ليله هما هييجوا امتى
....... استاذ بدر نزل اصلا عشان هما قربوا ييجوا بعد مايصلوا العشا.
اكتمل المجلس وكان اغلبية الحضور من عائلة الشرقاوي وعائلة شاهين
بدأ الحديث سالم شاهين ..
سالم بصوت قوي يا حاج حسين أنت جيت بيتي أنت واخوك وابنك
وطلبتوا بنتي وأنا امنتكوا عليها وسلمتهالكوا بنت ليكوا وعطيتها لابنك في أيده وقولتله دي أمانه ودلوقتي انتوا كلكم خونتوا الامانة.
حسين الشرقاوي حاسب على كلامك احنا معروفين وعمرنا ما نخون الامانة ابدا اعقل كلامك قبل ما تقوله.
سالم كلامي عاقل وبحسبه كويس فين بنتي ياحسين يا شرقاوي بنتي اللي قبل ما تقبل بابنك سألتك تقبلها بنتك ولا لاء فين امانتي
ودخلت كالعاصفة تلك الام المكلومة وتحدثت بحړقة وكأن لهيب يخرج من فاهها 
ام بدر بصوت قوي وامانتنا احنا فين ياللي واقف وبتطالب ببنتك ادام الناس فين بنتي
تعالت الهمهمات والاحاديث الجانبية عقب دخولها الذي اثار الجدل بينما أكملت هي أنا اللي جاية اشتكي يا حاج حسين بصفتك كبير البلد قبل ما تكون جوزي وتاج راسي أنا أم سلمت بنتها بفستان ابيض عروسة زي القمر زينة وهي زينة رجعوها چثة لا فيها روح ولا نفس وأنا