رواية قبل فوات الاوان الحلقة الثالثة عشر بقلم رانيا الطنوبي حصريه وجديده
مرة اخري الي شكل السماء لم يعتاد ان يراقب السماء ويراها صافية مثل هذه الايام صفاء يشبه كثيرا ما يشعر به داخل نفسه لكم يتمني ان تتوقف عقارب الساعة عند هذه الايام يتسأل كيف ستكون العودة الي منزل رفعت الصاوي مرة اخري صدقا يخشي لو عاد الي منزله يعود الي حازم القديم حازم الذي لا يريد ان يراه مرة اخري
الحاج حامد روحت فين يا حازم يا ابني
حازم ابدا ازيك يا حاج حامد هو حضرتك لسه صاحي
حامد انا كنت رايح انام لقيتك قاعد قدام الشباك وشكلك زي ما تكون شايل الهم قولت اشوفك قبل ما انام
زفر حازم كمن يخرج هما من اعماقه ابدا بس شايل هم اما ارجع البيت مع ان بنتي وحشتني اوي بس نفسي بجد مرجعش
حازم خاېف لو رجعت اخسر اللي وصلتله وساعتها مش عارف يا تري حتيجي فرصة تانية للرجوع ولا لا
حامد والله يا ابني كله في ايدك انت بس اخلص توبتك بربنا واستعين بالله علي اللي جاي وان شاء الله ربنا حيقبل توبتك ومهما حصل اوعي تيأس مهما غلطت متفقدش الامل في ربنا ومهما حصل توب
حامد بص يا بني انا حاقولك كلمة وحطها في ودنك ومهما حصل فكر نفسك بها ان الله لا يمل من استغفار العبد حتي يمل العبد من استغفاره
اخيرا جيتي ده انا كنت فقدت الامل
ندي اعمل ايه ماما وافقت علي النهاردة بس قولتها انهارده حيختموا خاليني اروح وافقت بعد ما طلعت روحي
ندي معلش بقي الحمد لله اني جيت وبعدين ايه الاستقبال ده انا لا شايفة تورت ولا جاتوهات هو الاعتكاف ده نواشف ولا ايه
اماني التورت والجاتوهات دي ناكلها في بيتك بقي بعد العيد
ابتسمت ندي فجذبتها الحاجة اماني لتتحدث اليها
الحاجة اماني ليكي عندي اخبار كويسة
اماني الحاج حامد كلمني انهاردة وقالي اقولك علي رأيه
ندي وهي تبتلع ريقها ورأيه ايه يا حجة
اماني هو بيقول انه ابن حلال وكويس وهو ارتحاله وارتاح لتصرفاته في الاعتكاف بس هو فعلا محتاج لليشجعه ويوقف جنبه
ندي بجد يا حاجة يعني هو شايفه انسان كويس
اماني انتي زي بنتي يا ندي وانا مش حاغيشك وانتي لما قولتلي عايزة رأي الحاج حامد انا قولته وهو قال للمجموعة اللي مع حازم ياخدوا بالهم منه ويقولوله رأيهم لانه متقدم لبنته ومفيش حد منهم اتعامل معاه الا وشكر فيه
اماني انتي للدرجة دي خاېفة
ندي دي تالت مرة وخاېفة التالتة تبقي تابتة
اماني لو استخرتي وده رأي اللي حوليكي اتوكلي علي الله وانتي حتشوفي تعاملاته بعد كده وان ظهر حاجة منه ساعتها يبقي خلاص
تنهدت ندي لان هذه المرة ليست كسابقيها هذه المرة لانها احبته حقا والچرح لن يكون سهلا
عمرو لعصام والله انت ما تنفع حارس مرمي ببصلة
عصام والله لو الحضري هنا ما كان عرف يلعب زيي
وليد كفاية لعب بقي لازم نخلص فرش الحصر علشان صلاة العيد
حامد الناس بتوع شادر الصلاة خلصوا
علي ايوة خلاص فاضل حاجات بسيطة
عمرو بجد رمضان خلص
عصام بجد انا ندمان اللي مجتش من اول يوم خسارة مكنتش فاكر ان فيها كورة وكنتالوب
وليد لحازم انت كنت بتكلم مين
حازم كنت باكلم بنتي عايزني ارجع بعد الفجر علشان عايزة تروح صلاة العيد
علي يعني مش حتصلي العيد معانا
حازم لا ما انا قلت لداد محاسن يستنوني ويجوا يصلوا هنا
عصام ما تخلي ابراهيم يجبهم
حازم ما ابراهيم اجازة علشان العيد
وليد ابراهيم ده مين اصلا
حازم ده السواق
عمرو وهو يضحك مش عارف ليه يا حازم ساعات بحس انك واقع من فيلم رد قلبي
عصام ده قر ده ولا نق
عمرو الاتنين
الله اكبر الله اكبر لا اله الا الله الله اكبر الله اكبر ولله الحمد الله اكبر كبرا والحمد لله كثيرا وسبحان الله بكرة واصيلا لا اله الا الله ولا نعبد الا اياه مخلصين له الدين
