الحلقة السادسة من العاصفة بقلم / الشيماء محمد شيموووو
ما شافت البنت فضلت ماسكة نفسها عليها وشوية وقامت جابتها من شعرها مسحت بيها الأرض وطلعته من عينيها
كريم ضحك ومسك جنبه حرام عليكي مش قادر أضحك .. مين قالك كل ده !
ناهد بابتسامة شريرة مش بقولك كلمتها وقعدنا نرغي مع بعض .. عجبتني والله كنت متغاظة منها أوي البت دي مع إني ما شوفتهاش بس متخيلاها سماوية كده وصفرا
ناهد عينيها مبرقة وبتتخيل ضاړبه شعرها اكسجين ومصفراه وحاطة في وشها طبقات ألوان من الميكاب ومصفرها كده وبتتكلم كده بمياصة وفي بوقها لبانة
كريم ضحك تاني فظيعه أنتي يا نونا ربنا يكون في عونه اللي تكرهيه ده ! المهم مالناش دعوة بيها دع الخلق للخالق تخيلي واحدة صفرا وسماوية وبتاخد على قفانا حسنات قد كده علشان جايبين سيرتها
كريم ابتسم أيوة برافو كده ربنا يهديها ويهدينا جميعا .. المهم أمل صحتها ايه ! اتحسنت ولا لسة تعبانة
ناهد استغربت مالك مهتم أوي كده
ناهد اتراجعت ايه كل ده ! كل ده علشان سألتك ليه مهتم !
كريم بضيق ماهو مش أنتي بس اللي سألتي كده .. حسستوني والله إن في حاجة فيا مش طبيعية وإني غلط مع إن والله بسأل بصفو نية ومفيش أي حاجة في بالي ناحيتها بس اطمئنان مش أكتر على حد كنت ھموت أنا وهو .. عدينا أزمة كبيرة مع بعض ..
ناهد هزت دماغها مخطوبة لدكتور أو مش مخطوبة يعني لسة الموضوع في أوله .. متقدملها والكل موافق
كريم ابتسم ربنا يتمملها على خير هي تستاهل كل خير
خرجت وسابته وهو رقد من التعب وحس إنه مجهد من الكلام والشرح والتبرير .. وسأل نفسه يا تري هل أمل زيه هتضطر تبرر وتشرح للي حواليها كل ده ! ده هو وشاب وفي وسط محدش بيهتم بالتفاصيل دي وتعب من الأسئلة ما بالك هي عاملة ايه ! وخطيبها هيتقبل اللي حصل ده وهيكون عقله كبير ولا هيكون تفكيره ضيق ومحدود ! هو لو مكانه وأمل دي خطيبته هيكون عنده ثقة تامة فيها واحدة بأخلاقها دي لازم يحطها على راسه وما يجرؤش حتى على التفكير انه يسألها أى سؤال ېؤذيها أو ېجرحها
أمل النهار كله متوترة من زيارة شريف وأهله .. هي اه شافته كام مرة قبل كده بس المرة دي هتقولهم ايه ! هتفسر الچروح اللي في وشها والكدمات دي بايه ! هتقول زي ما اتفقوا إنها اتعرضت لحاډثة ولا تقوله الحقيقة هتبدأ حياتها بكدبة ! وهل الصح إنها تخبي اللي حصل ولا تقوله ! ربنا يسامحك يا سمر إنك حطيتيني في موقف أضطر أكدب فيه علشان أدافع عن شرفي وسمعتي ..
سميرة بتوتر يارب استرها معانا
عبدالله للكل بقولكم ايه مش عايز حد متوتر وقلقان كده محدش فينا غلط علشان نقلق ونتوتر مفهوم .. أمل أنتي اتعرضتي لحاډثة والمهم إنك خرجتي منها بالسلامة أي حاجة تانية في داهية فاهمة
أمل هزت دماغها بس برضه متوترة
شريف وصل بأمه ميادة وأخته نيرة والكل رحب بيهم وقعدوا واستقروا
ميادة امال فين أمل تعبانة ولا ايه !
سميرة بتوتر هقوم أجيبها
نيرة بابتسامة طنط لو هي تعبانة خليها مرتاحة احنا ممكن ندخل نسلم عليها جوا وخليها مكانها
سميرة دخلت لبنتها هتطلعي ولا مش هتقدري
أمل وقفت وجنبها أخوها وبصتله فمسك ايدها يساعدها هخرج يا ماما اهو
خرجت بمساعدة أخوها وقعدت بالعافية وكلهم سلموا عليها واطمنوا عليها
شريف بحرج الف سلامة عليكي يا باشمهندسة ..
أمل
