الحلقة ٢٠ بقلم / الشيماء محمد شيموووو
اتحسبت عليك كڈبة .
مؤمن ابتسم ايه الرخامة دي بقى !
نورهان ضحكت يعني كنت قلت أي حد غيره كانت اتسبكت شوية لكن تكون واقف مع كريم وتيجي تقول بتدور عليه ما تبقاش حرامي وأهبل !
مؤمن ضيق عينيه باستغراب أنا بتقولي عليا حرامي !
نورهان بصتله وعرفت إنها عكت الدنيا وخاڤت يعمل أي شوشرة لأنها مش عارفة هو بيهزر ولا هياخدها بجد فبصتله مش قصدي حرامي بس الجملة بتتقال كده قصدي جزئية الهبل بس !
نورهان كشرت يووووه بقى أنت عايز توقعني في الغلط وبس صح ! أنا هروح بيتنا .
مؤمن وقفها استني يا بت يعني تشتميني وبعدها تقولي هروح .
نورهان بصتله وكشرت أنت مش ملاحظ إنك بتقولي يا بت ! يعني محسسني إني عيلة بلعب معاك في الشارع .
مؤمن بتريقة والله بعد حرامي أهبل دي أعتقد من حقي إني أقول بت ..
مؤمن بتكشير أولا ابن خاله مش خالته وركزي بقى وثانيا اعتبريني ماأقربش للعيلة بصلة ووريني هتعملي ايه يلا !
نورهان بصتله أوي وبطفولة شديدة مش هتروح تقول لخالد عبد الرءوف يرفدني !
مؤمن كتم الضحك لا مش هقول لخالد عبد الرءوف يرفدك .
نورهان بصت حواليها وشاورتله يقرب منها وكأنها عيلة هتقول لحد على سر فهو قرب وهي بتشاورله أكتر فقرب وهمست بلهجة أطفال لو قلتلي يا بت هعلي صوتي كده وأزعق فالناس تتلم وأقول إنك بتعاكسني .
نورهان شاورت بدماغها اه كذا مرة وهي ضامة شفايفها وهو مقدرش يتحمل منظرها أكتر من كده واڼفجر في الضحك وهي مكشرة وبتبص حواليها مش عايزة الكل يتجمع عليها أو يحاول يعرف ليه بيضحك بالهيستريا دي
نورهان بقلق يخربيتك هتفضحني . أنت بتفضح ياض أنت .. أنا غلطانة إني واقفة معاك . مش لاعبة
لحد ما بعدت عن الكل ووقفت وهو وقف بجد أنتي مچنونة .
نورهان بغلاسة أنا ولا أنت اللي عمال كركركر .. ايه قلت نكتة!
مؤمن ضحك تاني وهي هزت دماغها ومسكت دماغها بايديها طيب أروح منه فين أروح بيتنا .
مؤمن حط ايده على بوقه هسكت اهو طيب اهدي بس شوية .
مؤمن شاور على بوقه هديت قفلته تماما !
نورهان كشرت قل لي بقى ! كريم جه يحضر ليه
مؤمن باستغراب وما يحضرش ليه وفي دعوة وصلته !
نورهان بصتله الدعوة وصلته لأنهم شركاء مع بعض ومنطقي جدا خالد يبعتله دعوة لكن هو جه ليه ! صراحة أنا لو كنت مخطوبة مش هحب أبدا الأكس بتاعي يجي خطوبتي .. وخصوصا لو هو اللي فسخ .
نورهان بجدية مش ده اللي بيتقال .. الكل بيقول إن هو اللي فسخ لأنها مش ملتزمة وهو عايز يخليها تتحجب وهي رفضت .. بس على فكرة هو ما ينفعش يلوي دراعها يا تتحجب يا ينفصلوا بعدين هيعمل بيه ايه الحجاب لو بدون اقتناع ونابع من جواها
مؤمن بهدوء هو ما لواش دراعها يا نورهان قطع الكلام ينفع أقولك نورهان ولا أحط القاب
نورهان ابتسمت نور كفاية كمل .
مؤمن ابتسم وكمل هو بدأ يكلمها عن الحجاب وعن فضله وجابلها كتب وحاول معاها يعني قالها بلاش العريان أوي ده .. بلاش نظام الصحوبية .. يعني كنقاش بس هي اتخنقت منه وبدأت تحس إن ده تقييد لحريتها وبعدها ظهر سليم وهي اختارت .. فهو ماأجبرهاش هي اختارت حريتها ..
نورهان هزت دماغها بتفهم وبتتمشى وهو بيتمشى جنبها لحد ما وقفت جنب ترابيزة طويلة عليها أكل
مؤمن بص حواليه احنا وقفنا هنا ليه !
نورهان ببساطة لأني جعانة أكيد .
مؤمن ابتسم وهي مسكت طبق وبدأت تحط فيه أكل
مؤمن لمح كريم جاي ناحيتهم
كريم قرب كنت بدور عليك .
نورهان ردت
