الحلقة ال ١٤ العاصفة بقلم / الشيماء محمد شيمووو
أنا بتكلم عنك أنتى ! المسخرة اللي جوا دي ما تخصنيش اللي يخصني أنتي وبس فبتكلم عنك أنتي وبس .. ازاي تسمحي لراجل يلمسك بالشكل ده ! يمسك شعرك بين ايديه يغسل شعرك ! يقرب منك ويحطلك ميكاب ! أنا مش فاهم ايه ده !
ملك بتحاول تفهمه أنت بتبصله كراجل لكن هو ده شغله مش بيكون كراجل بېلمس شعر واحدة زي ما أنت بتفكر فيها كده !
ملك بهروب مش بالمعنى ده !
كريم زعق وهي انتفضت دي مش إجابة .. سؤالي واضح راجل ولا مش راجل ! عنده عينين ولا ماعندوش بيلمسك ولا لا
ملك بصتله بضيق ده كوافير ! وبعدين ما عندك الدكتور ماهو راجل والواحدة ممكن تروح وتكشف على أي مكان في جسمها !
ملك بنرفزة بتقلده راجل ولا مش راجل ! ولا الدين بيحلل حاجة ويحرم حاجة !
كريم اتضايق أكتر راجل بس أولا لو في واحدة ست تقوم بدوره يبقي حتى الدكتور غلط تروحيله .. بس الدكتور اللي بتشبهيه بالأخ اللي جوا ده بيكون حالف قسم وبيكون عنده أخلاق وعارف الحړام والحلال أو ده المفروض على الأقل وبعدين اللي بتروح للدكتور بتكون علشان يعالجها مش علشان تتمرقع عنده يحطلها ميكاب ويعملها شعرها !
كريم بصلها احمدي ربنا إني بس استخدمت اللفظ ده
ملك هزت دماغها برفض أنا مش قادرة أتحمل أكتر من كده ممكن تروحني أو توديني لعربيتي
كريم ما ردش عليها وهي ما اتكلمتش لحد ما لقت نفسها قدام بيتها وقبل ما تنزل هو اتكلم مفيش كوافير تاني هتروحيه وده كلام نهائي
ملك بصتله پصدمة ده مش هيحصل لا دلوقتي ولا بعدين ولا في أي وقت
ملك كانت نازلة بس نادى عليها فوقفت بدون ما تلتفت له اتفضلي
بصت ناحيته كان في ايده علبه كبيرة كانت على الكرسي وراه وهي استغربت وبصتله باستفسار فجاوبها ده فستان كنت جاي أديهولك علشان حفلة الليلة
ملك دخلت بيتها على آخرها متنرفزة ومامتها شافتها في ايه ! كريم جالك هنا قابلتيه
ملك پغضب اتنيلت
خالد اتنهد ليه بس كده
ملك بنرفزة حكتلهم كل اللي عمله وهي على آخرها وفي قمة ڠضبها
خالد بهدوء راجل بيغير عليكي المفروض تفرحي وتسمعي كلامه
رقية بصت لجوزها بضيق لا طبعا ما تسمعش كلامه .. بت أنتي الجوازة دي كلها
