وخنع القلب المتكبر لعمياء الفصل العشرين بقلم ساره نيل حصريه وجديده

من بينهم لكنه توقف باستياء ثم هدر بصوت قوي محتد خشن
أظن دا شيء شخصي وحياتي متخصكوش بس علشان أريحكم أيوا كتبت كتابي على إللي اخترها قلبي وعقلي .. وبعد فترة هيبقى زفاف يليق بيها..
أما بالنسبة لصورتها فأنا مراتي مش بنزلها صور على مواقع التواصل لأن مقبلش بحاجة زي دي ولا هي تقبل ولأني مش ډيوث وبغير على مراتي وأكيد تشوفها أو لأ دي حاجة مش هتفيدكم ...ويلا كلكم اتفضلوا..
وانسل من بينهم للداخل وصعد مباشرة تجاه غرفة جدته متجاهلا نداء شقيقه يامن...
لكنه توقف بتعجب وهو يرى خروج الطبيبة من غرفة جدته بصحبة المساعدة الشخصية لجدته..
سألها بوجه جامد
في أيه..
أجابته باحترام
يعقوب باشا ...لبيبة هانم ضغطها وطى شوية وأغمى عليها ...بس مفيش أي قلق يا باشا هي بقت بخير..
دلف يعقوب للداخل ليجد جدته تتمدد مستنده على ظهر الفراش ويبدو على ملامحها الجامدة التعب والإرهاق..
اقترب حتى وقف على مقربة منها فشعرت بأحد فوق رأسها لتلتفت فوجدته لتهمس بلين وهي تمد إليه ذراعها فمهما حدث يبقى العالم أجمع بجهة ويعقوب بمفرده على جهة خاصة جدا حتى وإن كان تعبيرها بالحب خاطئ..
اقترب يعقوب وهو يتذكر كلمات رفقة ونصائحها وجلس بجانبها على طرف الفراش رفعت كفها المجعد تضعه على يده ذات العروق المنتفخة وهمست بإجهاد
يعقوب ... ابني وحفيدي ... وسندي وضهري وشرفي وعزي وكبريائي..
دمدم بإرهاق وهو يتذكرها عندما كان يمرض ماذا كانت تفعل
مش كفاية كدا يا لبيبة هانم ...كفايانا كدا...
سعلت بخفة وقالت بجمود رغم وهنها
إنت عارف إن مينفعش يا يعقوب باشا..
زفر بإحباط وانتصب واقفا وقال ببرود
عموما أنا مش جاي علشان أتكلم في الموضوع ده...
استدار ووقف يعقوب أمامها بشموخ ثم أردف بجمود بما جعل لبيبة تتصنم
أنا مستعد أبيع فرعين من مطعمي لك بالسعر إللي تحدديه .. وهحتفظ بالفرع التالت..
أخيرا خرج صوتها المصډوم
يآآآه .. في حاجة أهم من حلمك إللي ضحيت علشانه بكل حاجة وحاربتني لأجله غريبة تتنازل عنه بالسهولة دي.!!
بس بغض النظر عن كل حاجة أنا موافقة...
همس يعقوب وهو يخرج بإصرار
في الأهم ... نور عيون رفقة..
بعد أن فاقت من صډمتها رفعت هاتفها وقالت بحزم وصرامة شديدة
بكرا تنفذ إللي اتفقنا عليه وتاني حاجة يعقوب واضح إن محتاج مبلغ كبير تعرفلي هو عايزه في أيه...
 وقفت أمام الضابط تصرخ وهي تلطم وجهها وصاحت برجاء
طب أخر طلب ... أنا عايزه رفقة تجيلي...ممكن أشوفها واتكلم معاها قولها إن أنا عيزاها ضروري..
أشار براء للعسكري بنفور
خدها يا ابني الحبس .. إنت بكرا هتتعرضي على النيابة يا ست إنت وابقي قولي إللي إنت عيزاه...
جذبها العسكري من الأصفاد وصړاخها المعترض يملأ أركان المكان ... تشعر وكأن مس من جنون أصابها...
 في وسط الظلام كانا يجلسان أسفل الشجرة أعينهما سابحة في شرود بعيد جدا وكأنهم ليسوا بالواقع .. وهم بالفعل ليسوا بالواقع..
التيهة مرتسمة على وجههم وأيامهم عنوانها المجهول كما كانت منذ عشر سنوات إلى الآن..
ما يدل أنهم مازالوا على قيد الحياة أنفاسهم المنتظمة وأعينهم التي ترجف بين الحين والآخر..
بالداخل أمام أحد النوافذ قالت إحدى العاملات لصديقتها
روحي يا بنتي جبيهم من البرد علشان يناموا دول لو فضلوا الليل كله كدا مش هيتحركوا 
قالت صديقتها باشفاق
الله يكون في عونهم شوفي بقالهم كام سنة على نفس الحال من وقت ما وصلوا دار الرعاية لا فاكرين هما مين ولا ظهر لهم حد .. يا ترى
 أيه إللي حصلهم وصلهم لكدا..!!
سؤال بنسأله من عشر سنين وحالتهم لسه زي ما هيا مش بتتحسن..
أيدتها الأخرى بعطف
لولا السلسلة إللي في رقبة الست مكوناش حتى عرفنا اسماءهم..
يحيى ونرجس..
بقلم سارة نيل
صلوا على سيدنا محمد عليه أفضل الصلاة و السلام 
لو لسه مشوفتش الاجزاء الاول من الرواية موجود علي البيدج بتاعتي من الاول. ولومنتظر الرواية فهتنزل كل يوم جزء علي صفحتي متنسوش تعملوا لايك و دعمكم في الكومنتات وفولوا للبيدج