رواية چرح المشاعر البارت التاني بقلم أمال جوري حصريه وجديده

رواية چرح المشاعر البارت التاني بقلم أمال جوري حصريه وجديده 
بعد ماصرا هاذاك الموقف وقتلو قابلة بكل تحدي بابا ناض من بلاصتو حاكم روحو بالسيف وزيد ميقدرش يحكي بزاف دارلي بصباعو پغضب حاد برا ومروان بقا غير يشوف فيا وليت خرجت وخليتهم لداخل ، لقيت ماما حكمتني تڨطف فيا وتقرص ومخلاتليش بالسب قاټلي انا قټلك روحي شوفي وش صاري واخرجي مشي روحي اتزوجيلي وقابلة بلا راينا رانا خضرة فوق الطعام هنا كلاتني عند باب الصالو تهدر وتاكل في حناكها وتقولي وييين تتزوجي بيه وين تتزوجي بالسيد وين وهو عندو طفلة ومرتو عندها عام ملي ماټت وييين تتزوجي بيه _ ماما هو لي دوموندا مني باه ينساو ويتغاضاو على الدراهم علابالك كانو راح يخرجوكم مالدار حطت يدها على فمها كيفاه هاذي نخرجو مالدار _ ماما مشي سمعتي كلش _ انا مسمعت والو لحقت غير مع اللخر وسمعتك تقوليلو ايه قابلة باه فهمت بلي الزواج قلت انا الطفلة بعثتها تشوف وش صرا وهي راحت تقبلي فعروض الزواج واااااااش رانا فلاميريك وانا معلاباليش  ذشماثة (شاماتة) هي مازالها تعرش وتسب فيا وهو خرج مروان شاف فيا قالي مالا قابلة حركت راسي بايه طبعتني ماما قريب طحت ودارتلي بعينيها ادخلي لللشومبرة دخلت وخليتها معاه حتى جات دخلت عندي فايرة قاټلي وش حكاية قابلة ماقابلة_ يا ماما السي الشابين راهم يقولو لبابا لوكان مترجعلناش دراهمنا تخرج مالدار وعلابالك بلي الدار راهي على اسمهم وزيد الارض وتطيرلنا و هاذاك مروان عرض عليا الزواج ميحشمش قالي تتزوجي بيا وتكوني ام لبنتي وانا شرطت الدار تولي على اسم بابا والارض كيفكيف و الدراهم لي تسلفناهم عليهم قتلو يحسبهم شرطي كيفاه حبيتيني نشوف في بابا مريض ويتهان ومهبط راسو ميقدرش يتحرك مسلم روحو للواقع وهاذوك الكلاب الدراهم يفوحو منهم ونسكت تعرفيني حارة وعمري لا نسكت راني بنتك وتسع شهر حاكمتني وغير نباتو برا ويبقاو يحكمو فينا بسبة دراهمهم ونتهانو من تحت راسهم هاذي رانيا متقبلهاش سمعتي وزيد السامط هاذا تاع مروان هااذووك اليامات كاااااااامل مايجيش وليوم نفحتلو يجي هاذي لي مزال ملقيتلهاش حسابها بصح نحكمها نشاله ، حكمت راسها بين يديها وقعدت بقات تتنفس رحت جبتلها الما سمعتهم مزالهم يحكو مع بابا وليت عند ماما مديتلها شربت الما شافت فيا وقاټلي يا بنتي وزعمة راكي صحيحة فقراراك وباباك مستحيل يسمح بهاذا الزواج هكا راه يولي زواج مصلحة والزواج مشي لعب يا بنتي صح مادام قالو هكا باه نعيشو مرتاحين وكلش يرجع لينا الزواج هو الحل الوحيد بصح نتي راكي بنتي ومنخليكش تضحي على جالي حتى انا ومنقبلكش الزواج هاذا بصح الحاجة لي حيرتني مروان هاذا كيفاه حاب يتزوج عيات يماه تحاول فيه تجيبلو كاش وحدة تتكفل ببنتو مي هو قاللها بنتي