الحلقة ٣٧ العاصفة بقلم الشيماء محمد شيموووو

طلعوا برا الأوضة
نادر بإرهاق أنا متشكر جدا يا كريم إنك جبت أمل وجيت بسرعة صراحة اتوترت وماكنتش عارف اتصرف 
كريم ابتسم لا أبدا وبعدين ما تقلش كده احنا أخوات وبعد كده ما تترددش إنك تطلب مني أي حاجة .
نادر ابتسمله أنا أول مرة أتحط في موقف زي ده 
كريم بتعاطف وإن شاء الله تكون آخر مرة .
نادر ابتسم وبصله انا لحد دلوقتي مش عارف بجد هي ازاي وقعت قدامي ! وازاي أنا رد فعلي ماكانش أسرع من كده ! أنا موبايلي بس رن ويدوب حولت عيني للحظة ! بس لحظة .
كريم حط ايده على كتفه وهو القدر محتاج لأكتر من لحظة برضه ! ده بيتلخص في جملة كن فيكون .. احنا مجرد أسباب علشان نحقق قدرنا .. وبعدين لعله خير 
نادر كشړ ايه الخير اللي ممكن يجي من ورا وقعتها بالشكل ده قدامي وكسر رجلها بالعڼف ده ! دى كانت ممكن تخسر رجلها فيها! حتى أنا كان ورايا مشوار مهم وماقدرتش أروحه أو حتى أعتذر عنه 
كريم ابتسم يوووووه الخير كتير بس للي يفهم واللي يترجم صح ! عارف أنا اتعرضت لحاډثة الشتا اللي فاتت وقت العاصفة الكبيرة اللي حصلت دي لو تفتكرها أنا كنت هخسر حياتي فيها أنا وغيري وحتى لما وصلت المستشفى ماكانوش عارفين ينقذوني وكانت الدنيا في عيني أصغر من خرم الابرة بس دلوقتي لو سألتني عنها هقولك إن أجمل حاجة حصلتلي في حياتي كانت الحاډثة دي ! ما تتخيلش عملت ايه في حياتي وشقلبتها وغربلت دنيتي .. بعدت عن حياتي ناس كان لا يمكن أتخيل إني ممكن أبعد عنهم ودخلت حياتي ناس لايمكن أفكر أدخلهم فساعتها لو سألتني هقولك العاصفة دي أسوأ شيء حصلي لكن دلوقتي هقولك إن حياتي بجد بدأت بعد العاصفة دي ! والخير اللي جه وراها كتير كتير أوي لدرجة إني مهما أشكر ربنا علي الخير اللي جالي مش هوفيه حق شكره أبدا .. فأنت دلوقتي بتقول ايه الخير من الحاډثة أو كسر رجلها ! فكر إن لعله خير واسكت ! يمكن لو كنت مشيت لمشوارك ده كانت مصېبة أكبر تحصل ! مش يمكن يكون ربنا بعت مروة تآخرك !
نادر كشړ وفكر يمكن يكون حد بيراقبه ويعرف مكان مامته ويخسرها وبالتالي ربنا بعت مروة في طريقه تعطله وباللي حصل ده حمى مامته ! معقولة !
بص لكريم باستغراب مافكرتش كده أبدا !
كريم ابتسم وقت الأزمة بيكون تفكيرنا شوية محدود ومش عارفين نفكر .. بس صدقني لو ركزت في كل حاحة بتحصلك أو أي أزمة اتحطيت فيها هتلاقي وراها خير أو رفعت عنك بلاء عظيم أنت ما تستحملوش فربنا بعت حاجة تهون البلاء ده ! أي حاجة بتحصلنا هو قضاء ربنا ودايما قضاؤه خير ..
نادر ابتسم ونعم بالله المهم أنت هتروح شكلك مرهق وتعبان أنا هفضل هنا وأنت ......
قاطعه كريم مش هروح ما تشغلش بالك بيا .
فضلوا يتكلموا كتير وقاطعهم خروج نورهان تبلغهم إنها هتمشي شوية وجه عليهم مؤمن بقلق خير في ايه ! مين جراله ايه 
نور ابتسمت خير اطمن أنت عرفت منين إننا هنا !
مؤمن بقلق كنت بكلم الأستاذ خالد وعرفت منه إن في حاډثة حصلت وإنكم هنا ! وعرفت من الاستقبال مكانكم ! بص لكريم وبعدين لما أنت جاي هنا ماقلتليش ليه !
كريم ابتسم اهدا الكل بخير اهو زي ما أنت شايف .
مؤمن بنرفزة امال أنتوا هنا ليه كلكم !
نادر حاول يمتص غضبه وتوتره أنا يا سيدي اللي عملت الحاډثة 
مؤمن بصله بس أنت كويس صح !
أمل خرجت من الأوضة وبصتلهم ومؤمن استغرب أكتر أمل ! هو في ايه بالظبط ! في حد تعبان جوا !
نادر يا ابني اهدا ! مروة صاحبة أمل وقعت قدام عربيتي وخبطتها ! الحمد لله سليمة بس رجلها للأسف اتكسرت وجبتها أنا ونور هنا وكلمت كريم علشان يجيب أمل صاحبتها ونعرف نوصل لأهلها .
مؤمن اتنهد وبص لنور الحمد لله حصل خير المهم أنتوا كويسين صح 
نور ابتسمت احنا كويسين ما تقلقش .
مؤمن بص لأمل حالتها ايه يا أمل ! كويسة 
أمل ابتسمت أحسن