الحلقة ١٩ العاصفة بقلم / الشيماء محمد شيمووو

الحلقة ١٩
العاصفة بقلم الشيماء محمد
شيمووو
محمد مركز مع بدرية وبيسألها شريف مين  
بدرية پخوف دكتور شريف .
محمد اتنفض واقف نعم ! دكتور شريف خطيب أمل ! أنتي بتهرجي صح ! قولي إنك جاية تستظرفي على الصبح ! 
بدرية بغيظ ليه إن شاء الله هى سمر ما تشبهش ولا ما تشبهش 
محمد بصلها بذهول تشبه ايه وتتنيل ايه ! أنتي اټجننتي يا ولية أنتي ! 
بدرية الڼار ولعت في قلبها من جوزها ورفضه وعدم استيعابه حتى ليه مستكتره على بنته يعني ! المفروض حتى يفكر ولا يقولها أخويا بس ده حتى التفكير مش مستوعبه! 

بدرية بنرفزة وغيظ ليه اټجننت ليه ! عريس متقدم لبنتي أبقى اټجننت ايه الجنان اللي فيها إن شاء الله 
محمد پغضب وهو مفيش أي عريس غير خطيب أمل ! ده كان ليها هى !
بدرية قربت منه بنرفزة كان ! مش بيقولوا في العربي كان فعل ماضي ! يعني ماضي وخلص .. احنا في النهاردة .
محمد هز دماغه برفض تام ده لا.
بدرية بنرفزة ليه لا! كانت اشترته أمل ولا ايه ! ولا عملت معاه عقد احتكار ! ليه لا يعني ! مش فاهمة أنا .
محمد مسكها من دراعها علشان هو اتقدملها وخطبها مش بعد ما يسيبها أروح أنا أوافق عليه لبنتي ! يعني ازاي يعني ! 
بدرية شدت دراعها پعنف يعني علشان ما تزعلش السنيورة وأمها تدمر بنتك ! ده ايه ده ! أنت ايه يا أخي ! هتفضل ذاللنا لحد امتى ! ها ! هنفضل تحت رجلين أخوك ومراته وعياله لامتى ما كفايه بقى ! حتى الواد اللي عايز يتجوزها بترفضه وليه ! علشان في يوم كان خاطب أمل كده كتير أوي كتير .
محمد زعق قصادها رغي كتير مش عايز شيلي الموضوع ده من دماغك نهائي .. مش هجوزها للراجل ده ! وبعدين ساب أمل ليه ها ! علشان قليل الأصل وواطي أقوم أجوزه لبنتي ! ماهو زي ما ساب دي بكرا يسيب دي بطلي الغباء اللي فيكي ده ! بطلي الحقد والكره اللي بيعموا عينيكي .. أنا ما آمنش على بنتي معاه ! اللي يبيع مرة يبيع ألف مرة .. 
بدرية هزت دماغها برفض لا أنت رافضه علشان ما تزعلش الهانم ولا تاخد على خاطرها .
محمد أخد نفس طويل بيأس افهمي اللي تفهميه يا بدرية بس الراجل ده لا مطرح ما تحطي راسك حطي رجليكي ..
بدرية زعقت بنتي هتتجوز الواد ده وافقت أو ما وافقتش هجوزهاله ووريني بقى هتعمل ايه أنت .
محمد بعد ما كان خارج رجعلها وبهدوء وريني أنتي هتعمليها ازاي ! الظاهر إنك بتزني على خړاب عشك زي الدبور .. وشكلك على آخر الزمن هتتطردي برا بيتك وتروحي لأخوكي تخدمي مراته علشان تسمحلك تقعدي في بيتها .
بدرية دورت وشها بعيد پغضب وسكتت وهو خارج بصلها الراجل ده مالوش أمان وممكن يبيع في أي لحظة .
بدرية قعدت مكانها پغضب بعد ما مشي .. هى اللي عملت كده .. هى اللي أقنعته يسيب أمل طيب ازاي بقى تخلي جوزها يقتنع إنه راجل كويس وإنها هى اللي سبكت الدور صح .. هو اللي هتعمله في الناس هيطلع عليها هى ولا ايه ! اوووووف .. لازم تلاقي طريقة تقنع بيها جوزها بدون ما يعرف حاجة عن اللي هى عملته ... 

سمر معظم الوقت مش لاقية عمرو اللي يا بيحضر محاضرات يا سكاشن .. وكله