رواية تزوجت أختها البارت السادس بقلم همس حسن حصريه وجديده
العربية برجله وبيطلع العمارة
هنختصر بقيت الأحداث اللي حصلت لما طلعوا عشان نركز في الأهم
تاني يوم يوم الفرح
زهرة بتبدأ تصحى من النوم لما حست بالشمس طلعت وملت الاوضة نور .. بتفتح عينيها
لقت عبير في وشها
زهرة بتتخض بسم الله الرحمن الرحيم
بتدعك عينيها ايه ياماما واقفة كدا ليه
عبير بتريقة صباح الخير ياعروسة
زهرة لا اټخضيت بس لما فتحت عيني لقيتك قدامي
عبير سلامتك م الخضة ياعينيا .. لا عايزاكي تنشفي كدا ده النهاردة فرحك علي الغالي
زهرة بتنزل عينيها في الأرض بحزن
مها داخلة الأوضة عروستنا صحيت أخيرا .. يلا قومي اجهزي ياعروسة ورانا حاجات كتير
زهرة بتبصلها بإستغراب !!
مها مالك متنحة ليه كدا
زهرة مستغرباكي يامها بصراحة.. المفروض دلوقتي تكوني اكتر إنسانة كرهاني مش بتقوميني عشان اجهز
مها لا مانا الصراحة قلبتها في دماغي كدا ولقيت ان مدام ربنا عمل كدا يبقي دا اكيد خير لينا احنا الاتنين وفي الآخر خلينا متفقين دا نصيب
فريد داخل الأوضة انتي ايه اللي جابك هنا يابت انتي
انا مش قولتلك متهوبيش ناحية أوضة زهرة لحد ما تتجوز وتروح بيتها
عبير جرا ايه يا فريد ما تتعدل
فريد اتعدل واستناها تحاول ټقتلها تاني زي ما حصل امبا..
زهرة بتقاطعه فريد ... خلاص اللي فات ماټ ومش هنتكلم فيه تاني وانا بقيت احسن الحمدلله
ناهد ام بدر داخلة أوضة زهرة وفي ايديها شنط
زهرة بتتعدل
ناهد لا لا خليكي زي مانتي انا زي امك ياحبيبتي
انا جاية ومعايا كل حاجة ممكن تحتاجيها من فستان فرح لمكياج لاكسسوارت ل كل حاجة
زهرة پصدمة تعبتي نفسك ياماما ايه كل ده
ناهد مش انا اللي نقيت طبعا انا ست كبيرة مفهمش في الكلام بس كان معايا حد يعز عليه أمرك اوي وهو كان بينقي الحاجات وبياخد رأي البنت الموجودة في المحل كمان عايزينك تكوني أميرة النهاردة وتلوحي اي حد هيبص عليكي
ناهد يلا قومي معايا بقا هدخلك تاخدي شاور في السريع كدا وابدأ اجهزك عشان كتب الكتاب هيبدأ الساعة 5 خلاص مفيش وقت
عبير ومها بيبصولها ب غل واستغراب
الساعة 5
زهرة واقفة قدام باب الشقة .. لابسة فستان فرح تركي سيمبل وعاملة ميك اب هادي وفي نفس الوقت طالعة زي الملاك الأبيض
زهرة انتي اللي ليكي الفضل في ده كله يا ماما .. ربنا يخليكي ليا
عاصم واقف بيبص علي زهرة وعينه مدمعة
ناهد يلا عشان منتأخرش عليهم
زهرة لسة هتتحرك عشان تنزل فريد وقف قدامها
