رواية چرح المشاعر البارت الخامس بقلم أمال جوري حصريه وجديده

رواية چرح المشاعر البارت الخامس بقلم أمال جوري حصريه وجديده 
خرجت لقيتها موجدتلي حكمتهم عليها قالي بابا كي تروحي سالي عليه وقوليلو باباك مسامحك لوكان غير تخرجلي ونلقاك في كتافي دمعو عينيا شحال غاضني حركت راسي وخرجت لقيت الجارات كامل متلايمين ويقصرو قاټلي جارتي بالقبايلية باسكو معاهم نحكي غير بالقبايلي ،واااش رنوش راكي حطة ليوما _ ضحكت ايه رايحة لخويا _ رجعتلي الضحكة وقاټلي روحي بنتي طريق السلامة بالاكي على روحك برك تبسمت وكملت نمشي خرجت مالدشرة ودخلت فالطريق وين الطونوبيلات يمشيو ، انا نمشي وهوما يرمو فالكلام ويكملو يمشو شحال نكره الصوالح هاذو بالاك انا الوحيدة فالعالم لي مناكسيبتيش الشي هاذا وخاطيني الحب ومشتقاته ، طلعت راسي شفت واحد يشبه لمروان جاي يمشي مالبعيد باسكو كنت نمشي فالطروطوار وجاي طريق طوييييل طول بقيت نركز والله هو لاطاي تاعو والستيل تاعو و المشية تاعو هو لي يتكسل ويعرض تقول حاكم الدنيا حبيت نبدل الطريق بصح مكاش كيفاه كامل كانو الطونوبيلات وغير هاذيك الطريق لي نمشو عليها بالرجلين هبطت راسي ونمشي بصح مفهمتش علاه جا من هاذي الطريق وزعمة جاي يمشي معندوش طونوبيل ولا؟منبعد قلت بالاك سطاسيونا طومو تاعو لفوق باسكو من هاذي الطريق الطونوبيلات يروحو برك ميجوش ،،، بقيت مهبطة راسي ونمشي منيش حابة يشوفني حتى سمعت التصفار طلعت راسي لقيتو هو يتكسل عليا كي لاستيك و هاذوك اليدين مالجيب ميتنحاوش حتى كي يكون قاعد ويدخلهم في جيوبو طاحت عيني في عينو وهو مزالو يصفر عاودت هبطت راسي سمعتو قال عينين الموكحلة والحڨرة والرجلة جيت نجوز عليه لقيتو حاكمني من يدي قالي واااو تلاقينا بالقبايلية نفرت يدي منو وجيت ماشية عاود رجعني عندو وجابني مقابلاتو شحال نكره الحركة هاذي دارهالي فالسبيطار وزاد عاودها ضكا قتلو واش تحوس ضكا نتا؟ مشي تكرهني وعايرتني وتعاف ريحتي واش تحوس عندي ضكا اطلق يدي وبعدني _ ضحك قالي شحال تعجبيني كي تنوضي تهدري بالعربية وتكاسي فيها وتدخلي فيها النغمة القبائلية هدرتك تضحك جيت نروح عرضلي قالي باباك راه فالدار؟ وديجا وين راكي رايحة انا في داري الشمس متشوفيهاش _ ايه كي نولي في دارك ثما لي لا حبيت اللومپة منشوفهاش خليني برك _ لسانك طويل نتيا شاربة سم اللفعة اهدري وين رايحة _ يا عبد ربي نتا وش دخلك واش د خ لك تعرفني خويا؟ راجلي؟ بابا؟_ راجلك ايه ونتي لي قبلتي سما راني راجلك _ لالا مزال موليتش راجلي وبابا مراهش قابل فهمت وداركم بخرو بيها نخدم نهار بديپلومي نشريكم كامل ناض يضحك وقالي واقسم بالله جامي شفت مريضة كيما نتي غسلتي الماعن ولا مزال؟ _ مفهمتش كل ما نهدر حاجة تقولي على الماعن بالاك نتا لي مضاري تغسلهم مع يماك _ ايه وينو المشكل يما ونغسل معاها الماعن حتى مرتي المستقبلية ونغسل معاها الماعن _ ايه نشاله وجيت رايحة عاود رجعني