نور الحياه «البارت العاشر» حصريه وجديده

  تحصل عادي كده زي أي حد ........... أنا الدكتور الجلسه اللي فاتت....... قالي أن حالتي بقت أحسن كتير و كان بيتكلم معايا أننا ممكن نقلل الجلسات .........بعدها بصت ل سيف و كملت ب عدم فهم و خذلان :هو أنا ليه بيحصل معايا كده ..........يعني ليه بعد ما اقول خلاص ربنا هيعوضني ..........خلاص مفيش ۏجع تاني .........اللاقي حياتي ف يوم واحد تتقلب ........ف يوم واحد أبويا يروح مني و أتفضح و أنا معملتش حاجه من الأساس  ........... هو أنا ليه بيحصل معايا كده ......

سيف قرب منها و أبتدي يمسح دموعها  بأطرافع صوابعه: نور أنا جنبك و مش هسيبك ..........يعني مټخافيش ......و أنتي مش لوحدك.............أنا عايزك تدخلي تنامي و ترتاحي دلوقتي و صدقيني بكره كل حاجه هتبقي أحسن ......

بعدها سيف أبتدي يطبطب ع ضهرها لغاية لما نور أبتدت تهدي فعلا

سيف : أدخلي أرتاحي و صدقيني كل حاجه هتبقي أحسن بكره .....يلا يا نور

نور بصت ل سيف و نظراتها كانت ماليانه أسأله زي .......هقدر أثق  فيك ........ هتسيبني زيهم .......هتندم بعدين ولا لأ......... و رغم كل  الأفكار دي اللي بتدور في عقلها ألا أنها  أحتفظت ب كل ده ل نفسها و كأنها كانت خاېفه تتكلم عن الأفكار دي  ف تحصلها في الحقيقه  .......عشان كده أكتفت أنها ترد ع سيف ب كلمه واحده : حاضر.........هدخل أنام

سيف بعدها ساب نور في الأوضه قاعده ع السرير بتوهان و طلع هو ع أوضته جابلها لبس من عندو عشان تغير لبسها لأنو كان أتبهدل طول اليوم  و بعد ما أدالها اللبس خرج من الأوضه و سابها و بمجرد ما سيف قفل الباب.......... نور دخلت في نوبة عياط لكن في  دقايق قدرت تهدي من نفسها لأنها كانت خاېفه أن سيف يسمعها........ فوق كده......... سيف شويه وكان هيرجع يشوفها أذا كانت خلصت أو لأ لأنو و هو بيناولها اللبس عرفها أنو طلب أكل من بره و أنو هيندهلها  أول ما الأوردر يوصل ..........المهم أن نور قدرت تسيطر ع نفسها و قامت فعلا غيرت لبسها وبعد ما خلصت خرجت من الأوضه ب لبس سيف اللي كان عباره عن تيشرت بنص و بنطلون بيجامه قطني .......هي صحيح نور كان جسمها عايم في اللبس لكن هو ده اللي كان متاح ...........

نور لما خرجت من الأوضه ...كان سيف ظبط الأكل و حط  الأطباق ع السفره  

سيف أول ما شاف نور  : معلش يا نور اللبس مش مقاسك بس بكره هنزل أجبلك شوية حجات ينفعوا معاكي........بعدها شد كرسي السفره وقالها : تعالي هنا عشان تاكلي

نور : أنا مش جعانه

سيف حاول يقنع نور كتير أنها تقعد و تأكل معاه بس هي مقبلتش تأكل أبداا غير لما لقيت سيف هو كمان بيسيب الأكل و بيقوم رغم أنو كان مأكلش أي حاجه من الصبح  ........ عشان كده قعدت معاه و أكلت حجات بسيطه أوي بعدها سابته و قامت قعدت ع الكنبه جنب السفره لغاية لما وقعت في النوم من التعب...........

سيف لما شافها نايمه خاف يشيلها و ينقلها الأوضه لأحسن تصحي كمان خاف أنها تفهمه غلط خصوصا أنهم لسه مفيش بنهم أي حاجه رسميه عشان كده فردلها بس جسمها ع الكنبه و جبلها مخده حطها تحت رأسها و غطاها ب بطنيه بعدها ميل ع رجليه للغاية لما بقي ف مستواها

سيف بهمس و هو بېلمس شعرها : يومك كان طويل أنا عارف ............ بس صدقيني كل اللي وصلوكي للحاله دي أنا هدفعهم تمن اللي عملوه و هيبقي غالي أوي.......يتبع