رواية العاصفة الحلقة الأولي بقلم : الشيماء محمد شيمووو حصريه وجديده
دي ! اول سنة تتخنق فيها كده .. ده حتى مش عارفة تتنفس لان ربنا بلاها بأمل اللي كل ما تتنفس تتصل بمامتها وباباها تقولهم اتنفست .. خنقتها .. امتى وتخلص منهم بقى ..
عايدة يا بنتي اقعدي معانا نكمل مراجعة ..
نفخت بضيق البركة فيكم انتو ذاكروا انا عايزة انام
قاطعهم موبيل أمل فابتسمت وردت علي باباها ومامتها وطلعت تتكلم معاهم بره الاوضة براحتها
اتكلم ابوها عبدالله يا ست انتي ما تخوفيش البنت .. لسه الاعصار بعد بكرة وان شاء الله بكره تطلع علي طول وتوصلنا بالسلامة .. ركزي يا بنتي في امتحانك وربنا يوفقك ..
سميرة بابتسامة بندعيلك ليل ونهار بقولك احنا بعد الثلاث ايام دول ما يعدوا ان شاء الله علي خير دكتور شريف هيجي ويلبس دبل ان شاء الله
عبدالله كشړ وشد الموبيل منها يا ولية البنت عندها امتحان الصبح .. بت يا امل ركزي في امتحانك وسيبك من كلام مامتك ده لما تيجي نبقي نتكلم فيه اهم حاجة دلوقتي دراستك ضحكت امل ما تقلقش يا بابا انا مركزة ما تخافش عليا ..
ردت امل بحماس يا مسهل يا بابا .. ياه ربنا يعدي الطريق ده علي خير مشوار رخم .. ١٢ ساعة في الطريق يالا ربنا يهونهم
مروة بهزار ايه الابتسامة دي قالولك ايه عن العريس المنتظر !
ردت سمر عليهم اصل ده راجل خنيق .. يعني اه دكتور بس حاجة كده تخنق .. بس عارفين لايق عليكم .. اهو بدقن شكله غتيت ودمه يلطش
كشرت امل يعني علشان ما بيهزرش مع كل واحدة تدخل تكشف عنده يبقى دمه يلطش وبعدين يا بنتي بطلي تغتابي خلق الله كده في كل كلمة
عايدة قاطعتها بهزار سيبك من الرخمة دي وقوليلنا قالولك ايه عنه خلاكي مبتسمة كده ! فرحينا
ابتسمت امل بحرج لا عادي بس انه عايز يعمل الخطوبة رسمي ويلبس دبل في الاجازة دي ..
باركولها البنات وهزررا معاها وسمر في سريرها متغاظة وفكرت جواها خسارة فيكي اصلا الدكتور ده .. هو اصلا تنك ومش بيبص لحد مش عارفة
