رواية چرح المشاعر الفصل 19-20 بقلم أمال جوري حصريه وجديده

رانا مسلمين ولازم ندفنو مۏتانا والله يرحمهم جميعا نشاله وماتنسايش هم السابقون ونحن اللاحقون مهما نديرو في حياتنا ومهما نعيشو يا لوكان ميات سنة نعيشو بالملاير غير بالسعادة عمرنا لا نحزنو هكاك ومصيرنا هاذيك الحفرة لي فيها زوج مواتر وكامل نتحاسبو بنفس الصورة قدام رب العالمين _ هدرتلو بالبكا بالقنطة بالشهقة مروان سما خلاص بابا راح راحلي بابا ضكا ليمن نقول كلمة بابا شكون لي نولي نشكيلو شكون لي نضحي على جالو اه ميقدرش يولي مروان ربي ميقدرش يرجعهولي مروان تعيش خليني نروح عندو منقدرش بلا بابا بابا هو كلش في حياتي يا مروان تعيش اديني عندو الله يخليلك بنتك لي ټموت عليها في جال بنتك اديني عندو _ استغفر الله رانيا واش هاذي الهدرة راكي جهلتي نتي كامل استغفري استغفري طرت فيه كيفاااااااااااه نستغفر وانا باباااااا راااااح اه كيفااااااه قټلك خليني نشوف بابا خليني نوض منعندك اطلقني خليني مروان تعيش خليني حط يدو على راسي ويقرالي في اية الكرسي والمعوذات حكملي وجهي يمسحلي فالدموع هديت شويا غير نبكي برك حتى دخلت بنتو كي شافتني في حظنو جات تجري تبعد فيا وتقولو خليك منها هزني انايا انا لي نحبك كي بقات طبع فيا هكاك من هاذاك الظغط كنت فوحد الحالة غير ربي لي يعلم بيها عيطت عليها بعديييييييي عليااااااااا نتيييييييي ثانييييي ونضت من عندو والله ماقصدي نعيط على طفلة صغيرة بصح الله غالب كانت حالتي تقطع القلب وزادتني هي تطبع فيا وتقولي نوضي ولات تبكي سمعتو قالي شووووفي علاااابالي بحاااالتك مهيش ملييييحة بصح بنتييييي منسحق حتى واحد يعيط عليهاااااا سمعتيييييي درت عندو مااالاااااااااااا اخرج منا اااااااا ماداااااااام معجبكش الحااااااال على بنتك اديها وروح روووووح منايااااا _ ايه عندك الحق مشي مليح لي يحن عليك نتيا هز بنتو وخرج وخبط الباب ماراعاش مينبا المشاعر تاوعي في نهار كيما هاذا يهدر في هدرة تجرحني ويعيط عليا والله منسمحلو ميحشمش قعدت على السرير تاعي غميت وجهي فالمخدة ونبكي من قلبي هاذاك النهار راني هايلة لي قلبي محبسش مالبكا ولا عينيا متعماوش منو سمعت الباب تحل دخلو عندي سيرين وحبيبة واية خواتاتو وعجوزتي جاو كامل غير ختو لي مرتحتلهاش سموها صفية.. عزاوني نضت عندهم نبكي ونمسح في دموعي عجوزتي قعدت قدامي ودارتلي راسي على حظنها تمسح على شعري ولبنات كامل يشوفو فيا دموعهم سابقينهم قاټلي اسكتي حنة حنة ربي يرحمو نشاله وبربي حاجة ماتخصك مع وليدي نشاله هو لي يعوضك يا الحنينة خلاص بنتي اسكتي راهي حالتكم تشف القلب يماك مصروعة فالشومبرة ونتي هنايا مغمومة اسكتي حنانة بنيتي الزينة عروستي الشابة اسكتي ادعيلو بالرحمة بنتي قولي ربي يرحملي بابا في قبرو هو تهنا فراها
خلاص بقينا غير حنايا نستناو اسكتي بنتي اسكتي مسحتلي دموعي قاټلي خلاص اسكتي ونوضي روحي شوفي يماك الدار راهي مهولة مكاش لي يخدمها راهم هنايا بناتي يعاونوك في سبيل الله وعماتك كامل يبكو ومحظنين بعض كاين غير زوج راهم لاتيين بالكوزينة اسكتي وقومي بجنازة باباك نتي هكا يا الزينة هيا نوضي حنانة نوضي عاودت مسحتلي دموعي ونوضتني حكمتلي شعري ورحت خرجت لقيت الدار معمرة بالغاشي مكاش وين نتنفس رحت للكوزينة لقيت زوج جاراتي يديرو فالفطور وعمتي الكبيرة معاهم حظنتني وقاټلي وين كنتي مشفتكش كامل ساحو دموعي عمتي وين راح نكون زعمة بابا راح خلاص وميوليش راني كنت عندو يا عمتي بكات وقاټلي ربي يرحمو نشاله فكرتيني في بابا نهار راح سهل هو ثاني وضكا زاد خويا ربي يرحمو نشاله يااااااا ربي سلمت على طفالاتي وشكرتهم الصراحة عاونوني بزاف وانا بكيت حتى دموعي نشفو وماقدرتش نزيد نبكي بقيت ندخل فالغاشي وهو يعزي فيا قمت بالحالة وشفت ماما مصروعة مهيش كامل معانا قدما سييت نوضها محبتش تنوض قالولي بلي مروان قاللهم راهي فقدت الوعي وضكا تفطن 
يتبع