العاصفة ٢٤ بقلم : الشيماء محمد شيموووو
اذنكم .
كريم وقفها نورهان استني .
نور وقفت بدون ماتبص ناحيته خير يا باشمهندس !
كريم كلمها بضيق من مؤمن اللي واقف في الشباك باصص لبعيد ومديهم ظهره استني ما تمشيش بالمنظر ده
نورهان اعتذرت وخرجت بسرعة من عنده وبعدما قفلت الباب كريم راح لمؤمن مسكه من كتفه لفه پعنف أنت اتهبلت ولا اټجننت
مؤمن بغيظ ليه إن شاء الله علشان الهانم ! خليها تخرج من الفقاعة اللي عايشة جواها .
مؤمن لف وشه بعيد غبي لما فكرت فيها أيوة.
كريم اتنهد بيأس يا ابني ياحبيبي .. أنت مش ملاحظ شكلها البنت اللي كانت هنا مالهاش علاقة أبدا بنورهان اللي كانت في الحفلة سواء الخطوبة أو الفرح .. دي غير دي .
مؤمن بصله بانتباه تقصد ايه
كريم بغيظ فانت بتردلها القلم ! حسيت بالإهانة فهنتها في أول فرصة .. الله على جمال الحب !
مؤمن دور وشه بغيظ بالله مش ناقصك !
كريم بهدوء أعتقد يا مؤمن إن اللي بيحب لما بيشوف حبيبه في مشكلة أو في ضيقة بيحاول يخرجه منها بأي شكل .
كريم زعق يا غبي هي رفضتك كحبيب لأنها ما بتثقش فيك فممكن تكون جربت تيجي عليك كانت النتيجة إنك أهبل وغبي .. قالتلك أنا هوافق عليك زميل .. ليه رفضت ليه ما وريتهاش إنك جنبها بأي وضع و بأي مسمى ! هو يا حب يا بلاش ! هو الواحد ما ينفعش يقف جنب حد في مشكلة غير لو كان حبيب ! ما ينفعش تقف جنبها كراجل شهم وتساعدها في المشكلة اللي بتمر بيها ! يا تحبك يا تهزقها كل ما تشوفها ! ده ايه المنطق الغبي ده !
كريم حط ايده على كتفه روح الحقها واعتذرلها وقلها إنك مخڼوق لأي سبب والخنقة دي طلعت عليها .. بلاش تخسرها تماما .. مش يمكن تكون أزمة وتعدي ! وتشيلهالك إنك وقفت جنبها على الرغم من إنها طلبت منك تبعد !
مؤمن بص لكريم شوية وبعدها اتحرك يلحق نورهان .. نزل تحت جري علشان يحصلها ..
مؤمن بصله اه باشمهندسة نورهان المفروض إنها لسة خارجة
ظابط الأمن تقريبا مشيت من هناك كده كانت ماشية على الرصيف ده .
مؤمن جري في الاتجاه اللي شاور عليه بتاع الأمن وخلص رصيف الشركة ولمحها مكملة الرصيف التاني وجري وراها كانت ماشية سرحانة لدرجة إن الرصيف خلص وهي مكملة في وشها بدون ما تلتفت للطريق ومؤمن وراها بينادي عليها .. بيجري علشان يحصلها وخصوصا إنها بتعدي الطريق بدون ما تبص ..
سمر كانت زهقانة في البيت فلبست وخرجت شافتها ميادة رايحة فين يا سمر بالشكل ده!
سمر باستغراب ماله الشكل ده !
ميادة بصتلها من فوق لتحت ضيق جدا ! البلوزة ضيقه على صدرك وقصيرة أوي وياريتك لابسة تحت چيبة كانت دارت شوية لكن بنطلون ضيق .. ما ينفعش لبس زي ده على طرحة أصلا .. الطرحة ليها احترامها برضه ده مش لبس بنت محجبة أبدا ! ومكياجك كمان زيادة أنتي مش رايحة فرح .. ده احنا حتى في النهار .
سمر بصتلها بضيق ده لبسي وأنا مش هغيره غير كده جوزي موافق
