رواية العاصفة الحلقة ال ١١ بقلم الشيماء محمد شيمووو

وشريف وكريم معايا إلا إني اتربطت من الخۏف يا ماما .. خفت جدا .. حسيت إنهم ممكن يوصلولي في أي وقت .. وكأني لعبة هيلعبوا بيها تاني .. هم مش بعيد عني وأنا مش بعيدة أنا قدامهم وممكن يعملوا أي حاجة .. مابقيتش حاسة بالأمان .. ماقدرتش أفضل في المدينة .. ماقدرتش يا ماما .. بصت لأمها بړعب وخوف مش ممكن يهربوا ويجوا لعندي ينتقموا مني صح ممكن  
سميرة قامت وضمتها بحب محدش هيقدر ېلمس شعرة واحدة منك .. وهم اتقبض عليهم كلهم مش هيهربوا أبدا .. كمان أنتي ربنا اللي حماكي أول مرة وهيحميكي على طول .. ربنا اللي بيحمينا مش الأشخاص يا أمل .. ربنا بيسبب الأسباب وهو بعت كريم لعندك يحميكي .. وبعدين أنتي اهو كويسة وفي حضننا مفيش حاجة ولا حد في الدنيا يقدر يقربلك وأنا عايشة اوعي تخافي يا أمل واوعي تخلي الخۏف يسيطر عليكي أو يمشي حياتك .. اوعي الخۏف هو اللي يمشيكي .. اوعي تجربة واحدة سيئة تحدد حياتك وترسمها .. ريحي يومين وارتاحي فيهم وفوقي لنفسك وارجعي لمستقبلك اللي رسمتيه لنفسك .. ارجعي لحياتك ولكليتك ولمذاكرتك .. وارمي كل همومك على ربنا هو يحلها من عنده .. 
أمل فضلت في حضڼ مامتها كتير تحاول تستمد قوتها منها .. 
ملك مع أصحابها في النادي وسرحانة بتفكر في كريم ومش حابة تروح الشركة أو تشتغل .. 
ممدوح زميلها القمر ماله ! 
ملك مكشرة مخڼوقة .
كوكي صاحبتها مين ده اللي قدر يخنق ملوكة ها .. 
ممدوح بهزار محدش أصلا يقدر .. إلا صح خطيبك المنشي ده أخباره ايه مش لايق خالص عليكي يا ملك 
ملك بزعل لايق أو مش لايق مش عايزة غيره .
كوكي باستغراب أنتوا مټخانقين ولا ايه ! 
ملك بتفكير ومترددة تحكيلهم ولا لا وبصتلها مش مټخانقين بس مختلفين وخلافنا ممكن يفرق بينا .
ممدوح بحيرة أكتر ازاي بقى ! مختلفين في ايه  
ملك بصتلهم بالمختصر عايزني أتحجب وشوفوا بقى ده معناه ايه  
كوكي شهقت حجاب حجاب ! واللبس بقى والميكاب وكله صح ! ده ايه الخنقة دي مع إنه ما يبانش عليه إنه من النوع ده ! لا يا ملك فكك منه خالص هيخنقك .
ملك زعقت بس أنا عايزاه .. مش عايزاه يبعد عني .. عايزة أتجوزه هو وبس .. بأي طريقة وأي تمن مش مهم المهم يكون بتاعي أنا.
ممدوح بتريقة البسي الحجاب سهلة اهيه ! 
ملك كشرت پغضب أى طريقة غير دي .. أي طريقة .
صمت سيطر عليهم لفترة بيفكروا فيها ايه اللي ممكن تعمله تخليه يكمل معاها ! 
ممدوح بصلها بتفكير عميق وابتسم اضمني إنه يتجوزك مهما يحصل .
ملك كشرت بعدم فهم تقصد ايه وازاي أضمن حاجة زي دي  
ممدوح بابتسامة خبيثة أقصد إن في طرق كتير تلوي دراع سي المبجل كريم باشا .
ملك عينيها لمعت بانتباه طرق زي ايه  
ممدوح ابتسم الملتزم اللي زي كريم من النوعية اللي بيخافوا أوي على سمعتهم واسمهم فاحنا ممكن نعمل حاجة نخليه ڠصبا عن أنفه يتجوزك ويكون معاكي وابقي حبيه بعدين براحتك بقى .. 
ممدوح بدأ يشرحلها خطته وهي ابتسامتها بتوسع وبتسمع بحماس 
ملك مبتسمة براڤو عليك .. هنفذ كلامك بالحرف .. وهنشوف يا سي كريم هتعمل ايه وهتبطل أفكارك الغريبة دي ولا لا ! أنا هخليك تبطل خالص تقول حرام وحلال !! 
ضحكت وبصتلهم وشاركوها في الضحك بخبث .... 
ونكمل