الحلقة ٢٢ بقلم / الشيماء محمد شيموووو

عارف أنتي ليه بقيتي سطحية أوي كده ! ولا أنتي من زمان كده وأنا كنت أعمى مش شايفك !
ملك اتنرفزت ده رأيك فيا دلوقتي ! بقيت سطحية ! بعد ما جبت نورهان تمسك مكاني في كل حاجة دلوقتي أنا بقيت سطحية 
خالد بصلها تصرفاتك بتتكلم عنك يا ملك ! تصرفاتك يا حبيبتي ! ارجعي ملك بنتي العاقلة 
ملك زعقت مابقيتش عارفة أرجعلها ! مابقيتش لاقياها أصلا !
خالد قرب منها بحب خلاص اعملي ملك جديدة .. ملك تصلح أخطاء ملك القديمة .. مش عيب أبدا إن الواحد يغلط لكن الإصرار علي الغلط هو اللي عيب .. صلحي يا ملك 
ملك بعد ما كانت هتحن وترمي نفسها في حضڼ أبوها بعدت ورايا حاجات كتيرة للفرح بعد اذنك ..
يوم فرحها حسته يوم عادي ما يختلفش عن أي يوم .. مش متحمسة يمكن أقل من العادي كمان .. 
قضت اليوم في الكوافير وأمها معاها
لبست ملك فستان كب وشعرها ملموم لفوق على شكل تسريحة وسليم 
ضحك هو وكوكي اللي كملت اه والله ده كان عملك بوفتيك وحياتك ولا الفستان يا ملك .. كنتي تتخيلي إنك تلبسى فستان كب كده مع كريم ! 
ممدوح بتريقة ده كان لبسها چاكيت البدلة بتاعته وحلف عليها يمين طلاق تلاتة ما تقلعها طول الفرح .
ضحكوا الاتنين ومش عارفين هما بيعملوا فيها ايه ! طيب مش ده كان سبب انفصالها ! ليه دلوقتي مفتقداه 
كريم دخل هو ومؤمن القاعة 
كوكي خبطتها كريم اهو يا بت .. يالهوووي عليه سوووو كيووووت .. أنا مش عارفة ازاي سيبتيه يا ملك ! 
كريم قرب منهم وبارك لملك اللي أول ما قرب بص لفستانها هز دماغه برفض وزعل عليها وهي كانت فاهمة نظرته كويس جدا فهمست مش عاجبك فستاني 
كريم بصلها أنا مش مهم المهم يكون عاجب اللي أنتي لابساه علشانه .. 
ملك ابتسمت بتفاخر بس مش بذمتك أنا جميلة فيه مش ندمان إنه مش أنت اللي جنبي النهاردة 
كريم بصلها باستغراب لو ندمان يا ملك فندمان إني فشلت أخليكي تتغيري لكن غير كده بالعكس ما أتمناش أبدا أكون مكانه .. أعمل بجمالك ده ايه لو هيكون مشاركة بيني وبين الكل ! الزوجة بتكون زوجة لأنها خاصة ومملوكة لواحد بس هو من حقه يتمتع بجمالها مش ملكية عامة هي .. المهم مبروك عليكي وربنا يسعدك يا رب يا ملك .. ده أهم شيء 
مؤمن قرب منهم مبروك يا ملك وعقبال ما نشوف قطاقيط صغيرين .. 
ردت عليهم والاتنين اندمجوا وسط الناس ..
شوية وجه سليم خد ملك عشان ترقص وسط أصحابه شباب وبنات كأنه عرض للكل 
مؤمن عينيه بتدور وسط الناس كلها وكريم متابع معاه لحد ما زهق مش موجودة ريح نفسك بقى . 
مؤمن بصله باستغراب ايه دي اللي مش موجوده !
كريم بصله بتريقة اللي روشتني يمين وشمال بتدور عليها .
مؤمن كشړ مش بدور على حد على فكرة .
كريم بتريقة صدقتك .
مؤمن كشړ بجد هي ماجتش ليه !
كريم ضحك وبصله الله أعلم .. يمكن محدش دعاها ! يمكن ما بتحبش الأفراح ! ممكن أخوها منعها ! يعني في أسباب كتيرة الواحد ممكن ما يحضرش فرح بسببها .
مؤمن بزهق طيب متخيل هتيجي ولا !
كريم باستغراب ما سابتش جدول أعمالها معايا للأسف .
مؤمن خبطه في صدره بطل غلاسة بقى .. بقول متخيل متخيل .. ما تعرفش تتخيل !
كريم ابتسم حاضر هتخيل .. هتيجي وأول ما هتيجي هتجيلك تعتذرلك إنها اتأخرت .. وتاخدها وترقصوا سلو بدل العريس