رواية العاصفة الحلقة الأولي بقلم : الشيماء محمد شيمووو حصريه وجديده
دقايق وهتحرك ويا تركبي معانا يا تستني مع صاحبتك
اتوترت امل واتصلت تاني بسمر انتي فين السواق عمال يزعق وعايز يمشي
سمر بغيظ انا في الطريق اهو قدامي دقيقتين خليه ينتظر
زعقت امل مش راضي وانتي عارفه ان الجو هيتقلب وكتر خيره اصلا انه انتظرنا لحد دلوقتي ..
اخيرا وصلت سمر ولاحظت امل ان الولد موصلها بعربيته وماعلقتش
بص السواق لها بغيظ وشتم نوعيتها في سره لانه شاف العربية اللي وصلتها واستغرب ان بنتين بالشكل ده اصحاب او مع بعض ..
سمر فين شنطي
امل بغيظ علي العربية انجزي
ابتسمت سمر حبيبة قلبي امل الشاطرة شكرا يا قمر
ركبوا الميكروباص واتحركوا ناحية المجهول في جو بېهدد بعاصفة قريبة وهما هيقطعوا طريق طويل وسط صحرا ..
رد عليها كريم بهدوء قولتلك اني رايح البلد يا ملك ..
ملك بغيظ علشان خاطري بلاش .. انت عارف الجو عامل ازاي
بصلها كريم بهدوء وساب اللي في ايده ومسك ايدها وقعد علي حرف مكتبه وشدها عليه قربها منه حبيبتي انتي خاېفة ليه كده الطريق هياخد حوالي اربع ساعات تقريبا وزيهم راجع يعني الفجر بإذن الله هكون هنا قبل العاصفة ان شاء الله ..
رد كريم ان شاء الله مش هياخد وبعدين مش هسيب ماما هناك في البلد لوحدها .. وخصوصا في جو زي ده
بصت ملك لكريم پغضب خلي باباك هو اللي يروح يجيبها
كشړ كريم يعني ازاي يعني اللي يتقوليه ده اكون انا موجود واقول لبابا يروح هو !
اتنهد كريم عارف ومقدر ده كويس .. بس ماما مش حابة تكون هناك في الجو ده لوحدها
ملك مسكت قميصه بتلعب في زرايره وهمست بس هيا مع عيلتها مش لوحدها
مسك ايدها ثبتها علي صدره من غيري انا وبابا تبقى لوحدها ومش هقدر اسيبها لوحدها
قبل ما ترد قاطعها خبطة علي الباب خفيفة فكريم بعد خطوة عن ملك لانه عارف صاحب الخبطة دي
ابوه حسن المرشدي ابتسم ازيك يا ملوكه عاملة ايه يا قلبي
كشرت ملك كويسة يا اونكل
حسن دخل ورفع وشها بابتسامة حبيبة قلبي زعلانة ليه اوعى يكون كريم زعلك
كريم ابتسم سيادتها خاېفة عليا من السفر دلوقتي
حسن ابتسم بتوتر والله يا ابني عندها حق .. انا كلمت ناهد وقولتلها انك رايحلها وهيا كمان قلقانة عليك من الطريق
كريم ابتسم يطمن ابوه بابا لسه
