رواية چرح المشاعر البارت الخامس بقلم أمال جوري حصريه وجديده

 عندو كي يحكمني من ذراعي هاذاك تقول يهزني منو ويحطني مقابلة وجهو انا مدايرة قد رجلو وزيد يعجبني وجهو والموسطاش هاذاك لي فوق فمو جايو يهبل نفرت يدي منو وعيطت عليه اووووه نتا ضكا عندي شهر ولا كثر ملي عرفتك برك وليت تمس فيا من ذراعي نحي يداااااك وبعد خي سااامط يخي _ اقسم بالله العلي العظيم غير انا لي نربيك ونقصلك لسانك ونريڨليك كي الساعة سواسوا سواسوا نوريلك مروان وش يسوا قتلو أخطيني مانهدرش معاك ياك نتا لي جيت تخالط فيا خليني نروح ضكا ضك يفوت الوقت وميخلونش نشوف خويا فالحبستكملة جزء 5
_ اااااااه هاذا الشي رايحة لخوك علاه متغطيش شعرك ونتي معرياتو وهو رايح ادروات اڨوش _ ونتا واش دخلك قالي انا خممت عليك كاش ڨملة تخرج وتتبهدلي قتلو بعيييد الشړ بالاك نتا لي مڨمل انا كل يوم ندوش لا نتا والفت تدوش كل سمانة شاف فيا من فوق للتحت قالي دوشي وعض شاربو عوجت فمي وقتلو "امسوذ ربي سعذيم"  (ربي يسود سعدك) ودرت نمشي سمعتو قالي روحي راكي سلكتيلها كي جيت منفهمش هدرتكم وهاذي الدوزيام تاعك اصبريلي نلقا واحد يفهم القبايلية ويطرجملي الخالوطة لي تحكي فيها ونلقاك تسبي فيا ونتفاهم معاك درتلو بيدي ياودي روح سمعتو قالي بالعقل الزنزلة شعلت في جسمك حليت فمي يا هاذا صح ميحشمش وليت نجري حتى وصلت للطاكسيات ديت وحدة ورحت وصلني للحبس خلصتو ودخلت مزية مزال وقت الزيارة دخلت عند خويا سلمت عليه وشړاك حكيم _ لاباس رانيا ونتي كيفاه راكي العجوز الحاج لاباس فالدار _ والله لاباس يا خويا اسكت برك صرا وحد المشكل _ غير الخير قتلو ياودي هاذوك الشاماتة زادو جاو وراهم يقولو لازم تخرجو مالدار وحكيتلو الحكاية هبط راسو سمعتو قالي والله لا راني ندمان متتخيليش شحال ندمت عليها هاذي راني ندعي في ربي باه نخرج منا ونبدا حياة جديدة لا كتب ربي سبحانو للوالدين يعيشو عمر طويل نديهم عمرة ولا قدرت نديهم يحجو ونرجعلهم الدراهم بالدوبل راني متمني يا رانيا لي قالك الحبس يربي مغلطش حكمت يدو وقتلو معليش مبقالكش بزاف وتخرج ونشاله تلقنا كامل حيين وتصلح الغلطة تاعك حتى بابا وماما راهم يسالو عليك وراهم يدعولك باه تخرج تبسم وقالي كانت عندي نعمة الوالدين وانا عصيتهم وراني نخلص نفسيا يا ختي _ حكيم خويا العيب مشي كي تغلط رانا كامل بني أدم وماراناش معصومين عن الغلط علابالك العيب وينو ا؟ العيب كي تعرف الغلط تاعك وتكمل تمشي فيه ومتصححوش بتاسم وقالي معليش نشاله تكون كاين فرصة اخرى ونخرج بربي ونصحح واش درت ونتي شوفي اسمعي لراي بابا ويما راهم كبار ويعرفولك صلاحك وانا هاذا مروان شايفو خطړة ولا زوج منعرفوش وجامي جا بصح خلي بابا يسقسي عليه مليح باه يقرر لا يمدك ليه ولا لالا وراه يبان انسان تاع خير مادام دار هكا باه جدو ميكملش يظلم بابا هكا ختي؟ حركت راسي برك زدت معاه شويا مديتلو الماكلة والحوايج كي خلاص الوقت رحت وليت للدار .....يتبع