رواية چرح المشاعر الفصل 23 بقلم أمال جوري حصريه وجديده

حنان هي لي راهي تقول لجدة باه منحكيش معاك _ وجداك واش تقولك _ جدة تقولي متحكيش مع رانيا ومتحبيهاش باش ماما حنان ماتزعفش منك _ شوفي حبيبتي انايا ماماك ولازم تحبيني وانايا نحبك متزيديش تسمعي لجداك ايه دارتلي براسها ايه رانا معليش نزيدو نشوفو الجاجة عجبتني ضحكت معاها حكمتها من يدها ونوريلها فالجاج عجبوها وحد القطوطة سيامو تاع جارنا قاعدة تلعب معاهم سمعت اسمي بصوتو درت عندو درتلو براسي وشنو قالي جيبيها وارواحي حنا جينا باه نتفاهمو على العرس خرجتي وديتيها معاك _ واش حبيتني ندير لازم نخلي الطفلة توالفني هزيتها هيا ايناس ماما نروحو للدار والمرة الجاية يجيبك بابا عندي ايه عمري هزت راسها ورحت معاه دخلنا ايناس بقات في حظني قالي مروان شوفي مالا على شهر العرس كامل وافقنا بقيتي غير نتيا _ مادام ماماوخويا موافقين راني موافقة بصح عندي شرط _ ولي هو _ العرس منديرش مكلاهلي بيه منيش حابة ندير الغنا وبابا معندوش ربع شهر ملي ماټ ندير حاجة خفيفة برك عشا وصيبو وحتى اذا حاب دير عرس ماتدير لا زرنة لا غنا لا زغاريت لا حنة مۏت بابا جا فجأة ومنقدرش نفرح ونغني ونشطح وتراب قبرو مزال منشفش _ معليش مكاش مشكل المهم هو انك تدخلي لداري وشرطك مقبول ومنفذ وانا منيش نحوس على العرس والفرح المهم تقوميلي ببنتي وخلاص قاطعو خويا واش تقصد بهدرتك هاذي علاه راك مديها باه تقوملك ببنتك ولا كيفاه رجعلو مروان لا حاشا حتى هي نديرها في عيني وبنتي من واجبها تقوملي بيها دارتلو ماما لخويا بعينيها خلاص اسكت قاټلي عجوزتي مالا الشهر الجاي نشاله راكي تجي للدار يا بنتي حركت راسي فيكسينا لادات زادو شويا وقالو نروحو بست ايناس قلتلها أيا روحي ماما مع بابا وانايا المرة الجاية نجي عندك ايه _  ذنب برك الناس لي مشي ملاح قراوها ويعمرو فيها عليا جداها ستغلت حب الطفلة الصغيرة ليماها وتعمر فيها وتقوللها لوكان تحبي رانيا ماماك تزعف منك ربي يهدي ما خلق نشاله .تكملة جزء 23
مدلي خويا شويا درتهم خرجت انا والجارات يومين برك شريت صوالح يخصوني انايا برك قيس فاليزة وحدة برك وصيبو دارتلي ماما سنيوات حلوة مقروط بقلاوة باه نديهم معايا وصايي قدما حلوني باه نروح للحفافة محبيتش جابوهالي للدار دارتلي حاجة خفيييييفة محبيتش كامل ندير تقول مراني عروسة الله غالب منقدرش نفسيا نفرح لبست كاراكو مشي مينبا تاعي تاع عمتي الصغيرة لبسولي البرنوس حتى دخلت عجوزتي وقاټلي ربي يهنيكم نشاله دخلت ايناس مع باباها جيت قلتلها متجيش عندي قاټلي لالا روحي راهي ماما زعفت مني اواااااه
 هاذي جداها كل مرة تعمر فيها وتقري فالطفلة والله حرام عليها ضكا ساعة تحبني ساعة متحبنيش كيفاه راح ندير معاها انايا خلي كي نولي في دارو وندير حد للشي هاذا جات ماما عنقتني بكيت الډم قلتلها ربي يخليك ليا نشاله يا ماما حتى خويا دعالي بالهنا وخرجت تحت جناحو وحكمني مروان من يدي دخلني للطونوبيل وركب بنتو ماللور وركب طريق كومبلي يلعب مع بنتو ويضحك معاها وانا كي شغل مكاش بصح مغاضتنيش نورمال هاذي بنتو ومن حقو يلعب معاها ويعبرها قبلي انايا كانو عماتي وماما وخويا في طونوبيل مورانا حتى وصلنا صوناو شويا برك مالڨري قلتلهم ماتصونوش بصح معليش هبطني وداني لوحد الشومبرة .... يتبع