الحلقة ٣٢ العاصفة بقلم الشيماء محمد شيموووو

مهتم لأن سقوط الحكم هيجمعني مع الإنسانة اللي حبتها أما عرفت منين فمن خالد بيه
بص ناحية نور اللي باصة للأرض ھتموت من الحرج ونادر بصلها وبص لأبوه اللي هز دماغه إنه يعرف وبص لمؤمن بغباء اللي هي مين الإنسانة دي 
مؤمن باستغراب أختك أكيد ! نورهان !
نادر باستغراب أنت بتحب نورهان  
مؤمن كشړ ايه الغريب في كده ! أيوة بحبها وعايز أتجوزها وكلمتها بس هي رفضت أي قرب ساعتها كلمت خالد بيه وهو قالي علي الحكم اللي علي والدتك وظروفه وكلمت محامي وعرفت بموضوع سقوط الحكم .. المهم بقى أنتوا ليه مش متحمسين بالخبر ده
نادر كشړ هنتحمس لما يسقط فعليا .. بابا أنت عارف الموضوع ده ! 
خالد ابتسم بأسف عارف وبحسبها كل يوم فاضل اد ايه !
مؤمن بفضول فاضل اد ايه يا عمي 
خالد بأسف لسة حوالي ٨ شهور .. بس حتى لما يسقط الحكم أمكم ما ينفعش تعيش هنا لأن القانون بيقول ما تفضلش في المكان اللي حصل فيه الچريمة وصدر فيه الحكم إلا بموافقة خاصة من المحافظ أو المديرية التابعة 
نادر باهتمام مش مهم المكان اللي هتعيش فيه المهم إنها ما تكنش مطاردة أصلا 
مؤمن بالظبط يا عمي .. بص لنور فاضل ٨ شهور مش كتير 
نادر بتحذير ومن هنا لحد ما ال ٨ شهور يخلصوا أنت 
قاطعه مؤمن مش محتاج تنبهني او توصيني يا نادر .. أنا ابن بلد وصعيدي وأفهم كويس أوي في الأصول .. أختك أنا بحبها ولأني بحبها جيت لأهلها اهو وبتكلم معاكم .. حبي ليها نقي وطاهر وبتمنى من كل قلبي إنها تكون زوجة ليا .. فأكيد هحافظ عليها .. 
نادر ابتسم وأنا يشرفني إنك تدخل عيلتنا وياريت كانت الظروف مختلفة عن كده 
نور وقفت بحرج أنا هروح مكتبي 
جريت من قدامهم وكلهم ضحكوا وخبطت وهي خارجة في ملك اللي كانت داخلة وبصت للكل باستغراب متجمعين يعني ! وأنتي بتجري كده ليه !
نور بحرج لا أبدا بعد اذنك
ملك تابعتها باستغراب وبصت للباقي هي مالها بتجري كده ليه !
خالد ابتسم محروجة مش أكتر
ملك باستغراب محروجة ! من ايه !
ملك لاحظت سكوتهم وتردد أبوها إنه يجاوبها فبسرعة تراجعت اه لو حاجة خاصه بيكم خلاص اعتبرني ما سألتش 
خالد بسرعة لا يا حبيبتي دي أختك محروجة علشان مؤمن طالب يتجوزها 
ملك بصت لمؤمن پصدمة أنت بتحبها ! ليه !
مؤمن كشړ ليه ايه  
نادر بصلها بهجوم ايه ليه دي ! أنتي شايفة إنها ما تتحبش يعني ! 
ملك بضيق لنادر مش القصد .. بس استغربت حبها امتي وفين ! دول يدوب اتقابلوا كام مرة ! وبعدين أنا بكلمه هو مش أنت !
مؤمن قاطعهم من غير خناق أنتوا الاتنين ! بحبها من أول مرة شوفتها فيها في الاجتماع وبعدها وصلتها البيت وحسيت إنها مميزة .. أعتقد جاوبتك ! المهم يا عمي هرجع أنا شغلي وربنا يسهل يعدي الكام شهر دول علي خير وكل حاجة هتتعدل باذن الله
سلم عليهم وانسحب وملك بعد ما مشي بصت لأبوها كام شهر ايه اللي بيتكلم عنهم !
خالد بصلها حكم الإعدام بيسقط بعد ٣٠ سنة من صدوره وفاضل كام شهر ويسقط وساعتها أنا أقدر أعترف بيها وهو يقدر يتجوزها .. 
ملك مستغربة وليه ما يتجوزهاش دلوقتي ايه المانع ! مش لازم مامتكم تحضر الفرح يعني 
نادر بغيظ لا طبعا لازم .. وبعدين هيقول لأهله مين أبوها ولا مين أمها ! هيقدمها ازاي لعيلته ! وبعدين والأهم ما تتدخليش في اللي ما يخصكيش أصلا 
ملك بنرفزة سوري أنا غلطانة .. إن شاء الله ما عنهم اتنيلوا أصلا .. بلا جواز بلا زفت 
نادر پغضب ما تدعيش عليهم إن شاء الله هيتجوزوا ڠصب عن انف التخين 
ملك هترد بس خالد زعق وبعدين ! في ايه أنتوا الاتنين ! كفاية بقى لعب العيال ده ! بتتخانقوا على كل حرف زي الأطفال ! قوموا يلا كل واحد يروح مكتبه .. يلا 
طردهم من عنده بس ابتسم لأنهم بيتخانقوا .. الخناق برضه نوع من أنواع الاهتمام .. كان نفسه يشوفهم أطفال بيتخانقوا ويتناقروا مع بعض زي أي اتنين أخوات ورا بعض .. فرق السن الكبير