رواية جبروت الفصل الخامس عشر و السادس عشر بقلم اسماء أبو شادي حصريه وجديده

اجبرتنا على تغيير بعض صفاتنا احنا كمان نجربها على تقبل صفات تانية وطباع تانيه.
ماريا أيوة فيلسوفة تالا.
ريتال دي فلسفة الحياة إذا جهلتوا بيها ضعتوا.
ماريا وايه هي الفلسفة دي من وجهة نظرك
ريتال إذا وقعت أقف مرة تانيه بس بهدوء وحذر وما استعجلش وإذا تعبت أرتاح واشحن طاقتي علشان أقدر أواجه كل حاجة وإذا ضعفت
ارجع أقوي نفسي مرة تانيه وما انتظرش حد تاني يقويني وما ادخلش في حرب إلا واكون عندي قدرة للانتصار وأهم قاعدة إن مافيش سند غير الله وماينفعش استقوى بغير الله وماينفعش اتوكل غير على الله .
ليله بحنين الله كلامك شبه كلام بابا بس ضيفي عليه جملة الزرعة الذكية هي اللي تميل مع الريح لما تعصف ضد تيارها.
ماريا بسعادة عرفتوا ليه اصريت انك تكوني معي يا ليله انا محتجالكم في حياتي كتير.
ريتال طيب كملي يلا باباكي طلب تبعدي عنه عملتي انتي ايه
ماريا استغنيت عن كل شئ بس عشان حبيبي وسيبت البيت وجيت السكن هنا وبدأت شغل في مكتب محامي كبير وكان بيفيدني بالتدريب.
ريتال بأستنكار يعني اتحديتي ابوكي وحتى استغنيتي عن فلوسه والحياة اللي وفرهالك بس عشان حد تاني.
ماريا لاء السؤال مش كدة السؤال أتخلى عن حد كان موجود معايا بكل مراحل حياتي و دعمني بكل حياتي واختار حد مش موجود بحياتي ابدا وكل اللي بيجمعني بيه ذكريات عن طفولتي البائسة وشوية فلوس كل شهر.
ريتال بتفكير امممم كل اللي اقدر اقولهولك أن ما ينفعش تتخلي عن حد ما أتخلاش عنك وتغدري بيه عشان مصروف شهري وأن اذا هو متمسك بيكي يبقى انتي كمان اتمسكي بيه.
ليله أنا بقى ما قدرش اقولك غير حاجة واحدة انا لو بأيدي أتخلى عن الكون كله بما فيه علشان بس لحظة وأنا فحضن أبويا هعملها بدون تردد.
ريتال كلامك صح يا ليله بس للأسف مش كل الاباء زي بعض ولا كل الابناء بيتشابهوا بس برضو يا ماريا لحد دلوقتي معرفناش سبب الحالة الي كنتي فيها من شوية دي ولا باباك كلمك مرة تانيه
ماريا لاء بس عادل شافني بالشغل وكنت واقفة مع شاب بيشتغل معايا هناك و اتعصب لدرجة كانوا هيتخانقوا وسحبني من هناك وطلب مني ما اروحش مرة تانيه وأنا رفضت وقولتله إني محتاجة للشغل ده وصممت إني مش هسيبه وهو اتعصب ومشي واتصلت بيه ما بيرد عليا.
ليله بأستنكار يعني انتي ماكنتيش پتبكي على اللي حصل ده كله وبكيتي لأنه خاصمك واخد موقف منك .
ماريا أيوة أنا تخيلت حياتي من غيره واتخنقت فجأة وافتكرت كل حاجة وصرت ابكي .
ريتال طيب بما انه خلصتي بكى اكيد ما اكلتيش حاجة صح
ماريا بتأثر مثير للضحك أيوة مااكلتش وجعانة جدا.
ليله احنا اتغدينا برة في مطعم عربي وجيبنالك أكل معانا.
ماريا يا ااااااالله تسلموا انتوا بقيتوا عيلتي.
ريتال وهي تقف اكيد احنا عيلتك انا لازم أمشي لاني اتأخرت.
ماريا طيب ماتفضلي معانا ونسهر مع بعض.
ريتال لاء ما ينفعش وبعدين انتوا عندكم شغل بكرة وأنا عندي دراسة وليله لازم تصحى بدري وتذاكر شوية قبل ماتروح الشغل.
ماريا بتفاجئ شغل بدأتي شغل يا ليله وأنا استغربت لما رجعت
ومالقيتك وانتي من يوم ماجيتي ماتركتي فراشك أبدا.
ليله بأبتسامة لسه أول يوم ليا بكرة النهاردة ري ري اخدتني وخرجنا ظبطنا شوية أمور.
ماريا ري ري بالموضوع إذا لازم يظبط ريري انتي ماتقدريش تيجي وتعيشي معانا في السكن هنا
ريتال وقد عاد إليها جمودها ما ينفعش مش مسموح اسيب البيت أو انام برة بدون