الحلقة ٣٣ من العاصفة بقلم : الشيماء محمد شيمووو
ورحب بأيمن اللي كان عايز يمشي ويرجعلهم بس مؤمن رفض وطلب منه يكمل معاهم بس هو انسحب عشان عنده مشوار..
ناهد مع حسن لمحت أمل وابتسمت ويدوب هتقوم حسن مسكها رايحة فين !
ناهد شاورت عليها هسلم على أمل
حسن قعدها مكانها لا اقعدي هي مش عايزة حد يعرف إنها تعرفنا تقومي تيجي على آخرها تضيعي كل ده .. هيقولوا ايه زمايلها لما يشوفوكي بتسلمي عليها !
حسن ابتسم وحط ايده على كتفها حبيبتي كلهم هيجوا يسلموا عليكي بنفسهم وهي كمان هتيجي فخلي الموضوع يظهر طبيعي .. معلش احترمي رغبتها ..
قاطعهم قرب رقية علشان تسلم عليهم
رقية بتكبر امال كريم ابنك فين ! اوعى يكون مش هيجي علشان ملك موجودة مع جوزها ! المفروض يتخطاها بقى !
ناهد بذهول بصتلها وتريقة يتخطاها ! عجبت لك يا زمن ! ادعيله يا حبيبتي !
ناهد أمين يا حبيبتي أمين
انسحبت رقية بهدوء بعد ما رمت جملتها
حسن بص لمراته تخيلت للحظة إنك هتردي عليها رد مختلف عن كريم !
ناهد بصتله وحياتك ما تستاهل إني حتى أفكر أرد عليها ..
حسن ابتسم دخيله العاقل ده .. قلبي أنا
مؤمن جه وقعد معاهم بس عينيه طايرة
مؤمن بص لعمته يا عمتو أنا ليا وضعي هنا مش عيل صغير
ناهد بضحك هي موجودة يعني وأنت خاېف على برستيجك قدامها !
مؤمن بص ناحيتها وناهد بصت زيه وبتريقة اخييييه مش حلوة يا مؤمن خالص
مؤمن كشړ وبصلها ايه مش حلوة مش حلوة ازاي يعني يا عمتو دي قمر !
مؤمن بصلها المشكلة في عيلتها زي ما قلتي المهم هشاورلهم يجوا يسلموا عليكي بس ما تتكلميش في أي حاجة اوك !
نادر ونورهان قربوا منهم وناهد سلمت عليهم و رحبت بيهم وعجبتها نورهان وهدوءها وابتسمت لمؤمن ..
مؤمن شاور كمان لأمل ولصحباتها فقربوا يسلموا على ناهد اللي ضمت أمل أوي بحب بس احترمت رغبتها وما أظهرتش إنها تعرفها قبل كده ..
قاطعهم صوت دربكة وتكسير وزعيق فالكل انتبه كانت ملك بتزعق لجرسون قلتلك عايزة حاجة أشربها
الجرسون آسف يا فندم بس مفيش هنا أي مشروبات من النوع ده .. حضرتك ممكن تنزلي الديسكو تحت هيكون في لكن هنا لا
ملك زعقت أنت بترد عليا كمان !
نادر اعتذر منهم وراح ناحيتها ملك اهدي الكل بيتفرج عليكي
شاورت ناحية أمل اللي في وسط صحباتها وناهد ونورهان وكلهم
ملك كملت انتي السبب في كل اللي حصل ده ! كله بسبب غباءك .. بسبب لبسك ده وشكلك ده .. حجابك المتخلف .. بتضحكوا على الناس بشكلكم ده كلكم .. الكل بيعملكم حساب لمجرد إنكم لابسين حجاب .. تافهين كلكم ..
الكل بص ناحيتهم بس مش فاهمين هي تقصد مين بالظبط في اللي تخيل نورهان لأنها اتخانقت معاها قبل كده ! وفي اللي تخيل ناهد نفسها وتخيلوا إن ناهد لها علاقه بفسخ الخطوبة ..
سليم قرب منها يشدها بس زقته ابعد عني
سيبني أنا مش بحبك
قاطعها صوت هز القاعة كلها كفاية بقي
الكل بص لكريم اللي دخل القاعة
سليم بيتفرج ومحروق دمه كرامته بتتهان بسبب مراته ومش عارف يعمل ايه !
ملك زعقت بس أنا بحبك
كريم بص لسليم سيادتك بتتفرج عليها !
