الحلقة الخامسة رباب : قوليلي بقي يا حبيبة أمك جبتي ال ٨ الاف جنية منين ؟
كنا حاجة ودلوقتي حاجة تانية خالص .
علاء ليه بتقولي كده قصدك علشان كبرنا شوية يعني !!
رباب مش بس كبرنا احنا كبرنا واتجوزنا وعيالنا كبروا ودلوقتي عايزين يتجوزوا .
علاء لكن ده ميمنعش اني اول ما شوفتك رجعت مشاعري كل السنين دي وكأننا لسه كنا مع بعض البارح .
رباب وانا كمان مش هنكر اني اول ما شوفتك كل ذكرياتنا عدت قدام عينيا كأنها كانت من يومين بس مش من ٢٥ سنة .
رباب قلبي دلوقتي لازم ياخد اجازة .
علاء ليه
رباب قلبي مش ملكلي دلوقتي يا علاء .
علاء ليه انتي جوزك ماټ وبقيتي ارملة !!! يعني مفيش حد يشغله .
رباب بناتي يا علاء بناتي كبروا وبقوا عرايس عايز قلبي يتحرك ازاي !!!
علاء زي ما قلبي اتحرك بالظبط .
رباب قلبك دلوقتي ملك مراتك .
علاء قلبي طول عمره ملكك انتي .
علاء يعني انتي نسيتيني خلاص يا رباب
رباب صمتت ولم تنطق بكلمة
علاء خلي قلبك اللي يتكلم وردي علي سؤالي نسيتيني خلاص يا رباب
رباب عمري ما نسيتك ابدا ولا نسيت اي ذكري لينا مع بعض .
رباب ملوش لزوم الكلام ده مراتك اولي بالكلام ده مني .
علاء مراتي عمرها ما دخلت قلبي .
رباب وعيشت معاها السنين دي كلها ازاي
علاء كنت عايش معها علشان نربي الاولاد مش اكتر وفي نفس الوقت انتي كنتي بعيد وزوجة لرجل تاني !! لكن عمرك ما خرجتي من قلبي ولا حد تاني اخد مكانك في قلبي .
علاء ده مش انا ده القدر هو اللي جمعنا تاني .
رباب ممكن يكون القدر جمعنا علشان نشوف بعض نطمن علي بعض لكن احاسسنا ومشاعرنا مش لها مكان دلوقتي .
علاء لكن انا مشاعري رجعت زي زمان واكتر .
رباب مش هخبي عليك وانا كمان مشاعري اتحركت لما شوفتك تاني لكن خلاص لازم نكتمها لأنها ملهاش مكان دلوقتي .
رباب علاء انا لسه فاهماك زي زمان وبفهم كلامك علطول قولي انت عايز مني اي دلوقتي بعد كل السنين دي
علاء باختصار عايز نعوض اللي ضاع مننا زمان انا لسه بحبك لحد دلوقتي يمكن اكتر من زمان .
رباب وهنعوضه ازاي
علاء تتجوزيني
فلاش باك علي ايناس في غرفتها ليلا تتحدث مع لؤي
لؤي يلا افتحي مكالمة فيديو
