رواية چرح المشاعر الفصل 39-40 -41 -42 بقلم أمال جوري حصريه وجديده

معليش يتخيلني هي قلت معليش بصح باش يجيب حوايجها ويخليهم فالخزانة هاذي منتفاهموش عليها وانا منعرف كيفاه مفقتلهاش الفاليزة هاذيك باسكو هاذيك الجيهة فارغة ومنحلهاش كامل حتى هو جامي شفتو حلها بصح الظاهر حوايج مرتو مزالهم هنايا والله هايلة هاذي هاذي المرة و الله منسكت لا مرخستوش ولا معطيتوش كف منيش مرا خلاص بزاف سكتلو سكتلو كي شافني ساكتة طغا عليا وحاب يطلع فوقي واش وين رانا رايحين بيها هاذي العقلية كي عيات رقدتها وديتها لشومبرتها طفيت الضواو وحكمت بلاصتي دخلت تحت الفراش ونسيي نرقد بصح والله ما قدرت عيييت منو الراجل هاذا ميتعاشرش مفهمتش المخلوقة هاذيك كيفاه كانت حاملاتو حكمتني القلقة والستراس نضت شعلت الضو وحليت الفاليزة هاذيك بقيت نجبد فالحوايج لقيت كلش روبات سراول حتى لينويزات غلقت عينيا وعاودت حليتهم دموعي تعصرو وحدهم بقيت نشوف فيهم ونتفكر يا ربي وين رميت روحي انايا وين دخلت روحي يايما يخوني بين عينيا وميجيبش حوايج مرتو لداري يا ربي وعلاه يا ربي ياك راهي مېتة كي يجيب حوايجها واش راح يصرالو زعمة راح تعاود تحيا راني كي الخضرة فوق الطعام راني كي الخدامة عندو انايا نخدم عليه نقيلو في ۏسخو في دارو ونربيلو في بنتو وصحيتي ميقولهاليش بالعكس يزيد يعايرني مفهمتش واش درتلو بصح معليش مزال مفاضش الكاس وانا هادية هادية هادية بصح اذا وصل الموس للرقبة نولي وحد اخرى كامل الشوفة منشوفش فيه يولي فلو طرونسبارو بوطو وانا زعافي سامط ورهج كثر منو والله ونفوت ننفاجر ونزعف مايزيد يشوف شعرة من راسي بصح معليش مزالت عندي نسبة صبر قليلة مي لا بقا هكايا والله غير تخلاص ونفيض كامل ويشوف شكون لي يجيبها تربيلو بنتو كي شفت روحي خلاص مقدرتش نزيد نكمل نشوف وراسي بدا يدور والدوخات تدي فيا وتجيب لحتهم كامل فافاليزة هاذيك وطحت على الفراش الضو وماغلقتوش راسي وجعني اصلا انا مريضة بالدوخة وكي نزيد نتشوكا نزيد كثر
ديري الجام متنسايشجزء
هي يعني الحمد لله فالثلث اشهر هاذو داواني مليح شرالي الدوا وكل حاجة تحسنت شويا وزدت فالميزان بصح الدوخة بقات مشي كيما مقبل نقصت ولكن غير فالحالات لي صح لازم ندوخ فيهم كيما ضكا نلقا في حوايج مرت راجلي السابقة والمېتة في داري وفي خزانتي وخزانتو يا ربي اعطيني الصبر اللازم برك بقيت هكاك شغل راقدة وفايقة حتى سمعت الباب تحل سمعت خطوات رجليه كي راح للدوش كنت حابة نوض نواجهو بصح مقدرتش خليه غير يهدر معايا برك نوض ليه ناكلو من وجهو ونقتلو كي زدت سمعت الخزانة تحلت باه يدي حوايجو زاد عليا الحال كثر وليت نبكي بالسكات بدل وجا دخل فالفراش مسني من شعري لحمي شوك _ رانا