الحلقة ٢٦ من العاصفة بقلم / الشيماء محمد شيموووو

أسمحلهوش يتحكم فيا .. فضلتي تسخنيني إني اخد الخطوة دي .. فضلتي تقوليلي ما أسمعش كلام بابا وأرمي كريم .. أنتي فضلتي تزني على وداني لحد ما وصلتيني لمرحلة مش قادرة أتقبل ولا كلمة من كريم وحسستيني إن كله تحكمات مع إن كان صح .. ما تتخيليش قد ايه وحشني إحساس الراجل اللي معايا بالغيرة وقد ايه بېقتل إحساسك إنك عادي ماعندوش نخوة ورجولة .. أنا اتجوزت راجل على النقيض من كريم وللأسف طول الوقت بقارن بينهم وده واجعني أوي .. شايفة سليم إنسان تافه سطحي معډوم النخوة والرجولة .. مش قادرة أحسه راجل أصلا .. فرق زي السما والأرض بينهم .. 
رقية زعقت فيها لأنك متخلفة وفقرية .. زيك زي أبوكي وارثة غبائه .. ما أنتي ملكة في بيتك ما تعيشي ملكة هو لازم راجل يتحكم فيا ! ما تزعليش هروح أتصل بسليم وأقوله يجرجرك من شعرك ويلطشك ليل و نهار علشان تحسي برجولته ده اللي أنتي عايزاه ده اللي مفتقداه 
ملك بيأس اللي بتقوليه ده إهانة مش رجولة .. كريم عمره ما غلط فيا بحرف أو أهاني بأي شكل أو حتى رفع صوته .. الرجولة مش بالصوت العالي أو الضړب أو الإهانة .. أنتي مش فاهمة حاجة يا ماما .
رقية هزت دماغها بيأس ونرفزة سيبتلكم الفهم أنتي وأبوكي .. أنا غلطانة إني كلمتك أشتكيلك .. روحي يا ملك دوري لأبوكي على زوجة تليق بيه وتهتم بيه .. وأنتي روحي بوسي ايد كريم وهو هيرجعلك .. ده أنتوا عيلة هم .. 
قفلت السكة في وشها وملك فضلت مكانها شوية وأخدت كذا نفس وفتحت المرايا بصت لنفسها ومسحت دموعها وعدلت مكياجها اللي نوعا ما بيديها ثقة في نفسها شوية ودورت عربيتها وكملت طريقها لشغلها .. 

خالد وصل الشركة وأول حاجة عملها راح لمكتب نورهان بس استغرب لما لقاه فاضي فخرج وشاف السكرتيرة بتاعته هي م نورهان ماجتش لسة  
السكرتيرة مش هتيجي يا فندم .. 
خالد كشړ هي ماجتش امبارح برضه النهاردة كمان  
السكرتيرة استغربت اهتمام خالد بموظفة اعتذرت يا فندم خير في حاجة أقدر أساعدك فيها بنفسي 
خالد كشړ لا شكرا بس استغربت المكتب فاضي مش أكتر .
دخل مكتبه وهو مستغرب مالها بقالها كام يوم مش مظبوطه أبدا .. 
طلع موبايله واتصل بيها بس لقى موبايلها مغلق .. كشړ واتصل بنهلة اللي ردت عليه بصوت نوعا ما نايم فاعتذر إنه صحاها 
خالد آسف يا نهلة إني صحيتك .. اعذريني أسيبك تكملي نوم وأكلمك وقت تاني .
نهلة اتعدلت لا لا أنا صحيت .. عادي يعني .. 
خالد بقلق نور ماجتش الشغل ولا النهاردة ولا امبارح اوعى تكون تعبانة ! 
نهلة اتنهدت هي فعلا تعبانة 
خالد وقف بتوتر طيب هجيبلها دكتور واجي حالا .
نهلة بسرعة لا لا مش دكتور يا خالد لا .. هي تعبانة نفسيا مش جسمانيا .. 
خالد بحزن يا الله برضه .. طيب أنا هجيلها وأقعد معاها شوية .. صح نادر فين 
نهلة ابتسمت ما تقلقش نادر بينزل بدري بيروح الچيم فلو جيت دلوقتي مش هتحتك معاه .. وده الأفضل حاليا وفي الظروف دي .
قفل معاها وبيلم حاجته علشان يخرج واتفاجأ ببابه بيتفتح وملك بتدخل تصبح عليه صباح الخير يا بابي أنت واقف ! رايح لمكان ولا ايه  
خالد بصلها صباح النور يا قلبي اه ورايا مشوار مهم !
ملك باستغراب مشوار ايه مهم على الصبح كده ! وبعدين عندنا ميتنج !
خالد بهدوء عارف وهاجي قبله ما تقلقيش
ملك وقفت في وشه أنا عايزة أتكلم معاك .
خالد ابتسم حاضر ياحبيبتي بس مش دلوقتي .. بعدين 
ملك استغربته ووقفت تاني قصاده موضوع مهم .
خالد استغرب إلحاحها ده حاضر يا ملك بس مش دلوقتي .. على الأقل لما أرجع .
ملك بنرفزة ايه اللي ممكن يكون أهم مني علشان تسيبني كده وتمشي  
خالد بصلها بذهول وحاول ما يتنرفزش عليها أنتي قدامي اهو سليمة وكويسه فبالتالي مهما يكون اللي عندك أكيد مش مهم أوي للدرجة إنك تقفي في وشي كده يا ملك ! قلتلك هرجع من مشواري ونتكلم .
ملك بإصرار ماما مهمة .
خالد اتنهد وفهم