الحلقة ١٧ العاصفة بقلم / الشيماء محمد شيموووو
أي شيء علشان أفكر فيك أو أرفضك أنا رافضة الفكرة ورافضة الارتباط ورافضة حتى التفكير في الارتباط ورافضة حضرتك أعتقد بعد كده الموضوع انتهى .. واذا سمحت يا ريت بعد كده تتعامل معايا زي أي طالب في الدفعة .. بعد اذنك .
سابته ومشيت واتنهدت أول ما بعدت بارتياح إن الموضوع ده اتقفل لأنها مش حمل حتى التفكير فيه ..
سمر ابتسمت أهلا يا بنت عمي .
أمل ابتسمت باقتضاب أهلا .
سمر عاملة ايه
أمل باستغراب كويسة الحمد لله !
سمر بفضول كان عايز ايه منك باشمهندس أحمد ! ولا قالك حاجة عن الامتحان !
أمل بصتلها پصدمة وهيقولي ايه عن الامتحان أو يقولي ايه
أمل پغضب اخفي من قدامي يا سمر لقسما بالله أمسح بيكي بلاط الكلية كله وأفرج الكلية كلها عليكي .
سمر وقفت تستوعب كلامها ده ونوعا ما خاڤت منها فابتسمت ماشي هخفى يا ست أمل .. هخفى بس ماكانش العشم .
أمل بتريقة روحي ذاكري وحلي الشيتات واحضري المحاضرات وأنتي تعرفي هيجي ايه في الامتحان بدل المرقعة مع الأشكال الضالة دي .
أمل هزت دماغها بأسف أنتي للأسف ما تعرفيش غير الأشكال الضالة وربنا يسترها عليكي بجد .
سابتها ومشيت على المدرج دخلت لأصحابها وقعدت معاهم ..
سمر وقفت شوية منتظرة عمرو واتصلت بيه بس ما ردش وقررت تدخل المحاضرة هى كمان على الأقل لحد ما عمرو يجي ...
قعدت قريبه من أمل وصحباتها عايزة تعرف م أحمد كان عايز ايه من أمل .
أمل بصتلها مش عايزه أرتبط بأي حد دلوقتي يا عايدة لا هو ولا غيره
عايدة بزعل بس هو فعلا كويس
أمل بصتلها و وقفت عايدة اقفلي الحوار ده اذا سمحتي .. اذا سمحتي
سمر فضلت مكانها الغيظ مسيطر عليها ومش قادرة تتنفس .. ليه كده ليه الكل هيتجنن عليها ! أحمد ده نص بنات الدفعة بيتلككوا علشان بس يتكلموا معاه وهو يروح لأمل وهي اللي ترفضه ! ليه كده ! يا ما نفسها تشوف أمل دي مذلولة ولا واقعة مع أي حد ژبالة ! نفسها تفرح فيها ولو مرة ! مرة واحدة بس !
شريف نازل على المستشفى وكانت معاه ميادة اللي ابتسمت ما كلمتش سمر قريب
شريف ابتسم بدأت تنشغل بالامتحانات وهى مركزة في المذاكرة فكلامي معاها قليل .
ميادة بحب أيوة يا حبيبي خليها تخلص وترجع بالسلامة .
شريف ابتسم يارب .
ميادة قربت منه أنت عاجباك سمر صح يا شريف
شريف ابتسم وهز دماغه بس كشړ بس يا أمي كونها بنت عم أمل ده هيعمل مشاكل !
ميادة كشرت وليه يعني ! ما بيبقوا أخوات وبيسيب واحدة ويرتبط بالثانية مش أولاد عم .. لا يا حبيبي مفيش مشاكل ..
شريف بتوتر أنا خاېف هما يزعلوا من بعض بسببنا !
ميادة بغيظ ممكن ما تفكرش أنت في الأمور دي وتسيبها عليا أنا وبدرية ! ما تقلقش أنت .. يلا انزل يا حبيبي شغلك .
شريف مشي خطوة ورجع ماما أنتي كلمتي طنط بدرية في حاجة ! يعني على ارتباطي بسمر !
ميادة ضحكت يا واد مش لما سمر نفسها تيجي ! ولا هنطلبها غيابي .
شريف بحماس مش القصد بس أبوها ممكن يرفض .. خليها بينك وبينها كده تشوف أبوها رد فعله ايه ! أنا عايز أول ما ترجع نتجوز على طول مش عايز أعمل خطوبة وكلام زي ده ..
ميادة بضحك حاضر يا حبيبي هكلمها وأفهمها .
شريف نزل مبسوط واتصل بسمر بس ما ردتش وهو افترض إنها في محاضرة ومش عارفة ترد عليه ..
ملك وسليم وصلوا الشركة والاتنين اترددوا يدخلوا وخصوصا مع بعض
سليم كان محتار هل وجود ملك هيساعده ولا هيضره ! ما ممكن هى تطلب إنهم يوافقوا ويوافقوا فعلا
