رواية چرح المشاعر الفصل 31-32-33-34 بقلم أمال جوري حصريه وجديده

هادي لرانيا الشابة تاعي زاد باسني وقالي وهادي لرنونة الانوشة البابيشة تاعي مسحت فمي _ ااااااع متمسحيش عاود باسني طبعتو ونضت نجري يايما ليوم وشبيه المخلوق هاذا دخلت للدوش غسلت توضيت وخرجت لقيتو لبس حوايجو ويعدل في شعرو وايناس تتفرج فالطابلات شاف معايا دورت وجهي قالي الخزانة ندبتيلها ضكا نشري وحد اخرى ولا نجيب السڨام يسڨمها _ وش دخلني شي شغلك ومتزيد تجيبلي حتى حاجة سمعت حتى حاجة منزيد نحكمها عليك خلاص الكونفيونس بيناتنا راااح بححح 
3334
جزء 33
شاف معايا وطلع حاجبو مهم كيما قټلك انا ضكا نروح للخدمة والعشية نتلاقاو نشاله مهدرتش معاه رحت ديراكت للخزانة جبدت قش الصلاة لبستو وهو باس بنتو وراح صليت وبديت شغلي كيما العادة حتى لليل كي كنا راح نرقدو صونا الباب فزعت حتى ايناس فزعت محبيتش نوض حتى صونا تيليفوني كان هو غير هزيت وليت نهدر مخليتلوش كامل الفرصة باه يهدر ياااا مروان مزية عيطت في وقتك واحد مالصباح وهو يصوني اجري شوف شكون وبنتك راهي تبكي _ ياودي حلي الباب هاذا انا راني نسيت المفتاح تنفست اوووه هاذا نتايا خلعتنا ضك نجي وكوبيت عليه حكمت ايناس عندي مسحتلها دموعها وشبيكي تبكي ياك راني معاك مامي و هاذا باباتي جا برك اسكتي متبكيش شاطرة تاعي عاودت مسحتلها دموعها ونضت رحت حليتلو الباب دخل يجري وعاود غلقو اححححح راه البرد برا راه السميڨري _ علاه نسيت المفتاح _ يا سيدي مينبا قولي السلام عليكم ولا مرحبا ولا على سلامتك ديراكت تطيري فيا مديتوش سكارة باه نوضك _ اوووف مروان اوووف منك وجيت رايحة عاود رجعني عندو ضك نتي متحشميش على روحك اطفلة احتارميني واش هاذي الهدرة واش راكي حاطة روحك _ ڨلادياتور حاطة روحي ڨلادياتور كي تسڨم روحك معايا ثم نولي كي العسل معاك _ انا قټلك المرة ليييييي فااااتت بلي راكي معاقبة وراني معاقبك ومزال العقاپ مستمر كي تنفحلي نحبس نحبس وحدي _ معاقبة علاه كشما غلطت معاك ولا كشما درتلك حتى تعاقب فيا بصح نفضل تضربني ومتجرحنيش بلسانك _ ايه عندك الحق خصك تيو تاع الڨاز وراني نافحتلي نڨطع واحد ونحكمك بيه _ قالولك ساهلة تحكمني بيه واقيلة حكمني من شعري وعضڼي من خدي اللحمة طيرها وليت نعيط وهو يضحك عليا طبعتو ورحت للدوش غسلت وجهي ذيلاف ذشماثة الله يعطيه حبة في ذوك لسنان نشاله خرجت مالدوش قابلني خارج مالشومبرة لابس البيجامة تاعو الزرقة غمزلي ودارلي براسو تبعيني شغل خدامتو ستغفرت ربي ورحت للكوزينة لقيتو قاعد ويكونيكتي حطيتلو العشا وجيت رايحة حكمني عندو وقعدني مقابلاتو _ خليني نروح ومتزيدش تمسني _ ناض يعكي في صوتي ويقلد فيه ويضحك كل مانجي راح نوض يحبسني