رواية چرح المشاعر الفصل 15-16 بقلم أمال جوري حصريه وجديده
عليك ونكرهك ماعلابالكش بيها ضحكت قتلو في قلبي شغل انا نحبك ركبت اللور مع ماما قاټلي اركبي القدام قلتلها خليني حمبوك ثاني سكتت وهو طلع وديمارا طريق كومبلي يشوف فيا من لاطروفيزور قلقني حتى وليت على جيهة يقلق كيفاه يهين فيا أكره انسان عندي هو هاذاك لي يجرحني ويتنمر عليا خاصة المرأ يقولولها مكيش شابة مهيش حاجة ساهلة عليها حتى وصلنا للسبيطار هبطنا وتبعناه حتى لاشومبر تاع بابا دخلنا لقيناه نايض رحت نجري عندو عنقتو ونبوس فيه حتى هو مطلقنيش وكي شافني بالحيجاب عينو دمعت قالي مزية شفتك بيه قبل ماتغمض عيني هو قال هكا وانا دموعي ساحو عنقتو وقتلو بعيد شړ عليك بعيد الشړ حرام عليك تهدر هدرة هكا قدامي ضحك وقالي مشكيتش نطول وراني رايح نسهل بصح مع مروان منخافش عليك شفت مع مروان يبتاسم معاه عنقتو وقتلو متزيدش تقول هدرة كيما هكا انا منسحق لا مروان لا غيرو نحتاجك غير نتا يا بابا نحتاج بابا برك ولخرين الله لا يردهم _ رانيا بنتي واش الهدرة هاذي لالا متحكيش هكا مروان راجلك وضكا ولا هو السند تاعك حمد لله امنت عليك قبل مانسهل وضكا نروح وقلبي مرتاح حتى يماك نشاله خوك يضمها وميخليهاش راني تاكل عليه هو بكيت حظني وقالي خلاص بنتي الزينة نقصر برك منروحش نبقا غير مع بنتي هاذا مكان جات ماما حظنتني قالو مروان عمي لا راك مليح نقدر نطلعك عند حكيم مراهش فالسبيطار هاذا حرك راسو عاوناه في تلاثة مشيناه للطونوبيل ركب وركبنا كامل طريق كومبلي يكح ويتنفس بالقاوي ويقوللنا قلبي يوجع فيا ومنيش نحس بيه يخبط غير يخلع فينا ويخلع في روحو بصح صحتو زيرو حتى وصلنا للسبيطار الحمد لله هاذي المرة لقينا لاسونسار صلحوه دخلنا كامل وانا نخاف معلاباليش علاه بالاك كي اول مرة نطلع فيه كانو بينزوج حاكمين بابا كي حسيتو بدا يطلع حكمت في ماما قريب طاحت قاټلي اطلقيني راح تطيحيني قلتلها لوكان غير طلعت فالدروج حتى حسيت مروان حاكمني وانا داخل حظنو كي حبس باه طلقني خرجنا ورحنا عند خويا سقسا الفرملي قالو راه فطن دخلنا عندو نحاولو الفوصمو هاذيك وكان وجهو كامل مخيط رحنا كامل عندو نحمدولو بالسلامة قالنا راني لاباس سقسيناه كيفاه دارو اكسيدو قالنا واحد كان زارب ودوبلا حتى دخل فيهم بابا ستغفر وقعد بقينا معاه شويا سقسيت الطبيب لي كان ثما قتلو لا يخرج ليوما قالي لالا بنتي غدوة نشاله ويخرج تخنزر فيا مروان وكامل شافوه وليت هبطت راسي وخليتو هو لي يهدر معاه حتى بابا تخنزر فيا قالي راكي مرت راجل وراجلك راه قدامك هو لي يهدر حركت راسي برك وسكت كي خلاصت وقت
