الحلقة السادسة من العاصفة بقلم / الشيماء محمد شيموووو
هتحدد ميعاد فرحك وتتجوزها فياريت بقي سيادتك كده تفوق وتفكر ليه اتنرفزت عليها بالشكل ده وما تفكرش في حاجة تانية .. وأول ما تشوفها بكرا توضحلها دماغك بتفكر ازاي ! مفهوم ولا مش مفهوم
خرج ومن التعب والطريق والإرهاق نام بس نومه كان متقطع ومرهق جدا لأنه كله كوابيس .. طول الليل بيجري وحد بيطارده وبيدور على حد ومش عارف هو بيدور على مين بس هو تايه في حلمه وبينهج وبيجري ومش عارف يقف ولا عارف هو فين ولا ايه الغابة الغريبة دي ! حد عمال بينادي عليه وهو بيدور عليه مش لاقيه .. وبينادي وينادي وينادي لحد ما فتح عينيه مرة واحدة بينهج وعرقان وبص حواليه
كريم أخد نفسه وبص لأمه وابتسم يطمنها أنا كويس ما تقلقيش
ناهد پخوف حطت ايدها على دماغه وهو مسك ايدها أنا كويس
ناهد أنت عرقان وتيشيرتك كله مبلول وكأنك خارج من ماتش كرة وعمال تنهج وكنت بتتقلب وبتئن وفضلت كتير أنادي عليك وقلقت لما ماردتش عليا
ناهد قعدت جنبه مالك ياحبيبي
كريم نفخ بضيق أمي صدقيني أنا كويس ده كان مجرد كابوس حد كان بيطاردني وكنت بدور على حد وبعدها حد كان بينادي عليا وطلعتي أنتي اللي بتنادي وصحيتيني من الکابوس وعلشان كده عرقان وبنهج مفيش أكتر من كده
ناهد بإلحاح يعني مش تعبان
ناهد ابتسمت لا خلاص المهم ملك تحت وعايزة تطلع تطمن عليك
كريم كشړ جت امتى
ناهد مبتسمة لسه واصلة أخليها تطلع
كريم ابتسم بس بص لأمه لا شوية عايز اخد شاور وأغير هدومي دي اللي بتقولي عليها مبلولة يعني اديني نصاية كده
ناهد كشرت نصاية يا كريم ! البت جاية من سفر وشكلها تعبان ومرهق وبعدين مهياش غريبة يعني علشان تقوم وتغير وكل ده
ناهد باستغراب حبيبي ملك خطيبتك وشوية وهتبقي مراتك مالوش معنى كل ده ! عادي تقابلها متبهدل وعادي تشوفك في أسوأ ظروفك وعادي تشوفك تعبان وعادي تشوفك متنرفز .. دي هتكون مراتك ولازم تتقبلك في أسوأ حالاتك لان الجواز مشاركة في كل شيء والۏحش قبل الحلو .. هي مش هتتجوزك وأنت كويس بس ولما تتعب هتاخد اجازة دي حياة كاملة مع بعض
كريم بص لأمه وواجهها بجدية أمي ملك بعدت عني يومين كاملين وأنا في المستشفى لمجرد اني اتنرفزت عليها ومع اني حاولت أكلمها كتير وبعتلها مع والدتها ووالدها إلا إنها ماردتش عليا .. فأنا حاليا واقف زي ما أنتى قلتي وعلشان كده بقولك اني محتاج أغير هدومي ومحتاج لشاور قبل ما أقابلها لاني محتاج أقابلها بشكل رسمي مش بشكل مريح أعتقد كده جاوبتك ..
كريم ابتسم لا ما تقلقيش ..
ناهد باسته في خده هبعت دادة فهيمة تفتح الأوضة وتهويها عقبال ما تخرج أنت
ناهد نزلت لملك وكريم دخل الحمام ياخد الشاور بتاعه اللي كان أصعب مما كان متخيل .. كان وصلة من العڈاب اللا متناهي ..
ملك أول ما شافت ناهد وقفت بلهفة أطلعله ! صحيتيه
ناهد ابتسمت صحيته اه بس خليكي معايا شوية
ملك كشرت ليه ! هو مش عايز يقابلني ! هو قالك ايه
ناهد مسكتها قعدتها جنبها حبيبتي مقالش هو بس صحي ويدوب هيدخل الحمام وياخد شاور سريع وهتقعدوا مع بعض براحتكم ..
نادت على فهيمة وطلبت منها تطلع أوضة كريم وتفتحها ولو محتاجة أي تنظيف تنظفها قبل ما يخرج من حمامه ..
ملك قاعدة متنرفزة ومش صابرة إنها تنتظر كل ده
أخيرا وقفت ماما هطلع أنتظره فوق
ناهد استغربت ملك لما يخرج هتقابليه
ملك مسكت ايدين ناهد ماما أرجوكي كريم زعلان
