وخنع القلب المتكبر لعمياء الفصل الاول بقلم ساره نيل حصريه وجديده

الرحمن ثم حسم أمره وهو يرى يعقوب الذي ينظر له بترقب..
قال بجدية
حاولي تخرجي آنسة رفقة من المطعم أستاذ يعقوب قال اطردوها..
شهقت آلاء پصدمة لتتسائل بعجب
إزاي .. طب وليه .. إنت عارف ظروفها وهي أبدا ما بتعمل مشاكل..
زفر عبد الرحمن بضيق وهو لا يعلم ماذا يجيب فقال باستسلام
مش عارف والله .. هو قالي كدا ومعطنيش فرصة أفهمه ولا أعرف منه حصل أيه..
قالت آلاء بتوتر
طب أنا أقولها أيه دلوقتي .. مش عايزه أجرحها.
فكر عبد الرحمن قليلا ثم قال
بصي قوليلها حصل ظرف وإحنا بنفضي المطعم اتصرفي يا آلاء..
حركت رأسها وهي تتجه نحو طاولة رفقة المبتسمة حتى وقفت أمامها..
شعرت بها لترفع رأسها تقول بحماس
أيه يا لولا الكريب اتأخر ليه كدا مش عوايدكم..
تنحنحت آلاء ثم قالت بصوت حزين
للأسف يا رفقة حصلت مشكلة وإحنا مضطرين نفضي المطعم ودي أوامر صاحب المطعم أستاذ يعقوب..
كان يعقوب يراقب ردة فعلها عندما اقتربت منها العاملة لتنصرف أنظارها عنه حيث الفتاة همس باحتقار وغرور
أشكال واقعة..
أما عند رفقة تربد وجهها بالحزن وتسائلت بقلق
خير في حاجة حصلت .. أنا ملحقتش أقعد إنت عارفة إن متعلقة بالمكان قد أيه وبحسه بيجدد نشاطي..
نظرت لها آلاء بشفقة ثم قالت
خير يا رفقة متقلقيش بصراحة هي دي أوامر أستاذ يعقوب ولازم ننفذها..
حركت رفقة رأسها بإيجاب وهي تبتسم بينما تستقيم بخيبة أمل وهي تقول
يلا تتعوض إن شاء الله يا لولا أهم حاجة مفيش أي حاجة وحشة تصيب المكان الجميل ده.
في هذا الأثناء رمق يعقوب خيبة الأمل التي ارتسمت على ملامحها باحتقار ليهمس بازداء
حقيقي وساخة وقلة أدب .. إنسانة مهزأة ومصطنعة .. قال ولابسه حجاب وفضفاض..
الټفت للجهة الأول وهو يراها تستقيم..
بينما أخذت آلاء بيد رفقة التي سحبت العصا الخاصة بالمكفوفين تفردها لتساعدها في السير..
تركتها آلاء خارج المطعم لتتسائل
هتروحي إزاي يا رفقة..
ابتسمت لها رفقة ببراءة وقالت
إنت عارفة تاكسي عم أشرف بيجيلي في ميعاد كل يوم بس طالما خرجت بدري عن الميعاد هقعد هنا أستناه لغاية ما يجي أنا لا عارفة رقمه ولا معايا الموبايل وأنا مش هأمن أروح مع أي حد ومش هعرف أروح لواحدي.. بس ساعديني أقعد في أي مكان على جمب لغاية ما هو يجي..
سحبتها آلاء برفق نحو أحد الدكاك المتواجدة بالقرب من المطعم ثم أجلستها بلطف وقالت وهي ترمقها بشفقة
خليك مكانك أوعي تتحركي كان بودي أقعد معاك بس لازم أرجع المطعم علشان الشغل..
هتفت رفقة بطيبة وهي تربت على يدها بلطف
على شغلك يلا يا جميلة ولا يهمك خالص ومتقلقيش عليا .. ربنا يعينك يارب ويفرح قلبك الطيب يا لولا..
ابتسمت لها آلاء بحزن ثم قالت وهي تبتعد
خدي بالك من نفسك يا روفا..
رحلت لتترك