الحلقة ١٩ العاصفة بقلم / الشيماء محمد شيمووو
بحجة الامتحانات اللي على الابواب .. يعني الكل بيذاكر الا هيا !
حاولت تحضر زيه وخاڤت لتسقط السنة دي وابوها فعلا يمنعها تعيدها ..
اخر النهار ممكن تقعد مع عمرو شوية او يوصلها ..
سمر معاه ما تيجي نتغدى بره النهاردة .. بقالنا كتير مقعدناش مع بعض وبعدين الدكتور لغى السيكشن .
عمرو بص حواليه كتير وكأنه بيدور على حد وهيا لاحظت ده بتدور على حد ولا ايه !
سمر بضيق بقول مفيش سيكشن يالا نتغدى بره .
عمرو اتنهد وبلا مبالاة يالا بينا .
اخدها وراحوا اتغدوا مع بعض وهو معظم الوقت سرحان وهيا بتكلمه وهو بيرد بالقطارة ..
اتغدوا وماشين سمر بصتله مش عايزه اروح دلوقتي ..
عمرو بصلها تحبي تروحي فين !
سمر ابتسمت اي مكان معاك مش هيفرق معايا .
عمرو ببساطة شقتي فوق .
سمر كشرت وانت متخيل اني هطلع معاك شقتك !
عمرو ابتسم وحط ايده على خدها بنعومة ايوه .. هنقعد نصاية براحتنا واوصلك فيها ايه ! مش احسن من تكتيفة العربية والسواقة ومش عارف اتكلم معاكي كلمة ! وبعدين ايه ما وحشتكيش الفترة اللي فاتت ! انا تعمدت ابعد عنك علشان اعرف مقدار حبك ايه بس شكلي غلطان لاني مش فارق معاكي اصلا !
عمرو وهو مكشر باصص لقدامه اثبتيلي .
سمر باستغراب اثبتلك ! ازاي يعني !
عمرو الټفت ناحيتها ومسك ايديها الاتنين باسهم وبتأثر كأنه عاشق ولهان اثبتيلي يا سمر انك بتثقي في حبيبك .. انك عارفة انه لا يمكن يضرك او يعمل حاجة تأذيكي .. اثبتيلي انك قوية وعندك ثقة في نفسك .. اثبتيلي انك حبيبة عمرو العزيزي .. اثبتيلي انك مستعدة تواجهي الكون كله وتقولي بأعلى صوتك انا حبيبة عمرو .. اثبتيلي اني فعلا وبجد وحشتك لو انتي مش واحشك انا ليه ھموت عليه ! عايز اضمك لقلبي ! وتسمعي نبضاته وكل نبضة بتقول اسمك .. ! هتسمحيلي ولا اروحك !
قلبها بيدق بسرعة ومش عارفة تاخد قرار .. همسه وابتسامته .. قلبها پيصرخ انزلي معاه .. حاولت تسمع لأي صوت من العقل بس مفيش نهائي كل اللي سمعاه وحساه صوته
عمرو همس ننزل ! اوعدك هروحك وقت ما تقولي يالا !
سمر بصت للعمارة وبصتله مين فوق !
عمرو ابتسم محدش دي شقتي لما بحب اذاكر مع حد من اصحابي باجي فيها وبعدين لو عجبتك نتجوز فيها .. شوفيها علشان لو مش حلوه ممكن نقعد في الڤيلا عند بابا او نشوف شقة تانية في اي مكان يعجبك انتي بس تشاوري ..
نزلت معاه مبهورة بالمدخل بس وتتخيل شكل الشقة نفسها ايه لما دا المدخل ..
طلعوا بالاسانصير وفتح شقته وداخلة بس هو شدها وقفها فبصتله في ايه ! مالك !
عمرو ابتسم اي واحدة
