روايه تضحيه بلا ثمن الفصل التاسع بقلم عبير سليم حصريه وجديده
بس انا ڠصب عنى مشاعري راحت لواحده تانيه
انتى والله انسانه جميله وطيبه بس انا لقيت اللى نفسي فيه فى واحده تانيه
فيروز وهى غير مستوعبه
يعنى ايه الكلام ده يعنى انت تقصد انك محبتنيش
امال انا كنت ايه بالنسبه لك
نزوه مثلا واللا سد خانه لحد ماتيجى اللى تستاهل حبك
ماجد وهو يحاول ان يمسك يدها لتهدئتها
تدفع فيروز يده بعيدا عنها
ماجد انا اسف يافيروز سامحينى انا والله ماكنت اقصد ولا كنت مرتب ان كل ده يحصل انا منكرش انى اعجبت بيكى
بس ڠصب عنى حبيتها هيا سامحينى
موقفتنيش من زمان وصارحتنى بحقيقة مشاعرك ناحيتى
ليه سيبتنى اعيش الوهم ده انا كنت بحلم بحياتى معاك حتبقى شكلها ايه انا استاهل منك كده انت شفت منى ايه وحش عشان تعمل معايا كده
اذيتك فى ايه عشان تاذينى كده
وبسهوله كده جاى تقوللى اسف سامحينى طب اسف على ايه واللا ايه واسامحك ازاى
وعمرى ماحسامحك ابدا
وحدعى عليك من قلبي ياماجد
يارب تدوق من نفس الكاس اللى دوقتنى منه
وتخرج مسرعه من مكتبه وتتجه خارج الشركه وتقف امام البحر وتصرخ باعلى صوتها
لييييه لييييه ليه يارب يحصلى كده ليه اشمعنى انا
ليه مش مكتوب علية افرح ليه مش مكتوب على قلبي يعيش سعيد ليه
وتظل فترة طويله تتحدث الى نفسها كالمجنونه ومر الوقت دون ان تشعر به
معقول اللى حصل ده انا مش مصدق
انا كنت فاكر انها هى اللى حتساعدنى على انها تقول لفريده وتعرفنى رايها
ثم يقولبس انا بحب فريده ومش حقدر اسيبها لحد غيري
انا لقيت فيها كل اللى بتمناه
وفيروز اكيد مع الوقت حتنسى
ولما تلاقى انسان يقدر مشاعرها حتنسانى
هى دلوقتى بس مصدومه لكن بعد كده حتفوق وحتنسى
انا متاكد من ده فيروز طيبه
تعود فيروز الى البيت وهى متعبه واثار البكاء على وجهها
فيروزلا يا ماما مفيش حاجه اطمنى بس تعبانه شويه وتدخل غرفتها دون كلام
وعلى الجانب الاخر كانت فريده تجلس فى النادى تتحدث الى مجموعة من اصدقائها
