وخنع القلب المتكبر لعمياء الفصل الخامس و العشرين و السادس والعشرين بقلم ساره نيل حصريه وجديده

لم يكن منها بالأساس..
 عم المكان الضجة والهرج ووقفت شفاء عاجزة مصډومة بعدما ولجت للطمئنان على الجميع لتتفاجئ باختفاء الثنائي يحيى ونرجس..
قالت بقلق وهي تسأل أحد العاملات
أخر مرة شوفتيهم كانوا إزاي وكانوا فين..
قالت السيدة باضطراب
إنت عارفة يا آنسة شفاء إنهم من اليوم إللي كان هنا يعقوب باشا وهما مش طبيعيين خالص وبالأخص نرجس..
بټعيط كتير وهو بيهدي فيها ومره عيط معاها وطبعا مش بيتكلموا معانا..
أخر مرة شوفتهم كانوا قاعدين تحت الشجرة دي وكانوا هاديين خالص عكس الحالة إللي شوفتهم عليها الصبح..
ولما جه وقت العشا دورت عليهم كتير بس لقيتهم اختفوا وقلبنا المكان مفيش لهم أي أثر..
أخرجت شفاء هاتفها وجعلت تتصل على يعقوب تطلب منه العون عله يجد تفسير لما يحدث..
وبعد العديد من محاولة الوصول إليه استسلمت وزفرت بإحباط وقد وقف عقلها عن العمل لإيجاد تفسير لحالة نرجس ويحيى والتي انتهت بهروبهم..
فهذه ليست المرة الأولى التي يرون بها يعقوب ولم يحدث شيء مختلف هذا اليوم.
حتى رفقة التي أتت بصحبة يعقوب هم لم يروها وقد تبدلت حالتهم الصامتة فور خروجه..
أخرجتها أحد العاملات متسائلة بقلق
هنعمل أيه يا آنسة شفاء..
قالت دون تردد
هنبلغ الشرطة أكيد..
 قال يحيى بتيهة بينما يساعدها في السير
إنت ليه متأكده كدا يا نرجس إن بنتنا رفقة عايشه مش علشان يعقوب قال اسم رفقة يومها تبقى بنتنا..
رددت بعزم أكيد وقد غمر الأمل قلبها
أنا واثقة إنها عايشة يا يحيى اسمها في اليوم ده كانت إشارة من ربنا ليا..
صدقني دا مكانش عشوائي كدا دا لطف رب العالمين ... دا جزاء صبري يا يحيى..
صدقني رفقة عايشة .. قلبي بيقولي كدا كل إللي قالوه يومها كان كڈب..
غمر النور قلب يحيى لكنه قال باعتراض
مش كنا استنينا يعقوب وسألناه عن رفقة إللي كان پيصرخ باسمها ... أو سألنا المشرفة أو إللي شغالين في الدار عن مواصفات رفقة إللي كانت معاه ... أصل إحنا دلوقتي هنروح على فين يا نرجس..
رددت هي بتفكير
كنت هننتظر قد أيه على ما يرجع تاني مش هطيق أنتظر شهر..
غير إن هي تقريبا مدخلتش الدار لأن لما اتلفت أدور لقيته خارج برا يعني كدا هي مكانتش موجوده جوا علشان حد يعرفها..
هنحارب علشان رفقة حتى لو في شعلة واحدة من الأمل .. يخفى تعبي في داهية بس عيني تشوف بنتي وأطمن إنها كويسة..
أحسن طريقة إن نروح بيت عاطف أخويا هناك هنفهم كل حاجة..
 جحظت أعينه وكرر پصدمة وعدم تصديق لما يسمع
لبيبة هانم .. إنت بتقولي أيه..!!
إللي بتقوليه ده مستحيل وخطړ جدا..
مستحيل أعمل كدا..
استرخت بمقعدها ثم غمغمت بهدوء ماكر
هتعمل كدا علشان عندك حاجات كتيره تخاف عليها..
وبعدين إللي بقوله بيتنفذ بالحرف الواحد من غير نقاش..
دي حاجة بسيطة وهتتنفذ بحذر يا دكتور صلاح ولما أشرحلك إللي هتعمله بالضبط هتوافق عالطول.
بقلم سار ة نيل 
صلوا على سيدنا محمد عليه أفضل الصلاة و السلام
لو لسه مشوفتش الاجزاء الاول من الرواية موجود علي البيدج بتاعتي من الاول. ولومنتظر الرواية فهتنزل كل يوم جزء علي صفحتي متنسوش تعملوا لايك و دعمكم في الكومنتات وفولوا للبيدج