رواية چرح المشاعر الفصل السادس بقلم أمال جوري حصريه وجديده

نتوما وقتاه تجو..... مور السينياتور ..... أيا داكور وليدي داكور صحا صح صح ص. صحا ص صحا هاذيك صحا ماجا يقولها بالسيف هاذا هو الشعب الجزائري والاب الجزائري قاټلو ماما واش قالك _ السمانة الجاية نروحو انا ونتي باه نسنيي على الورق وكل شي يولي باسمي ماما فرحت ولات غير تحمد في ربي _ بابا وانا منروحش واقيلة _ نتي علاه تروحي اقعدي فالدار نروح انا ومك ونولو _ ا بابا والله غير نروح كيفاه هاذي بسبتي لي صرا هاذا الشي منبعد تقولي متروحش قاټلي ماما يخلاص روحي برك تروحي معانا نعرفك هدارة وثرثارة بزاف متسكتيش ضحكت ورحت نكمل نطبق فالحوايج ونخمم وضك هاذا مروان انا كيفاه نتعامل معاه كيفاه راح نكون مرتو ونمدلو حقوقو كيفاه نربيلو بنتو تلفتلي كل حاجة تلفتلي معرفتش ساسي من راسي كي كملت ضړبت مسحة خفيفة بالنشاف للديار ورحت دوشت كانت السخانة وخرجت للكوزينة لقيت ماما تطيب عاونتها شويا حطينا الطابلة تعشينا غسلت الماعن ورحت لشومبرتي ... جازت سمانة نستناو غير فيها وقتاه تخلاص باه نروحو نوقعو على الاوراق حتى وصل هاذاك النهار جات ماما نوضتني قاټلي البسي باه نروحو ازربي نضت غسلت وجهي ووليت لشومبرتي شعري درتلو زوج ضفيرات رقاق مالقدام ولوخر طلقتو لبست روبتي كي العادة والعوايد جاية موف فولار تقول راني فالعرس بصح والفت نلبسهم علابيها لبست صندالتي وخرجت لقيت ماما لابسة حجابها هي دايرة حجاب ومعندهاش بزاف ملي داراتو بابا معندوش مشكل مع الخمار قالنا بابا واجدين قتلو ايه وخرجنا كرا طونوبيل وديمارينا طريق كومبلي هوما يقصرو وانا نسمعلهم وسوايع ندخل روحي حتى يعيطو عليا كي وصلنا نزلنا قدام وحد دار شابة عيط بابا لمروان قالو رانا وصلنا وكوبا عليه حتى خرج مالبورطاي جا سلم عليهم وانا لاح عليا السلام محبيتش نرجعلو تخنزرت فيا ماما دورت وجهي قالو اتفضل عمي لداخل نضيفوك ونتكلو على ربي قلتلها ماما نبقا فالطونوبيل منجيش معاكم _ مالا علاه جيتي كي متدخليش سكايرية نتيا _ يا
 ماما وعلاه تعيشي قولي لبابا منيش حابة ندخل قوليلو عيطتلو وقاټلو راهي تقولك رانيا حابة نبقا فالطونوبيل شاف فيا علاه تبقاي فالطونوبيل _ يا بابا وعلاه والله ضرستي توجع فيا نخاف عود نبكيلهم لداخل تعرفني نبكي بزاف تخنزر فيا وقالي هاكي نخليلك المفتاح حتى نجي مدهولي قالو مروان علاه متطلعش _ خلينا منها ذراري هاذي يديرو عليها الناس حكمتها الضرسة خلي تقعد فالطونوبيل حرك راسو ودخلو بقيت داخل طومو نشوف بتيليفون حتى دقدق عليا واحد لقيتو وحد شيخ حالتو تشف القلب حليت الكارو قتلو انعم بابا _ يا بنتي الله يجعلها في ميزان حسناتك اعطيني صوارد قيس ما نشري خبزة نوكل ولادي راهم للشړ وبقا يحلل نزلت مالطونوبيل لقيت عندي شويا صرف يشرنن مديتلو دعالي تبسمت معاه وراح
يتبع