رواية چرح المشاعر الفصل 31-32-33-34 بقلم أمال جوري حصريه وجديده

فوق المطرح كي رقدت هزيتها وديتها لشومبرتها قريت عليها المعوذات وخرجت رحت للشومبرة لقيتو يصحح وداير نواظر جاني الضحك يايما نتبهلي اضحكي اضحكي الذيب نسا كعالتو ويعلق على كعالة خوه _ اووو منضحكش ضكا ولا واش _ علاه راكي تضحكي _ نضحك عليك تقوليك شيخ في عمرك 40سنة ناض يضحك يايما على البابيشة تاعي على حسابك الشيخ في عمرو 40سنة _ ايه 40سنة خلاص راه شيخ _ روحي بنتي روحي تنني على روحك ولا نقولك راواحي عاونيني فالتصحيح نشوف هاذاك الفكرون لي في راسك واش يهز _ علاه جاتك بيزار كي قټلك 40سنة شيخ ايه شيخ على روحك نتايا وزدت النواظر هاذوك _ حاشاك لا انا شيخ متكونباريش روحك بيا انايا وين نخليك نتي لي عجوزة على روحك جلدك وتكمش عوجت عينيا وخليتو _ هيا ارواحي صحي معايا الورق والله راني مېت بالعيا _ منصححش صحح وحدك _ مالا نتي حمارة وغبية متعرفيش تقراي وعمرك لا قريتي حرف _ حاشاك قارية و فاهمة عليك _ ارواحي وريلي شطارتك مالا _ ايه نجي وينو المشكل رحت عندو مدلي التصحيح الكامل وعشر ورق بقيت نصحح والله قرايتهم ساهلة بكري كنت نجيب مليح وهاذو الاسئلة كنت نطير فيهم كي كملت ناض يصفر اوووو شاطرة ا كملتي بالخف _ هادو تاع بريمار واش فيهم بصح نسقسيك نتا ضك تخدم كامل الخدمات تخدم طبيب استاذ متعياش ولا _ لا انا خدمتي Cardiologue طبيب القلب وعندي ثلث ايام فالسمانة يرونبلاسبني واحد اوخر بصح مؤقتا برك ويروح وانايا كي جيت نعرف الماټ مليح نقري الذراري هاديك زوج سوايع مينبا الواحد يدي الاجر _ علاه تقريهم باطل _ لي نشوفو عندو يخلصني غير 50 الف فالشهر نمدهم لايناس في شحيحتها ولي معندوش معنديش مشكل باه مايخلصنيش الخير كاين الحمد لله منطمعش فالميتينالف هاذيك تاع الزاوالي _ حاجة مليحة مالا انا راح نرقد _ لا مترقديش ليوما متوحشك _ متوحشني قولي متوحش الاستاذة حنان _ رانياااااااااااااااا سكتينا صيبو اووووو متزيديش تجبدي اسمها كامل خلاااص المرا ماټت راهي في قپرها خليها في قبرها_ لالا نتايا لي مخليتش المخلوقة ټموت في راحتها ملي تنوض ونتا تكومباري فيا بيها ولبارح بلا مانفكرك ونحط يدي على الكعبة ماننساهالك الجاست هاذيك _ يا دينك راح نجي نخنقك ونتهنى من زريعتك راسك خشين حابة نقولك الصح واقسم بالله العلي العظيم ما ريحتها هاذيك والله يا رانيا ما ريحتها حنان عندها عام ملي راحت سمعتي عندها عام ملي راحت وانا هاذيك جبتهالك كادو ليك نتيا ونتي لي نضتي لبارح تاكلي في روحك وفهمتي النقص وحدك كنت راح نوض ليك نقتلك على الحس لي درتيه فالليل بصح