رواية چرح المشاعر الفصل 43-44-45-46-47 بقلم أمال جوري حصريه وجديده

فيه الكفاية راه جاي نهارك ونخلف الثار بالدوبل ولي ميخلفش الثار حمار ولا مخلفتش الثار راني حمارة ونشاله نخرجلو عينيه ونسهرو سواسوا سواسوا نخليه يتيم بلا بيا ولا منيش رانيا بنت فحل وفحلة معليش يجي النهار ونقلبو على راسو مليح مليح غسلت وجهي مالدموع ونحيت حوايجي شفتهم مطراسيين سواسوا وكي قالي لحمك يذوق التيو مغلطش وانا لا مذوقتش قلبك الشوق منيش مرا استناني شويا برك كي نشوف روحي درت واجبي وخلاص وصية بابا ماعندها ما تزيد تنفعني ونوريلك مليح مليح يا مروان ولا منيش مرا اصبر برك خرجت مالدوش لقيتو مراهش ثما دخلت فالفراش وهربت للنوم كنت مقلقة لوحد الدرجة كبيرة خليت كلش ورايا ورقدت ما فطنت غير على صوتو رانيا رانيا نوضي حليت عينيا بالعقل وشنو واش علاه تنوض فيا _ نوضي ديريلنا كشما ناكلو
ديري الجام متنسايشجزء
_ يخااااه راني عياااانة مراكش تشوف فيا دايخة ووجهي صفر كي الحبة تاع القارص ناض يعيط يا يما هاذا الراجل شحال يدشش وزاد جبدلي الموضوع تاع الصباح هبل هبل كي قالو الفرماسيان هاذاك جات ليا وحدة شابة راح يخرج من عقلو بقيت نشوف فيه كيفاه يعيط وحدو كي المهبولةكيما درت معاه ماحكمتوش حتى جات ايناس قاټلو علاه راك ټعيط زاد طار فيها هي ثاني كلاها ماكلة بكاها جات تجري عندي تخبات في حظني غطيتها وخليتو كمل التدشاش تاعو وخرج شفت معاها ايناس بنتي خلاص متبكيش _ بصح وعلاه يعيط عليا مدرتلو والو نكرهو منحبوش _ خلاص خلينا منو جايح مروان جايح هيا بنتي ارقدي عندي ارقدي درتها في حظني حتى رقدت مسكينة السطر دار فيها حالة وماعرفتش كيفاه نتعامل معاها كامل حتى بديت نغفا ورحت فيها .... سمعت صوتهم حليت عينيا لقيتها في حظنو وهو يبوس فيها ويمسحلها في دموعها اعمري والله منزيد نعيط عليك اسمحيلي الله لا تربحني خلاص بنتي هيا اسكتي شوفي واش شريتلك شريتلك العاب وروبة شابة اسكتي حبيبي سامحتي بابا ولا لالا _ لالا _ اااااا وانا كي متسامحنيش ايناس شكون يسامحني هيا بنتي الشابة اسكتي اميرتي ڼموت عليك هيا نهز بنتي تروح ترقد منهيه باه غدوة نشاله نديك نداويك ويروحلك الۏجع في كرشك هزها وخرج بيها بقاو غير عينيا يلمعو مالدموع انا لي يضل يجرح فيا وعطاني طريحة تاع كلاب اسمحيلي مقالهاليش وبنتو كي عيط عليها غلطة مالصباح وهو يطلب فالسماح ويمحمح تقلقت منو نضت ندور ونهدر وحدي والله ما يحشم يبوس فيها ويطلب فالسماح كي عيط عليها بالغاااالط برك وانا لي ديت الخباطي من عندو وزيد مخرجتش بالعاني في جال بنتو مقالي والو والله ما يحشم والله ما يحشم في رمشة عين لقيت روحي فالسما درت عندو نزلني لاه تهز فيا خليني نروح بعد مروان بعد والله راني مقلقة راني خاېفة عود نغلط معاك بالهدرة وتزيد تخليها عليا خليني _ واشبيك رانا غرتي عليا من بنتي ولا وشنو غرتي كي بستها وقلتلها اسمحيلي ونتي مقتلك والو نبوسك نتي ثاني _ متبوسني منبوسك خليني نروح وانا نغير عليك تحلم بيها هاذي تاع نغير عليك _ امممم باين بلي متغيريش هاذيك الفرملية كليتيها الصباح وتقوليلي منغيرش _ مروان نزلني علاه هازني واش تحوس _ اسمحيلي رانا اسمحيلي كي ضربتك واسمحيلي كي خرجتي بلا ما تسقسيني واسمحيلي كي رجعتيلي الهدرة جاني الضحك شاف معايا خلاص سمحتيلي _ مانسمحش خليني نروح
_ اوووو ايناس دقيقة سامحتني ونتي متسامحينيش بقا يشوف معايا لاحني على السرير وسوطا فوقي بقا يبعدلي في شعري جا راح يبوسني دورت وجهي مروان نوووض عليا خليني نوض نوض ازرب منيش حابة نشوف وجهك خليني _ رانيا شوفي ليا _ مروان خليني نروح _ معليش شوفي ليا دقيقة نخليك تروحي دوري وجهك غير مع دورت وجهي لقيتو ديجا يبوس فيا ذبت ذبت خلاص رحت فيها كامل عندو وحد الحنانة قدما قاسې وجارح بصح حنانتو تغطي كلش هو صح يجرحني ويعايرني ويقارني وميحبنيش بصح دايرني فوق راسو معيشني كي الملكة واش يجيب لبنتو يجيبلي ليا حتى كي يشرليها كاش لبسة يشريلي انا ثاني كي شفت روحي راح نذوب ونستسلملو تقويت وطبعتو ونضت مروان قټلك متزيدش تقربني خليني في حالي بقا يشوف معايا خليتو ورحت للكوزينة درت كاسكروط وبقيت ناكل كنت مېتة بالجوع كي كملت رحت للشومبرة لقيتو متكي ومغمض عينيه دخلت في فراشي وعطيتو بظهري .
غدوة منذاك نضت الصباح بكري وجدت الحليب والحوايج تاع ايناس وكل حاجة نحتاجوها حتى الماكلة ووجدت بصح خليتها صايمة لازم تصوم نوضتها لبستلها حوايجها وزدت لبست انايا ورحنا للسبيطار شحال غاضتني مسكينة مروان خلاني فالبيرو تاعو تقول منعرف واش راح يصرا كي يشوفني كاش واحد ياك راني بالخيمار وبكل حاجة ايناس داوها للبلوك باه يبداو العملية وهو جا قعد معايا فالبيرو واحد ما هدر مع لوخر غير انا لي قاعدتلو فالكرسي تاعو وهو قاعد فوق البيرو بقيت نشوف فيه كيفاه خاېف على بنتو عجبني عندو وحد ملامح يخوفو في نفس الوقت يجذبو سفقلي في وجهي واش اعمري عجبتك ولا دورت عينيا وسكت جازت وحد نص ساعة وكسر الصمت نشاله ما يكون غير الخير _ امين يا رب العالمين دقدق الباب دخلت هاذيك الفرملية تاع لبارح كي شفتها تقلقت وهي كي شافتني قاعدتلو فالبيرو تاعو عينيها خرجو مالشوك دارلها براسو وشنو
ديري الجام متنسايش
يتبع