الحلقة ١٨ العاصفة بقلم / الشيماء محمد شيموووو
.. ماله شريف ! مش كنتي ھتموتي عليه وقلتي هو وبس بعد طه ما قلبك ! كمان دلوقتي عايزة تسيبي شريف ! بس ده لو فاتك مش هتلاقي حد يعبرك وخصوصا لو السنيورة أمل دي اتجوزت قبلك .. ولا رجعلها شريف وتقعدي أنتي كده تتفرجي عليها .. قال مش عايزة شريف قال
سمر كانت عايزة تقولها على عمرو يا ماما اسمعيني
بدرية زعقت لا عايزة أسمع ولا أتنيل وغوري شوفي مذاكرتك
عمرو ابتسم كل ده ! بالراحة عليا
سمر خبطته في كتفه ليه غبت ده كله وليه ما ردتش عليا !
عمرو ببرود كنت مسافر مع عيلتي ومعرفتش أرد على الموب معظم الوقت كان في الأوضة أو أنا مع العيلة وبابا بيرخم علينا
عمرو وابتسم سماح يا حبي بقى ! المرة الجاية هتكوني معايا أصلا وسط العيلة ساعتها محدش هيتنفس
ابتسمت وسكتت وهو ابتسم ..
كانت أمل معدية هى وصحباتها وهو عينيه عليهم طول الطريق لحد ما اختفت
سمر بغيظ أنت بتبصلهم كده ليه !
عمرو بصلها باستعباط ببص لمين !
عمرو ببساطة عادي يعني ! مستغرب أنتي ليه بتكرهيها أوي كده ! أنتوا بنات عم المفروض تكونوا أصحاب
سمر بغيظ علشان هى عايشة دور المثالية أوي وأنا ما بحبش الشخصيات دي نهائي
عمرو بتفكير وليه ما يكونوش هم صح واحنا غلط .. الناس اللي زي أمل دول بيحسسوني إني وحش أوي .. الناس دي صح يا سمر احنا اللي غلط واحنا اللي وحشين
عمرو اتنهد هاجي وهعزمك يلا
راحوا يجيبوا فطار من الكافيتريا اللي في الكلية .. سمر قعدت وعمرو راح يجيب الساندوتشات لهم
دفع الفلوس ووقف كان في زحمة شوية وهو وقف يجيب الساندوتشات ..
عمرو بصوت عالي فتحي هات الساندوتشات بسرعة
عمرو وهو واقف اتفاجيء بأمل جنبه بتجيب ساندوتشات بصلها وابتسم وهى ما بصتش ناحيته أصلا
عمرو بحرج هاتي يا باشمهندسة أنا هجيبلك
أمل كشرت واستغربت لا متشكرة
عمرو بإصرار الدنيا زحمة عليكي استني أنتي بعيد وأنا هجيبلك
عمرو سكت لحظة واتكلم يعني أنا مش عارف أنتي ليه مصرة تقفي في الزحمة دي !
أمل استغفرت ربها وتجاهلته وهو اتنرفز إنها ازاي ما تردش عليه
فتحي جاب الساندوتشات وعطاهاله وهو بصله وبزعيق خد من الباشمهندسة ومشيها الأول ما تخليهاش تقف وسط الزحمة دي
أمل بصتله باستغراب أنت ايه مشكلتك أنا مش فاهمة وبعدين أنت من امتى بتساعد حد !
عمرو بص حواليه أنتي بنت عم سمر وسمر زميلتي وطبيعي أساعدك
أمل هزت دماغها بعدم اقتناع طيب شكرا اتفضل بقى مش أخدت ساندوتشاتك ..
عمرو أخدهم ومشي متردد وهو عينيه عليها مش عارف يسيبها
وصل لسمر وقعد ياكل وهو سرحان في أمل اللي وسط صحباتها ..
مراقب كلامها
