رواية تزوجت_اختها البارت 18 /19 بقلم همس حسن حصريه وجديده
انت في الصفحة 9 من 9 صفحات
وشربي ودوايا اتجوزني بالعافيه عشان يذلني وينتقم مني وبدل مايعذبني ويطلع علي جتتي القديم والجديد علمني ازاي اتغير وابقي إنسانة بجد بتحب وبتحن وبتتوب وبتسجد ل ربنا علمني ان الفلوس مش كل حاجه وان الطمع بيهد أي حاجة
علمني ازاي استفيد من كل عقاپ قاسې واني اطلع منه ياني اتغير بجد واقول يارب سامحني
لحد ما وصلت لمرحلة إني بقيت كل يوم بفكر ايه ممكن أعمله احسن من نفسي اكتر عشان احس اني استاهل الإنسان ده واستاهل إنه يحبني بجد
لما هو عمل معاكي كل ده وهو بيكرهك .. اومال لما هيحبك هيبقى ازاي وهيعمل معاكي ايه
زهره بتحضنها اول مرة أحس ان اختي رجعتلي بجد .. وفي اللحظة دي انا عندي إحساس شبه يقين إنه هيرجعلنا وان ربنا مش هيخذلك ابدا
مها بتحضنها وعينيها بتدمع ربنا أنعم عليا من جديد وخلاكي تسامحيني يازهره
بترفع عينيها وبتبص للسما والنهار بيطلع يارب بحق السموات والأرض .. ب حق التوبة الخالصة اللي توبتها ليك .. ب حق كل خير مصطفى عمله في حياته او عمله معايا او مع غيري ترجعه ليا سليم معافى يارب .. يارب خد من عمري واديله .. خد من صحتي وعافيه .. يارب سامحيني على كل ذنب ارتكبته ومتعاقبنيش فيه هو
في مكان محدوف بعيد مفيهوش محلات ولا ناس وفي أرض مزروعه .. حد نايم على الأرض هدومه متقطعه واغلبها ډم وايديها على وشه .. بدأ يفوق واحدة واحدة وينزل ايده من على وشه وهو بيتوجع بأنين مكتوم
وواحدة واحدة بدأ يتحرك ويعدل جسمه براحه ... والشخص ده مصطفى
مها وبدر زهره مازالوا بيلفوا في الشوارع يدوروا عليه ومقعدوش ولا فقدوا الأمل .. كل واحد فيهم تعب وهدومه اتبهدلت ورجله ورمت من المشي
زهره أيوة يافريد
فريد ايه يا زهره صباح الخير .. مال صوتك في ايه
زهره انت لحقت تعرف منين صوتي ماله !
ده انا يدوبك قولتلك ايوة يا فريد بس
فريد انا بعرف إذا كنتي بخير او لا من التنهيده اللي بتتنهديها في اول المكالمة وقبل ما تقولي ألو يا زهره
مالك بقي
زهره مصطفى عمل حاډثة يافريد وتقريبا كدا جثته مفقودة لحد دلوقتي واحنا قالبين الدنيا مش لاقيينه ولا الحكومه لقياه .. وبدر ومها حالتهم تصعب ع الكافر
طب ابعتيلي اللوكيشن انا قايم جايلكو اهو
قفل معاها المكالمة وساب التليفون قدامه .. وسكت لحظات
فريد بغض النظر مصطفى عايش او مېت انا بقول كفايه عليكي عڈاب كده يا مها .. آن الأوان تعرفي الحقيقة بقي
..... يتبع
وزي ما احنا متعودين
اننا بنقول توقعاتنا سوا كل بارت
البارت ده عندنا كذا تساؤل ..
وياترى فريد عايز يقول ايه ل مها .. وهل ليه علاقة باللي حصل لمصطفى ولا دي حاجة خارجة عن الموضوع كله
معتقدش إن حد هيقدر يتوقع الحقيقة بس قولوا توقعاتكم عشان البارت الجاي مهم جدااا وعاوزين تفاعل نااااار
