وخنع القلب المتكبر لعمياءالفصل الثامن و العشرون بقلم ساره نيل حصريه وجديده

قطره وعلاج هتستمر عليه..
وهيبقى فيه واقي للعين علشان يحميها من أي كدمة أو دخول حاجة غريبة...
طبعا ممنوع دخول المايه لعنيها يدوب قماشة أو قطن مبلول مايه وتمشي بيه على وشها..
ولو خرجت في النهار هتلبس نضارة شمس علشان تحمي العين من أشعة الشمس المباشرة..
هي هتحس بصداع ودا طبيعي بعد العملية..
على الرغم من إن عمليتها بسيطة لكنها دقيقة وأهم من العملية الحفاظ عليها بعد الخروج من العمليات...
طبعا تبعد عن الضوء المباشر زي التلفزيون والموبايل..
التعليمات دي هسلمهالك مكتوبة ولازم يتم الحفاظ عليها..
حركت نهال رأسها بإيجاب وهي تحفظ كل كلمة قالها الطبيب...
بينما رفقة فقد أخذت تستعيد وعيها بشكل كامل لتهمس بتعب وهي تشعر بصداع حاد ودوار يطوف برأسها
يعقوب ... أوب..
ركضت نهال وآلاء باتجاهها لتقول نهال بلهفة
رفقة .. إنت كويسة..
قالت رفقة بصوت متحشرج وهي تتعجب لعدم سماعها لصوت يعقوب من بينهم
أنا كويسة الحمد لله يا .. نهال..
اقترب الطبيب وتسائل
مدام رفقة إنت حاسه بأيه..
أردفت بانزعاج وهي تتململ لتعتدل
أنا عايزه أتعدل...
اسندها آلاء ونهال برفق لتقول ألاء
على مهلك علشان مش تدوخي يا رفقة..
رددت رفقة پألم وهي تمسك رأسها
راسي بتوجعني أووي .. عندي صداع فظيع..
 متقلقيش دا طبيعي .. ودي حقنة مسكنة هتسكن الصداع .. واستحملي الصداع كام يوم معلش..
وأكمل وهو يضع يده على الضماد المطوق لعينيها ورأسها
دلوقتي تدريجي هنشيل الشاش وتقوليلي حاسه بأيه والرؤية أخبارها أيه..
عادت رفقة للخلف مسرعة كمن لدغها عقرب وقالت برفض شديد وقلبها يطرق پجنون
فين يعقوب .. أنا مش سامعه صوته وأنا مش هشيل الشاش ألا ما يعقوب يكون موجود..
وأخذت تصيح باسمه
يعقوب ... يعقوب .. إنت فين ... إحنا متفقين إن هو أول حد هتشوفه عيني. .
هو فين يا نهال .. آلاء هو بيجيب علاج أو حاجة..
إزدادت حدة التوتر في الغرفة وقد عجزوا عن الإجابة وانتشر الصمت بالغرفة...
وجمت ملامح رفقة وازداد توترها وقد شحب وجهها لتهتف پجنون وهي تتحرك للوقوف فيسرع الجميع بإمساكها
محدش فيكم بيرد ليه ... يعقوب فين ... هو حصله حاجة..
وجعلت تنادي بصوت أصبح على مشارف البكاء
يعقوب ... يعقوب إنت فين .. إنت موجود وبتعمل فيا مقلب ولا أيه..
قال الطبيب بتحذير
مدام رفقة لو سمحتي اهدي إللي بتعمليه ده غلط عليك وبلاش دموع أرجوك..
لازم نشيل الشاش علشان أطمن على عينك..
ثارت بشدة وصړخت بقلب مضطرب
أنا مش هشيله ألا في وجود يعقوب..
محدش فيكم راضي يقولي هو فين ليه..
تشجعت نهال وجلست بجانبها وهي تراها على مشارف الإنهيار
بصراحة يا رفقة يعقوب اختفي مرة واحدة من بعد نص ساعة من دخولك العمليات ومحدش يعرف هو فين...
سقط قلب رفقة وشحب وجهها شحوب الأموات وتمزق قلبها ۏجعا من سماع هذه الكلمات جمعت كلماتها بصعوبة وأخذت تقول بتقطع وعدم فهم
مش فاهمة .. قصدك أيه ...يعني حصله .. حاجة .. يعقوب..
لاحظت آلاء ما فوق وحدة الأدراج لتمد يدها متسائلة بفضول
أيه ده..!!
اتجهت أنظار نهال نحوها وأسماع رفقة التي قالت بلهفة
في أيه ... يعقوب جه..
رددت آلاء وهي تفتح الورقة
لأ دي ورقة كانت محطوطة جمبك وباقة كبيرة ورد أحمر وباقة من زهور الاقحوان ... ومفتاح..
أسرعت نهال تقول
طب أيه مكتوب في الورقة...!
أخذت آلاء تقرأ بصوت مرتفع ما جعل المۏت يجثم على قلب رفقة
رفقة .... حبيبتي الأبدية ... يا من أعادت الحياة لقلب يعقوب البائس..
لغاية هنا وصلتك لبر الأمان تقدري