رواية چرح المشاعر الفصل 11-12بقلم أمال جوري حصريه وجديده

خير وراحت طلعت نجري سقسيت الفرملية قاټلي راه معاه الطبيب اقعدي هنايا استناي حتى يجي _ شكون الطبيب بصح _ الطبيب قلتلها ومروان _ دكتور مروان راه خرج بصح ضكا يولي حركت راسي وقعدت نستنا غير نتنفس ونبكي خاېفة على بابا وخويا زوج راهم مضرورين راني فري كوراجية كي منيش نسوطي مالبكا حتى سمعت صوت مروان قالي واش راكي ديري هنايا شفت معاه كي شافني نبكي جا قعد قدامي قالي عمي كشما صرالو طرطقت بالبكا قتلو ايه والله قلبو قريب حبس وخويا دار اكسيدو راه في سبيطار وحد اوخر ماما راحت ليه وانا بقيت مع بابا _ وين راه باباك راه هنايا حركت راسي بايه ناض راح يجري طلع فالدروج هاذوك منعرف وين راح بقيت نستنا حتى هبط عندي قالي باباك قلبو راه ضعيف ڨراااف راه مضرور وزدتو فشلتوه بخبر خوك هو قالي هكا وانا درت يديا على وجهي ونبكي مافهمت نبكي على خويا مافهمت نبكي على بابا ويادرا خويا لا راه حي ولا مېت .... يتبعجزء
قعدت على الكرسي هاذاك ونبكي وهو عند راسي يشوف فيا قعد قدامي قالي هيا تشوفي باباك نضت رحت نجري للشومبرة لقيتهم دايرينلو البوبمة في وجهو والسيروم وهو راقد قتلو علاه راه راقد ياك داخ برك _ مزالو مفطنش برك دوك يفطن دورت راسي نشوف في بابا ونبكي ونخمم في خويا تفكرت ماما ضړبت لتيليفوني ملقيتوش حتى الصاك ومجبتوش كامل يا ربي كيفاه نعيط لماما وهي ماعندهاش كامل تيليفون وانا تيليفوني مجبتوش قلت نعيط لصاحب خويا حافضة النيميرو تاعو قلت لمروان معليش تمدلي تيليفونك دارلي براسو لالا درتلو براسي معليش جيت خارجة نقول لكاش فرملية حكمني من ذراعي وجابني مقابلاتو زدت في بكايا قتلو بصوت متقطع وبحاح مالدموع تعيش خليني نروح متزيدش تمسني من ذراعي وجعتني بزاف بقا يشوف فيا اقعدي هنايا متتحركيش كامل ضكا نجي _ علاه منتحركش رايحة نجيب تيليف..... مكملش هدرت حط صباعو على فمي اشششششت رايح نجيبلك تيليفوني راه يتشارجا فالبيرو