رواية چرح المشاعر الفصل 17-18 بقلم أمال جوري حصريه وجديده

رواية چرح المشاعر الفصل 17-18 بقلم أمال جوري حصريه وجديده 
حكمت الجاج لي درتو فالكباب قليتو فالمقلة وملحتو شفت الساعة كانت الثناش هاذيك هي سربيت كلش فالطباسا دخلت ماما قاټلي صيبو وجدتي كلش _ يرحم باباك وين كنتي نتيا _ هاكنت عند الجارة حكمتني بالهدرة ونورمال ياك نتي خليتك تديري لراجلك سكت وخليتها قاټلي روحي حطي فالصالو راهم ثما رحت لبست روبة كانت نشفت مزية عدلت شعري وهزيت الطباسا ورحت حطيت وبقيت نجيب وندي بالحاجة حتى تعمرت الطابلة جات ماما قعدنا ناكلو كامل مع بعض وانا حرف منطقتوش وهو يحكي غير معاهم الشوفة وماشافش فيا وبابا مكلا والو لابيتي تغلقتلو كامل كي كملنا قالنا انا نروح وشاف في ماما قاللها يا خالتي ماكلتك في عمري لا ذقت كيفها المرحومة وماكلتها مشي كيما هاذي بنة وحدها الله يرحم هاذوك اليدين ضحكت معاه وقاټلو يسلمك زورنا مرة أخرى قتلو في قلبي اونفا عجباتك حاجة فيا ولي هي ماكلتي هو راح وماما حصلت فيها الماعن غسلتهم ورحت لشومبرتي .... غدوة منذاك الصباح لقيتو ديجا جا لبست ورحت معاه جبنا خويا وولينا اليوم لي بعدو بداو الناس يجو عماتي الجارات فاميلية راجلي يماه خواتاتو نسا خاوتو حتى بنتو وجات بقينا انا وعماتي نوجدو فالقهوة فالغدا فالعشا مريحتش كامل نطيب فالقهوة من تكمل نروح نوجد سلاطة منا نستف فالطباسا نغسل الماعن نرتب الحلوة فالطباسا باه نديلهم هزيت هاذيك السنيوة وخرجت للصالة كانت معمرة بالغاشي وفاميلتو في وسطهم شفت عجوزتي رحت حطيت السنيوة ورحت عندها سلمت عليها حتى هي الحق فرحت بيا بزاف وخواتاتو نسا خاوتو كامل فرحو بيا ناضو سلمو عليا وبقاو يشكرو فيا يماه مسميتني الغزالة قاټلي وليدي هاذي المرة عرف يخير مشي كيما شي ناس قالتلها بنتها لي معجبتنيش ومارتحتاهاش نهار الخطبة يما خلاص خلي المرا راهي في قبرها_ سكتت ودارت عندي واش راكي يا رانية الغزالة _ والله لاباس يما ونتي كيفاه مع الصحة _ لاباس الحمد لله والله خلعنا مروان قالنا نسيبي دار اكسيدو _ ايه والله مسكين زعما كان رايح لسكيكدة باه يلقا الخدمة عشو معيطيلنا وقالولنا راه دار اكسيدو مزية لي خرجت سالامات ومكان والو متضررش بزاف صاحبو مسكين لي تضرر ومزال مفطنش _ اوخذتي مسكين نشاله مايكون غير الخير وينوض بخير وعلى خير _ نشاله يا خالتي قاټلي ختو رانية علاه قلتيلو لخويا العرس على خمس شهر والله حابين نشوفوكم مع بعض _ والله معلابالي علاه ضحكت وقلتلها ملقيتش واش نقولك حبيت نطولو شويا برك _ قاټلي ياودي اسكتي برك مع اللول قالنا قلتلها على شهرين وهي قاټلي على خمس شهر بصح كلمتك لي غلبت ضحكت قالتلها يماه وليدي