تمارا وعاصم الحلقه الاولى حصريه وجديده
انت في الصفحة 1 من صفحتين
تمارا وعاصم الحلقه الاولى حصريه وجديده
في كافيه الجامعة بنت جميلة ، ملامحها بسيطة و مرحة ، قاعدة لوحدها و مركزة في
الموبايل فجأة شاب وسيم جدا و طويل شد الكرسي اللي قصادها و قعد عليه رفعت نضارتها بعصبية
_ هو كل يوم هتطلبي نفس المشروب ولا ايه
قصده على الايس كوفي اللي قدامها
= المرة الجاية هبقا استاذنك قبل ما اطلب
اتكلم بمرح
= حيث كدا بقا دا رقمي لما تيجي تطلبي كلميني استاذنيني
حط ورقة تحت المشروب اللي قدامها و مشي بسرعة قبل ما ترد عليه
فضلت ثواني تستوعب اللي حصل , فتحت الورقة , مكتوب فيها رقم موبايل و جنبه ( عاصم) ابتسمت
سمعت مريم صاحبتها بتنادي
_ تمارا تمارا يلا هنتاخر على المحاضرة
شاورت لصاحبتها , حطت الورقة في شنطتها بهدوء
في قاعة المحاضرات بكلية التجارة
_ حزري مين هيدينا ادارة الترم دا يا تمارا
= لا يا مريم مش ناقصة قلبة بطن ع الصبح اكيد مش دكتور شريف الغتيت
= هذا هو ذوقي بامانة
_ قصدك ذوقنا
ضحكو الاتنين بصوت عالي مأخدوش بالهم ان الدكتور دخل
_ الانستين اللي ورا تعالولي هنا حالا
تمارا كانت بتشرب ايس كوفي ف شرقت و بدأت تكح كتير , مريم بتخبط على راس تمارا جامد و تمارا بتزقها , ثواني و قدرت تاخد نفسها تاني , خبطت مريم بكوعها
= كنت بحاول انقذك احسنوا النية بقا
_ مريم فوقي انتي كنتي بتطلعي روحي اساسا
هزت مريم كتافها بمرح
= مبعدناش كتير
الدكتور كان مركز معاهم و بيضحك على كلامهم جدا
