الحلقة ٢٥ بقلم / الشيماء محمد شيموووو
أروح أقعد معاها بس هي معظم الوقت حابسة نفسها .. طيب والله شريف ده ما يستاهل ظفرها .
طه كشړ باستغراب هي قالتلك إنها زعلانة على شريف
غادة بتوتر لا ماقالتش بس أنا خمنت .. يعني أكيد صعبة الواحدة خطيبها يسيبها ويروح يتجوز بنت عمها حتى لو ما بتحبوش هو فضل عليها واحدة تانية وده بيوجع أي ست مهما تكون پتكره البني آدم .. الحركة نفسها بتوجعها .
غادة حست بضيق طه فحاولت تلطف الجو المهم ياحبيبي أجهز العشا بسرعة أنا مېتة من الجوع .
غادة ابتسمت طبعا أنت هتقولي أصلا أكلته كذا مرة عندكم كان بيبقى نفسي أقوم أجيب الحلة كلها وأقعد عليها .
طه ضحك طيب ما قلتيش ليه كنت جيبتهالك أنا !
غادة بهزار وايديها في وسطها أيوة علشان تقول عليا مفجوعة حضرتك .
طه بضحك حبيبتي أنا قلت مفجوعة من زمان جدا ماجتش على الحلة يعني اللي نفسك فيها .
غادة بتقرب عليه حياة مين بقى !
طه بضحك وهو بيتراجع وحياتك أنتي طبعا ماعنديش أغلى منك أحلف بيه .
غادة بتريقة كل بعقلي حلاوة .
طه وعينيه في عينيها وإن ماكنتش آكل بعقلك أنتي حلاوة آكل بعقل مين ها ! حبيبة قلبي أنتي وروحي وعقلي وكل حاجة .
غادة بحرج بتهرب من عينيه بجد أنا كل ده !
غادة سحبت نفسها بحرج من بين ايديه هحط الأكل في طبق .. لحظة واحدة .
راحت وفتحت العلبة كان فيها كذا نوع وكمان فراخ مشوية وابتسمت لحماتها الجميلة وحطت الأكل واتعشت هي وجوزها
نورهان بدل ما ترجع للشركة روحت للبيت وحبست نفسها في أوضتها ومهما مامتها نهلة تحاول تكلمها إلا إنها رافضة تتكلم مع حد .. بالليل نادر رجع ومامته قالتله إن نور في أوضتها ماخرجتش منها فراح لعندها وخبط افتحي يا نور .
نور بصوت مخڼوق مش ناوية على حاجة أنا بس مصدعة وهنام والصبح إن شاء الله أكون كويسة .
نادر هز دماغه بعدم تصديق ولا اقتناع أيوة وبعدين يعني ! آخر العياط والصداع والنرفزة وكل ده ايه !
نادر بضيق في إن سيادتك خنقتيني خلاص .. أنتي متخيلة إنك لما تكدبي عليا كده مش هفهم أنتي مالك ! ولا هصدق اللي بتقوليه الصداع والنوم والكلام الفارغ ده كله! بطلي بقى .
نور وقفت وزعقت أنت عايز ايه مني يا نادر ! أنا ما اشتكيتش .
نادر باستغراب وهو لازم تشتكي علشان أحس بيكي ولا ايه ! أنا غلطان وللمرة الالف بقولها أنا غلطان إني وافقت إننا نرجع من برا .. كنا عايشين ومبسوطين !
نور بصتله ولحد امتى هنفضل متغربين !
نادر زعق واحنا هنا مش متغربين ! أنا
