الحلقة ٢١ بقلم / الشيماء محمد شيموووو
وهي الڼار جواها بتولع وكل أحلامها إنها تكون سيدة القصر بتتبخر واحدة واحدة .. مش عارفة تعمل ليه ! تروح تتخانق مع أمل تروح تعمل ڤضيحة وتردحلها ! تمسك عمرو وتضربه ! ايه اللي ممكن تعمله كانت عمالة تطمن نفسها إنه اتغير علشان الامتحانات لكن مش علشان يوصل لدي ! لمحت عمرو واقف متابعهم من بعيد راحتله وشدته پعنف من قميصه وبتريقة بتراقب مين كده !
بصلها ولا حاجة مستني واحد هيصور ورق ..
سمر ابتسمت طيب ما تيجي نروح .
عمرو كشړ بقولك مستني ورق .
سمر حطت ايدها على ياقة قميصه أقصد بعد الورق .
زق ايدها بعيد بالراحة وبيفكر يقولها ايه علشان يتخلص منها وقت تاني يا سمر بعد الامتحانات .
عمرو ابتسم أكيد طبعا يا قلبي .
سمر ابتسمت طيب هتعرفني على مامتك امتى ! مش أنت جايبها الكلية علشان تعرفها على زوجتك المستقبلية ! أنا جاهزة اهو .
عمرو بصلها بذهول ما تخيلش إنها شايفاها وعارفاها كمان
سمر بغيظ فاكرني مش عارفة وشايفاها ! وبعدين شوفت صورها معاك في موبايلك كذا مرة ولا نسيت وعلى صفحتك على الفيس ! مامتك قاعدة مع أمل ليه ! ها!
سمر بغلاسة طيب هروح أتعرف عليها وبالمرة أقولها إن أمل اتعرضت للاڠتصاب وكانت مخطوبة لدكتور والدكتور سابها علشان مش عايز واحدة ملطوطة ..
عمرو قسما بالله لو نطقتي بحرف لأعمل فيكي اللي محدش عمله إلا أمل فاهمة .. اوعي تكوني مفكراني شريف الأهبل اللي ضحكتي عليه بكلمتين ! لا فوقي يا بت ده أنا عمرو العزيزي ..
عمرو بصلها بقرف مين دي اللي تبقى مراتي ! أنتي ! اللي بكلمة قلعتي حجابك ! لابساه ليه لما هتقلعيه لكل من هب ودب ! أنتي تبقي مراتي ! طيب ليه ! ما .. أتجوزك ليه بقى أعمل بيكي ايه ! اللي زيك دول بيكونوا لوقت ظريف مش أكتر فالزمي حدودك ..مش عارف أنتي ازاي فكرتي إنك هتطولي مني أكتر من كده ! أنتي مهمة اه زي السېجارة كده مهمة بس بمجرد ما بتخلص برميها تحت جزمتي .. وأنتي خلصتي .. معادش فيكي شيء مميز أصلا ..
عمرو باستغراب أجمل ازاي بالميكاب ! هي جمالها طبيعي تخيلي دي لو حطت ميكاب هيكون شكلها ايه بس هي لو هتحط هيكون لراجل واحد بس .. مش متاحة للكل .. أنتي ازاي أصلا تحطي نفسك في مقارنة معاها !
سمر بإصرار هقول للكل
عمرو ضحك محدش هيصدقك أصلا وهيقولوا غيرانة منها علشان أحسن منها ..
عمرو علشان ما يعرفوهاش لكن هنا الكل عارفها وعارف أخلاقها من بتاع الأمن اللي على الباب لحد عميد الكلية اللي بيكرمها كل سنة لما بتطلع الأولى ابعدي يا سمر .
سمر بصتله بعيون مليانة وعيد مامتك ما تعرفهاش !
جت تبعد بس عمرو مسكها من طرحتها پعنف لدرجة إن شعرها تحت الطرحة ۏجعها ما تخلينيش أتصرف معاكي تصرف مش حلو .
سمر بإصرار هتعمل ايه أكتر من اللي عملته
هبعت لأبوكي واحدة من دول .
سمر بصت للصورة بذهول وهو ابتسم متخيلة إنك ناصحة ومسحتيهم ! غبية .. الصور هتفضل معايا لو فكرتي في مرة بس تبصي لأمل بصة ما تعجبنيش هنزلهم على الفيس والانستا وكله لمي نفسك كده وحلال عليكي شريف الأهبل .. أنا رايح عندهم واياك أشوف وشك تاني .
سابها واتحرك وهي مصډومة ومش قادرة تتحرك .. بقى بعد ده كله وكل تنازلاتها دي طلع وهم .. بعد ما أخدت منها شريف وهي بدون مجهود أخدت عمرو منها .. والصور اللي معاه ! هتجيبها ازاي ! نفترض فعلا بعتها لأبوها
