رواية لعبة القدر الحلقه التانيه بقلم الشيماء محمد حصريه وجديده

رواية لعبة القدر الحلقه التانيه بقلم الشيماء محمد حصريه وجديده
علي الف الفين الرقم اللي يعجبك حدديه بس ليله واحده يالا محدش هيعرف ولا حد هيخسر
شوق لو ما بعدتش هصوت وهلم عليك امه لا اله الا الله غور بقي من هنا هيا مش ناقصه بلاوي 
شوق مشيت وعلي بيسأل حازم 
علي هاه امشي 

حازم اركن عربيتك وانزل منها وروح وراها وطلع اي فلوس اغريها تاني بهداوه وقولها انك مستعد لاي حاجه تطلبها مهما تكون 
علي عارف لو اتقبض عليا! 
حازم مش هيتقبض عليك ما تخافش انجز 
علي نزل وراح وري شوق ووقفها وطلع فلوس زي ما حازم قاله 
علي حددي المبلغ وزي ما تحبي وفي المكان اللي تحبيه... فكري مفيش طريقه اسهل من دي تجيبي بيها كل اللي نفسك فيه 
شوق سكتت للحظه وعلي تخيل انها بتفكر توافق وحازم كمان قلبه هيخرج من مكانه وعقله بيفكر لو وافقت هيعمل ايه هيسيبها فعلا لعلي 
سؤال مش عارف اجابته ايه 
شوق انت... احقر... من اني ارد عليك 
جت تمشي فعلي مسكها من دراعها 
علي بس استني نتفاهم 
مكملش جملته لاني شوق ناولته بالقلم خلاه قطع الكلام 
علي مش مستوعب ايه اللي جراله 
حازم ابتسامه اترسمت علي شفايفه وفرحه غريبه مش عارف سببها اول ما سمع صوت القلم 
شوق المسني تاني وانا قسما بالله لا باللي في رجلي
سابته ومشيت والمره دي علي رجع لعربيته ورجع لحازم اللي ركب العربيه بصمت 
علي ساق لحد ما وصل حازم بيته ونزل فتحله العربيه وحازم نزل مشي خطوه ورجع لعلي وقف قصاده 
حازم انا اسف اعذرني... متخيلتش انها ممكن تعمل كده 
علي وحده شقيانه وبتجري علي بنتها ومحترمه ده الطبيعي انها تعمله 
حازم مين قال انها محترمه علي الاقل مكنتش اتطلقت لو محترمه! 
علي نعم لمجرد انها اتطلقت تبقي مش محترمه معقول تكون دي وجهه نظرك انت مين 
حازم لا طبعا مش معني الطلاق عدم الاحترام مش ده قصدي بس هيا مش محترمه تقدر تقول كده معرفه قديمه!!! 
علي الله اعلم معرفتك القديمه دي ايه بس الناس بتتغير وبتتبدل... وبعدين الانسانه دي في اي مكان اتواجدت فيه الكل بيشهدلها بالاحترام والكل مكنش عايز يطردها لولا ضغطنا عليهم... الانسانه دي اكتر من محترمه فانت راجع نفسك 
حازم دخل فيلته وعلي مشي وروح بيته هو كمان 

حازم كمان علامه استفهام اكبر ممكن يكون فعلا ناسيها ممكن يكون هو اللي وري اللي بيحصلها ده لا حازم لأ وبعدين ده حتي اسمها مكنش فاكره وبعدين هيا اتطردت قبل ما تقابله بكتير 
لا لازم تشيله من تفكيرها بقي هيا اقل من انه يفتكر اسمها مش يفكر ازاي يطردها لا لا مش حازم ابدا 
اه والف اه منك يا حازم.......... 
طلع النهار وشوق بتبدأ رحله عڈابها وحازم بيراقبها من بعيد لبعيد ومش عارف ولا يسيبها في حالها ولا يستمتع